Oeuvres complètes. Tome VI. Correspondance 1666-1669
(1895)–Christiaan Huygens–
Auteursrecht onbekendNo 1518.
| |
[pagina 10]
| |
auez prise touchant ces escrits de Viete et d'Anderson: Je me trouue assez satisfait des raisons que donne Monsieur Golius pourquoy ils n'ont pas esté imprimez. et luy rends graces de loffre quil me fait de m'enuoyer Copie de ceux d'Anderson: J'en useray selon ce que mordonneront Monsieur le Cheualier Hume & Monsieur le Docteur Pell qui m'ont employéGa naar voetnoot2) pour apprendre ce qu'ils estoyent deuenus. Quant aux Ressorts que Monsieur Hook applique au Balancier des Montres, & ses verres, Je vous remets a ce que vous en dira Monsieur Oldenburg de sa propre boucheGa naar voetnoot3). lequel vous dira aussi un mot, de la Monstre portatiue qu'a fait Monsieur de SonGa naar voetnoot4) de cette façon là; au moins Je len prie. Je suis du mesme aduis que vous touchant les accidents qui peuuent rendre le mouuement par laide de ces petits Ressorts inegal: Mais quant a la force qu'il faudra pour entretenir leur mouuement, il en est de mesme comme des pendules, a mon aduis: puisqu'il sen peut faire de tel degré de force qu'on voudra en leur donnant la longueur, lespaisseur ou la largeur requise. Vous me dites trop peu de l'aduance que vous auez faite et le succez que vous auez eu en faisant des verres sur Vostre nouuelle Machine. Quoyque vous ne vous en contentez pas que vous n'en ayez fait de 60 pieds, Je serois fort aise de sçauoir, si vous en auez fait de plus Courts aussi bons que celuy que vous m'auez fait voirGa naar voetnoot5) de 22. de Vostre façon. Si cela est, comme si Je ne me trompe, vous me donnez lieu de croire, Je ne doubteray point, que vous ne reussissiez en toute autre longeur. Je n'ay rien entendu, a ce qu'il men souuient, du trauail du Sieur Buratini, que ce que vous m'en dites. Mais il me semble que sil fait de bons verres de cette longueur il ne tiendra qu'a luy den rendre la Multiplication plus grande que du Centuple, puisque cela depend des verres oculaires, qu'un verre obiectif bien fait pourra porter, comme vous scauez bien mieux que moy, et dont nous auons veu quelques experiences dans celuy de 60. pieds qu'a fait RiuesGa naar voetnoot6), il y a bien un an. Je suis fort satisfait de ce que vous me dites touchant l'auantage que vous auez eu de voirGa naar voetnoot7) un des Satellites de ♃ dans son disque, tant pour la demonstration de la bonté de Vostre Telescope que pour la iustesse des Tables, qui en ont si justement donné l'heure. Mais quant a la tasche, que Monsieur Cassini dit auoir obserué dans son Corps, il est a la verité fort considerable et la consequence, qu'il en tire, pour establir son mouuement autour de son Axe, l'est bien dauantage, si au moins elle est bien fondée. Mais vous apprendrez de la main de Monsieur Oldenbourg que le Sieur Cassini n'a pas esté le premierGa naar voetnoot8) qui a obserué cette tasche: Et Jay gran- | |
[pagina 11]
| |
de peur que cette tasche ne soit plustost quelque autre Satellite, qui tourne autour de son Corps de si pres, qu'on ne le pourra pas voir quand il en est à costé, tant parce qu'il y demeure si peu de temps, que pour estre tousiours dans les rayons du Corps qui en empeschent la veue. Mais il pourra estre que le Sieur Cassini peut prouuer ce qu'il en dit par des circonstances irrefragables, que Je serois fort aise dapprendre: Quoy que c'en soit, ce qu'il en dit vous doibt tous animer a en descouurir la verité tant en Jupiter qu'aux autres planetes plus proches de nous. Quant au plus esloigné, il y auroit plaisir a decouurir que son Corps tourne autour de son Axe pendant que ses Anses demeurent fermes: et si c'est un Cercle, comme Vous auez prouué qu'il pourra bien estre, sans difficulté il ne pourra auoir aucun Mouuement autour du Corps du planete si ce n'est qu'il garde tousiours une mesme plaine. Mais il est temps que vous consideriez auec grande attention la figure de ces anses à present, pour voir si vous n'y voyez rien qui vous fasse auouer que ce n'est pas un Corps de figure circulaire qui embrasse le disque du planete, mais deux: Ce qu'il y aura quelque suiet de croire a ce qu'il en semble, selon les obseruations qu'en ont faites le Sieur BalleGa naar voetnoot9) et son frereGa naar voetnoot10) tous deux de nostre Societé auec un fort bon Telescope de 36. pieds, dont Monsieur Oldenbourg vous enuoyeraGa naar voetnoot11) aussi tout le detail, selon qu'il me l'á enuoyé il y a quelque mois, et que Je vous aurois fait tenir il y a long temps si je neusse cru que n'estiez plus en Hollande, ayant appris que le Roy de France vous auoit conuié daller demeurer a Paris pour y establir une Academie pour la philosophie Naturelle comme la Societé Royalle. Ce qui m'a fait aussi tardéGa naar voetnoot12) si long temps a vous escrire, en attendant de vos nouuelles. Jl est maintenant hors des rayons du Soleil, ou il entroit lorsque Je priay Monsieur Balle de repeter auec soin ses obseruations et il ne m'en dit rien depuis mais Je pretends l'y conuier encore quoy quil ait le Corps assez valetudinaire. Quant aux lettres de Cassini Je ne les ay point veues. Cest pourquoy Je ne serois pas fasché de les auoir, parcequ'il pourra bien estre que J'y trouuerois de quoy m'oster le scrupule que je viens de faire touchant la reuolution du Corps de ♃. Je tascheray de trouuer quelqu'un à Ostende à qui consigner l'Horologe que vous me voudrez enuoyer, et par mesme voye vous faire tenir le Thermoscope si faire se peut. et vous en informeray aussi tost. Aussi tost que Nostre Societé recommence ses Assemblees vous en aurez des nouuelles. Et si je my trouue, vous pouuez bien croire que Je ne manqueray de | |
[pagina 12]
| |
faire comme cy deuant. Cependant Nostre presidentGa naar voetnoot13) se trouuant a present a Londres, Je prieray Monsieur Oldenbourg de vous faire scauoir si la Societé se rassembleGa naar voetnoot14), et de me faire l'office de vous escrire ce qui sy passe en mon absence. Je me suis enquis le mieux que J'ay pu touchant ce Jeune Gentilhomme que vous me nommez, Monsieur Errete, mais jusqu'icy n'en ay rien sçeu apprendre. si Jen apprens des nouuelles, vous les sçaurez dieu aidant. Monsieur Oldenbourg a veu Vostre lettre, et Je luy enuoye celle cy ouuerte afin quil y voye toute la besogne que Je luy donne, de quoy il ne sera pas fasché. pour ce qui est des paroles surprennantes de Monsieur Heuelius qu'il vous marque Jen scay aussi peu que dire comme vous. Mais Je ne doubte pas que Monsieur Oldenbourg ne tasche ou a le faire mettre en practique son inuention, ou de la nous communiquer: et sil fait lun ou l'autre, nous verrons bientost ce que nous en aurons a iuger. J'ay veu dans une Gazette qu'on a veu a Vienne un autre Comete le 4. decembre ou enuirons: depuis 5. ou 6. iours, mon hoste, qui est un Ministre, m'a dit que s'estant leué par hazarde a 4. heures du matin pour voir quel temps il faisoit, il estoit tout estonne de voirGa naar voetnoot15) une Estoile du costé du Nort presque comme la lune. depuis les nuicts n'ont pas esté claires, de sorte que Je n'en puis pas dire dauantage. Seulement mon hoste n'est pas grand Astronome, et ne m'a pas sçeu descrire assez nettement comme quoy il estoit fait &c. Les Transactions Philosophiques ont esté imprimees ces 3. mois passez a Oxford. Jl ne tiendra qu'a vous que vous ne les ayez toutes. Voycy encore une autre punition de Vostre silence demesuréGa naar voetnoot16): c'est que vous deuez estre accablé dune si furieusement longue lettre. Mais souuenez vous qu'elle part de la main de
Monsieur
Vostre tres humble et tresobeissant seruiteur R. Moray. |
|