Briefwisseling van Hugo Grotius. Deel 5

2002. 1635 maart 8. Aan J. Skytte⁷.

Illustrissime Domine,

Memor ejus amicitiae, qua me, cum legationem in patria quondam mea obires, condecorasti, etiam hoc nomine gaudeo, me in ejus regni negotiis, cujus es inter principes, locum reperisse, et honestum mihi et - quod futurum spero - publico non inutilem nihil dubitans, si qua se obtulerit occasio, in tua benevolentia atque authoritate multum mihi futurum praesidii.

In Batavis Brittanniaque mandata tibi negotia, ut quam optime succedant opto utque hoc labore feliciter defunctus successionem tuis⁸ filiis⁹ tradas, optimae si spei dixero, haud satis dixero, nam et rei juvenibus, quorum duos jam colloquio, eum qui restat fama novi, in patriis vestigiis solum figentes. Is, qui heic est¹⁰, legationis mihi mandatae officium praestitit, et cum in urbem introductus sum a marescallo Franciae Destraeo¹¹, et cum a duce Mercoeurio¹² in aulam perductus sum, ubi et ipsum filium tuum rex¹³ ad salutationem humanissime admisit.

Adversus Lotharingi irruptionem in loca quondam ipsi possessa marescallus

7 Copie (van de hand van P. Schmalz) Stockholm, RA., Gallica. Brev till legaten Hugo Grotius 1635-1638. Gedrukt Ep. Grotii ad domum Sueciae, p. 43. Zie voor geadresseerde no. 1923, p. 242 n. 2.

8 Het afschrift heeft abusievelijk ‘ejus’.

9 Johan, Bengt (Benedikt) en Jacob; zie no. 1923, p. 242 n. 2.

10 Dat zal Bengt geweest zijn; vgl. no. 1989, p. 334 en n. 2 aldaar.

11 François Annibal, hertog van Estrées; zie no. 1990, p. 335 n. 11. Het afschrift heeft abusievelijk ‘Drestaeo’.

12 Louis, hertog van Mercoeur; zie no. 1997, p. 346 n. 3. Het afschrift heeft ‘Mercurio’.

13 Lodewijk XIII van Frankrijk.

[p. 353]

Castilionaeus¹ adhuc abiturit. Spira depulsos Caesarianos² non certa fide sed spe percipimus³.

Excusavi heri regi pacta, quae in hac urbe a Lefflero⁴ Streifio⁵ que concepta fuerant, Svetici regni nomine non probata, et tum ex verbis ipsius tum ex aliis indiciis, confido futurum, ut alia cum hoc regno faciamus, magis e dignitate atque re regni Svetici. Sed patientia quadam opus, ut calidi ingenii⁶ Gallorum impetus retundantur.

Capti heic Puy Laurentius⁷ atque alii, qui fratrem regis⁸ retinere volebant⁹ in matrimonio Lotharingico¹⁰, plerisque eam injiciunt opinionem decessurum de priore sententia fratrem regium, praesertim cum cancellarii apud eum munus susceperit Butillerius¹¹, antehac regis arcanorum minister. Id si fit, sperare qui possunt plurimum et Sorbonam et Galliae episcopos contra illud matrimonium, non tantum inde quod regis factum impermissa fuerit, verum etiam quasi invito necessitate expressum responsuros.

Mittitur hinc in Angliam legatus comes de Poigny¹² speculandae magis aulae quam in spem fructus alterius. Quo navium ille in Anglia paratus evasurus sit, avidi exspectant vicini omnes eoque magis, quod et Galli suas per Germaniam Batavosque molitiones Anglis suspectas sciunt et Batavi de Ambonensi¹³ supplicio vindictam metuunt. Et tamen quis scit, annon pecuniae tantum quaerendae velum hoc obtendat aula Anglica.

Vale, vir mihi semper culte et colende plurimum.

Tuae Illustrissimae dominationi addictissimus
H. Grotius.

1 Gaspard de Coligny, graaf van Châtillon.

2 De troepen van Ferdinand II.

3 Het afschrift heeft abusievelijk ‘praecipimus’.

4 Jacob Löffler; zie no. 1989, p. 333 n. 8. Het afschrift heeft Leifflero.

5 Sillartus Streiffius; zie no. 1989, p. 333 n. 9.

6 Het afschrift heeft ‘initio’.

7 Vgl. no. 1981, p. 319 en nn. 10, 11 en 12 aldaar.

8 Gaston Jean-Baptiste de France, hertog van Orléans.

9 Het afschrift heeft abusievelijk ‘nolebant’.

10 Gaston was in het geheim gehuwd met Marguerite van Lotharingen; vgl. III, p. 206 n. 6.

11 Léon le Bouthillier; zie no. 1994, p. 341 n. 8. Het afschrift heeft abusievelijk ‘Eutellerius’.

12 Jacques d'Angennes, markies van Poigny; zie no. 1997, p. 346 n. 13. Het afschrift heeft abusievelijk ‘Coraes de Poigny’.

13 Het afschrift heeft abusievelijk ‘Arabonensi’. Ter zake zie Aitzema, Saken van Staet en Oorlogh I, p. 356; p. 1142.

Lutetiae Parisiorum XXVII Febr./VIII Martis MDCXXXV.

Adres: Illustrissimo Domino, D :no Johanni Skytte, L. Baroni etc. Senatori Regni Svetici, Serenissimae Reginae Regnique Legato ad Regem Britanniae.