Briefwisseling van Hugo Grotius. Deel 4

1587. 1631 februari 16. Aan Willem de Groot⁵.

Adhuc rogo, mi frater, Schickardi⁶ - meretur enim - rem apud Golium⁷ commendes. Differo ipsi rescribere, donec certi aliquid habeam, quod nuntiem.

Exclusio Calsii⁸, etiamsi privilegio Caroli⁹ non niteretur - quod tamen quomodo se habeat, velim scire - nititur communi aequitate, et quidem naturali, ut ait iurisconsultus ad titulum Quod quisque juris¹⁰. Sed quis custodiet ipsos custodes?

5 Gedrukt Epist., p. 837.

6 Wilhelm Schickard; zie n^o. 1527, p. 243 n. 4.

7 Jacobus Golius; zie III, p. 408 n. 9.

8 Niet geïdentificeerd.

9 Waarop de uitsluiting betrekking heeft valt bij het ontbreken van de identiteit van genoemde Calsius niet uit te maken; men kan denken aan een kwestie verband houdende met hetgeen Grotius vermeldt in zijn Inleiding tot de Hollandsche rechts-geleertheyd B II D 28, § 4 en § 8.

10 Quod quisque iuris in alterum statuerit, ut ipse eodem iure utatur; D. II, 2.

[p. 335]

Rex Suecus¹ meretur, ut quam magnificentissima de eo credantur. Sed Camerarii² ad me literae nihil affirmant, nisi vetera illa de Gripswaldo et aliis locis.

In Italia nemo dubitat, quin pacis legibus staturae sint partes. Nunc Parmensis dux³ arbitrium proferet de eo, quod Guastallis⁴ dandum est: Galeazzus⁵ a Caesare⁶, Servianus⁷ a rege Galliae legati ea, quae Sabaudus⁸ a Mantuano⁹ petit component. His transactis reddetur Mantua, deinde caetera.

Rex et aula Compendium abierunt non sine tumultuum hic periculo. Frater regis¹⁰ Aureliani nihil agit dignum tanto strepitu, quo hinc discesserat. Res provinciae Narbonensis ad pacem videntur spectare.

Amstelodamo de rectoribus gratulor nec minus ob advocata lumina literarum Vossium et Barlaeum¹¹. Patri, quod scripserit, gratias ago, etiam ex Diderici nostri¹² profectu, quem scimus maxima ex parte ipsius institutioni domesticae et hortamentis deberi. Eos omnes tuamque¹³ et tuos salutes rogem. Matri omnia fausta precor et ea maxime, quae grandescentem aetatem sublevent. Quid et ubi agit Medius¹⁴?

Valete.

16 Februarii 1631.

1 Gustaaf II Adolf.

2 Joachim Camerarius; vgl. n^o. 1598, p. 352 n. 1.

3 Odoardo Farnese, hertog van Parma; zie n^o. 1581, p. 324 en n. 11 aldaar.

4 De hertogen van Guastalla, van wie Ferrante II - zie III, p. 221 en n. 4 aldaar; zie ook III, p. 282 en n. 4 aldaar - de belangrijkste was.

5 Matthias Gallas; zie n^o. 1558, p. 289 n. 2.

6 Ferdinand II.

7 Abel Servien; zie n^o. 1581, p. 324 en n. 14 aldaar.

8 Vittorio Amadeo, hertog van Savoye.

9 Carlo Gonzaga, hertog van Mantua.

10 Gaston Jean-Baptiste de France, hertog van Orléans.

11 Zie hiervoor de brief van Vossius van 12 februari, n^o. 1585, p. 328.

12 Diederick, Grotius' derde zoon, was evenals zijn oudere broer Pieter, voor studie in het vaderland.

13 Alida Graswinckel.

14 Schuilnaam van Johannes Wtenbogaert; zie III, p. 117 n. 9.