Briefwisseling van Hugo Grotius. Deel 5

2122. 1635 mei 28. Van Willem de Groot⁵.

Frater optime,

Mitto tibi insignia domus et familiae nostrae cum casside⁶, qualem pictor Masius⁷ harum rerum gnarus apponere voluit. Mitto et litteras a Vossio⁸, et quidem hoc tempore potius, quia litterarum commercio timere incipio.

Quae in litteris XI hujus mensis⁹ de itineribus cum Ill^mo cancellario¹⁰ emensis scribis, grata fuerunt. Interim ipse huc praeterita septimana appulit et hodie rursum Lugdunum atque inde Harlemo Amstelodamum decessit. Consules Delfenses eum convivio excepere, cui ex amicis nostris interfuerunt praetor

5 Hs. Den Haag, ARA., Eerste afd., coll. Hugo de Gr. Aanw. 1911 XXIII, no. 24. Eigenh. oorspr. Antw. op no. 2091.

6 Hierover herhaaldelijk in de briefwisseling met Willem van deze tijd.

7 Misschien de Haagse graveur Evert Krynsz. van der Maas.

8 Deze brief van G.J. Vossius ontbreekt, tenzij no. 2101 dd. 15 mei bedoeld is.

9 No. 2091.

10 De Zweedse rijkskanselier Axel Oxenstierna.

[p. 509]

Santenus¹ et Brasserus². Ego ne hanc mihi occasionem videndi et compellandi tanti herois elabi sinerem, ipsi hesterno die Sophompaneam tuum³, qui commodum ea septimana prodierat, obtuli et parentis⁴ - qui per festos hos dies hic adesse vix poterat - omniumque nostrum nomine pro collatis in te beneficiis gratias egi. Excepit me perbenigne et accurate ad omnia respondit, honorem tibi habitum meritis tuis minorem esse seque annixurum, ut magis magisque augeatur, dictitans tibi omnia officia nuntiari et patrem salutari suo nomine jubens. Miror sane viri majestatem, comitatem, facundiam, sed haec tibi frustra narro, qui virtutes ejus optime noveris.

Camerario⁵ et reliquis amicis exempla dedi tragoediae tuae, Salmasio⁶ per epistolam misi, Amstelodamensibus per Petrum tuum⁷ tradi curavi.

Didericus⁸ nuper Neomago scripserat se tertiana correptum eique malo levando medicamenta sumturum nunc cum per hosce aliquot dies nihil nec ab ipso nec a Bosschio⁹ intellexerim, non dubito, quin sanitatem recuperaverit. Cornelia¹⁰ ut valeat - nam aegrotasse accepimus - scire avemus.

Princeps¹¹ intellecto victoriae Gallici exercitus in Hispanos nuntio¹² Neomago movit XXIV. hujus mensis et hodie se cum Gallis conjunxisse creditur. Hostes clade suorum - nam ultra quinque peditum millia ceciderunt - admodum consternati Getam fluvium operibus et qua vadari potest castellis muniunt: omnem suum militem e Flandria illuc evocant, ut irruptionem in Brabantiam interiorem impediant. Certe Ferdinandus Austriacus¹³ minus jam prospera utitur fortuna quam apud Norlingam¹⁴ antea, quippe a nostris ad Philippinam cum dedecore repulsus a Gallis vero etiam cum damno machinarum et vexillorum caesus. Si semel justo proelio vincitur actum est de Brabantia.

Reigersbergius¹⁵ in se recepit onus cum Roterodamensibus de tuo negotio agendi, ego cras Delfos cogito, ut cum nostris popularibus de testimonio tibi perhibendo conferam.

Salutant te omnes hic amici, et nominatim Basius¹⁶, Boechovius¹⁷ et

1 François Willemsz. van Santen; zie IV, p. 483 n. 4.

2 Govert Brasser, pensionaris van Delft.

3 Zie no. 2120, p. 506 n. 6.

4 Jan de Groot.

5 Ludwig Camerarius, Zweeds gezant in Den Haag.

6 De Franse klassiek-filoloog Cl. Salmasius, hoogleraar te Leiden.

7 Over Grotius' zoon Pieter, die voor zijn studie in het vaderland verbleef, zie no. 2120.

8 Diderik, de derde zoon, verbleef eveneens om studieredenen in patria.

9 De luitenant-generaal der artillerie Johan van den Bosch, die Dideriks leermeester was.

10 Grotius' oudste dochter.

11 Frederik Hendrik.

12 Op 20 mei bij Avein in de Ardennen door de maarschalken Urbain de Maillé, markies van Brezé, en Gaspard de Coligny, graaf van Châtillon, behaald op Tommaso Francesco van Savoye; vgl. brief dd. 6 juni aan Axel Oxenstierna (dl. VI).

13 Kardinaal-infant don Fernando; zie IV no. 1652, p. 412 n. 11.

14 Op 6 september 1634 werden de Zweden bij Nördlingen door Matthias, graaf Gallas, verslagen; de kardinaal-infant had deel aan de zege.

15 Nicolaes van Reigersberch.

16 Rekenmeester Johan Basius.

17 Dit kan moeilijk Jacob van Broeckhoven zijn (zie over hem IV, p. 23 n. 6) en een Boechoven ken ik niet; een verschrijving voor Boechorstius (Nicolaes van den Bouckhorst, heer van Noordwijk en Wimmenum) is niet uitgesloten.

[p. 510]

Mireveltius pictor¹, qui Oxensternio tuam ostendit effigiem, quam ille mirifice probavit: pinxit et ipse cancellarium, quod ejus opus omnes mecum laudant.

Deus Opt. Max. te cum uxore et liberis diu nobis servet incolumes.

Vale.

Hagae, XXVIII. May 1635.

Tibi obsequentissimus frater
Guilielmus Grotius.

1 Michiel Jansz. van Mierevelt; zie IV, p. 467 n. 8. Veel van de door hem geschilderde portretten, o.a. dat van Oxenstierna, zijn gegraveerd door zijn schoonzoon Willem Jacobsz. Delff (1580-1638).

Diderico, qui lugubribus
in castris uti non potest,
opus erit novis vestibus;
interea iis utitur, quas
sub hyemem confici fecimus.

In margine schreef Grotius: 28 Mey (rest afgesneden).