Oeuvres complètes. Tome IV. Correspondance 1662-1663

[p. 143]

N^o 1019.
N. Heinsius à Christiaan Huygens.
30 mai 1662.

La lettre se trouve à Leiden, coll. Huygens.
Chr. Huygens y répondit par le No. 1028.

Nicolaus Heinsius Christiano Hugenio Viro Nobilissimo S.P.D.

Alterius Phaenomeni ectypon, quale desiderabas, Martio mense ad te misi¹⁾, Vir Nobilissime. nec tamen cognosse datur hactenus, an id in manus tuas pervenerit. quae res valde sollictium me habet, cum nihil optem impensius, quam studijs tuis prodesse. Quare aliud ectypon describi curabo, si eius, quod iam missum est, conspectu sinistra fortuna te fraudavit. Apollonij Pergaei Arabici²⁾ tria exemplaria Serenissimus Princeps Leopoldus ab Etruria Amstelodamum ad Elzevirios mitti curavit, quorum duo priora tibi et Hevelio, tertium mihi munus destinetur. Clarissimi Vossij de Luce Commentarium³⁾ ab ijsdem Elzevirijs expecto: quapropter studijs Philosophicis iam nunc me coepi accingere. Mirum, ni crabones mox insurgant, et lucem hanc illi certatim involent infestis alis.

Parentem tuum, Virum Illustrem, re feliciter confecta⁴⁾, brevi reducem vobis sistendum fore auguror. Domino Friqueto⁵⁾, si etiamnum Hagae aetatem agit, plurimam meis verbis, ubi oportunum erit, salutem uti dicas obsecro, etiam amicissimo Wallio⁶⁾. cui scribam proxime, si nunc id fieri per occupationes non licebit. Hinc quod nunciare possim nihil nunc occurrit. Vale, Nobilissime Hugeni.

Holmiae Suecorum cIƆiƆclxii. a.d. xxx. maij Gregor.

1) Consultez la Lettre N^o. 1000.

2) Voir l'ouvrage décrit dans la Lettre N^o. 536, note 2.

3) Voir l'ouvrage cité dans la note 4 de la Lettre N^o. 907.

4) Heinsius fait allusion au voyage de Constantyn Huygens, père, à Paris, pour les affaires de la principauté d'Orange.

5) Voir la Lettre N^o. 776, note 16.

6) Sur Adrianus van der Walle voir la Lettre N^o. 522, note 8.