Briefwisseling van Hugo Grotius. Deel 5

2091. 1635 mei 11. Aan Willem de Groot⁷.

Responsum ad tuas vigesimi tertii Aprilis literas⁸, frater carissime, quod distuli tam diu, in causa fuerunt perpetua cum D. cancellario itinera⁹, primum ex Campania, quo me evocaverat Compendium, ubi rex¹⁰ erat cum aula, quae nos per dies aliquot magnifice habuit dominumque cancellarium confecto bono foedere honoratum omnibus amicitiae regiae testimoniis, et inter ea dato de manu regis adamante, dimisit. Inde Compendio Lutetiam ubi summus ille vir et aequandus

7 Gedrukt Epist., p. 853. Antw. op nos. 2069 en 2074; beantw. d. no. 2122.

8 No. 2069.

9 De Zweedse rijkskanselier Axel Oxenstierna; vgl. o.a. no. 2084, p. 456 n. 1.

10 Lodewijk XIII van Frankrijk.

[p. 467]

regibus meae domus hospitio in aliquot dies usus est. Lutetia rursum aliquo usque in viam, quae Rhotomagum ducit, unde negotiis me revocantibus huc redii. Ipse aut Rhotomagi aut Diepae exspectabit bellicas ex Batavis naves, quae ut puto ipsum quanquam properantem ad vos deducent, ibi quoque, ut arbitror, consiliis hortatibusque futurum non inutilem. Spero amicos nostros non defuturos, quin data occasione intelligat se in me ornando rem fecisse multis bonis gratam et non eam esse, quae fuit hominum nobis infestorum, potentiam.

De bello aperto in Hispanum¹ verba nunquam liberaliora et paratus magni videntur. Quid facturi sint, non dixerim. Verum si id facere constitutum fuisset, poterat Castellum Fontani, quod triginta tantum militibus tenebatur, non minus occupari quam illa, quae in Valle sunt Telina. Nec quicquam obstitit quam quod haec soli essent Rhaetici, illud soli Mediolanensis.

Rex adhuc in finibus est Belgarum; quid acturus, brevi videbimus. Multi huc rediturum putant. Ego ἐπέχω.

Utenbogardo² omnia optima preceris rogo, et dicas numeratam jam a Tileni [uxore]³ uxori Tresilii⁴, qui ob id huc venit, pecuniam. Losecatio⁵ et uxori cum liberis non minus quam tibi tuisque et parentibus⁶ communibus omnia opto faustissima. Pro transmisso Episcopii libello⁷ gratias ago.

Vale, mi frater. 9 Maji 1635.

Overbekianum⁸ negotium, quanquam tuam diligentiam satis novi, tamen ipsius rogatu tibi commendo, ut vir bonus tandem tutelae gravis nexibus exsolvatur. Spero videris quae ego, Hamburgi cum essem, ea in re egi respondique.

His exaratis accipio tuas fine Aprilis⁹ scriptas. Rotterodamense negotium¹⁰ etiam atque etiam cordi habeatis rogo. Sunt enim justae festinandi causae. De religionis exercitio¹¹ pergam cogitare et, siquid utile docti et sapientes suggerant, me mone. Diderici¹² curam vobis commendo et familiae insignia¹³ et Sophompaneam¹⁴. Magni facio Blavium¹⁵, sed trico est, ut video, nec tempora observat.

11 Maji 1635.

Tuus tui amantissimus frater
H. Grotius.

1 Philips IV.

2 De remonstrantse predikant Johannes Wtenbogaert.

3 Jeanne de Guillon, weduwe van de in 1633 overleden Daniel Tilenus.

4 Henrickgen Aelbrechts van Leuningen (†1659), vrouw van de in 1618 uitgeweken klerk van de Staten-Generaal Daniel Tresel; hij dreef te Rouaan een suikerraffinaderij. Deze Henrickgen was waarschijnlijk een dochter van Aelbrecht Heyndricksz. van Leuningen, boekdrukker te 's-Gravenhage en schepen, later burgemeester en vroedschap aldaar.

5 Frederik van Losecaat, gehuwd met Grotius' zuster Adriana; hun kinderen waren Esseline, Anna en Diderik.

6 Jan de Groot en Aeltgen van Overschie.

7 Zie no. 2047, p. 411 n. 14.

8 Misschien Matthijs van Overbeke uit Leiden; zie no. 1881, p. 187 en n. 5 aldaar.

9 No. 2074.

10 Dit slaat op Grotius' pogingen zijn achterstallig salaris als pensionaris van Rotterdam alsnog uitbetaald te krijgen.

11 Vgl. nos. 2038, 2052, 2055, 2056, 2074.

12 De derde zoon Diderik; hij verbleef voor zijn studie in het vaderland, waar de luitenant-generaal van de artillerie Johan van den Bosch zijn leermeester was.

13 Vgl. nos. 2063 en 2074 en verdere brieven van en aan Willem.

14 Hvgonis Grotii tragoedia Sophompaneas; zie no. 2074, p. 444 n. 1.

15 De Amsterdamse uitgever Willem Jansz. Blaeu, bij wie de Sophompaneas nog in 1635 verschenen is.