Oeuvres complètes. Tome II. Correspondance 1657-1659

[p. 231]

N^o 522.
J. van Vliet à Christiaan et Lodewijk Huygens.
[septembre 1658].
Appendice au N^o. 521.

La pièce se trouve à Leiden, coll. Huygens.
Elle a été publiée dans les Deliciae Poeticae¹⁾.

Jani Vlitii Ad Amicos Hagienses et Leidenses.

Jam satis nugis, tetricisque rixis,
Queis forum gaudet, rabulaeque tristes
Litibus lites cumulare docti

Tempora ducunt,

Et tibi Belgii decus, aleaque
Martis alterni toties petita,
Pallados regnum breve nuper, alma

Breda vacavi.

Prisca Danorum monumenta servans
Ada, permixto ter adaucte Marca,
Quid moras fluctu bifido relabens

Nectis eunti?

Pineae non me movet aura silvae,
Querneis nec iam nemus Elysacum
Vinculis, Hagam properantem, amica

Nec tenet umbra.

Haga me dudum vocat, ac morari
Longius saeclo queritur, Laresque,
Quos per erepsi puer, ut revisam

Orat alumnum.

Heinsium imprimis ibi, Vossiumque,
Nomina aeternis perarata chartis
Ardeo amplecti, niveisque dextram

Jungere dextris.

1) Deliciae Poeticae [Ed. A. Santenius]. Lvgdvni Batavorvm. Apud Abrahamvm et Janvm Honkoop. cIɔ Iɔ ccxcvi. Fasciculi viii. in-8^o.

[p. 232]

 

Sive Pelignis veteres amores

 

Ille decantat numeris, vel aureo

 

Carmen Heroum meditatur idem

 

Pangere plectro.

 

 

 

Seu per Actaeas rate vectus oras

 

Alter interni relegat profundi

 

Littus, aut vasti sinuosa mundi

 

Compita lustret.

 

 

 

Seu vetustatis (nihil inde tutum est)

 

Ambo iacturam reparare certant

 

Vixque luctantes tineis et annis

 

Reddere luci

 

 

 

Pristinae autores melioris aevi

 

Quosque miratae veteres Athenae,

 

Quos et Augusto dominante felix

 

Roma probavit.

 

 

 

Hos amem circum pluteos vagari

 

Melle stillantes Sophies²⁾ favisque,

 

Quo nec Hyblaei peperere quidquam

 

Dulcius alvei.

 

 

 

Mentibus doctis datur hic perenni

 

Fonte promanans³⁾ liquidumque nectar

 

Conscia si quae satagunt lucerna

 

Ducere⁴⁾ noctes.

 

 

 

Quas tibi at grates meritasque laudes,

 

Entheum par o Juvenum, referre

 

Possem inops, vasto temeraria urgens

 

Carbasa ponto?

 

 

 

Plus tamen caepti superest laboris,

 

Atque amicorum bona pars, negare

 

Queis nefas sit me, vocor huc et illuc

 

Ordine nullo.

2) Sophiae dans l'édition de van Santen.

3) Demorans dans l'édition de van Santen.

4) Condere dans l'édition de van Santen.

[p. 233]

 

Namque quem primum aut memorem deinde

 

Haereo incertus, dubiusque nunc hoc

 

Calle, nunc illo feror, aestuosi

 

Vorticis instar.

 

 

 

Dumque te ante omnes, venerande Catsi,

 

Belgicae princeps citharae paterque

 

In suburbano cupio recessu

 

Visere, longe

 

 

 

Vulgus arcentem tetricasque curas,

 

Ad tuos colles iter inchoantem,

 

Grotius magni patris occupat non

 

Degener haeres:

 

 

 

Obvias quondam veluti carinas

 

Cantibus fertur remorata Siren,

 

Neve facundo nihil⁵⁾ ore polles

 

Inclyte Groti;

 

 

 

Sive te verbis deceat solutis,

 

Grande mandatum Domini potentis,

 

Promere Augustis patribus, metrove

 

Claudere versus.

 

 

 

Te nec ingrato pede praeteribo,

 

Celse, gentili licet eminentem

 

Purpura, nec consilio minorem

 

(Per freta dum nos

 

 

 

Undique infestat malefida Erinnys)

 

Patriae duris superesse rebus,

 

Non enim prisci tenuem sodalis

 

Spernis avenam.

 

 

 

Me quoque Hugenii, varias per artes

 

Ducta sub magno genitore triga,

 

Mille delectant noviter repertis,

 

Mille tabellis;

 

 

 

Sive Parnassi juga siderumve

 

Mens sit arcanas peragrare metas,

 

Sive librato trutinare vitae

 

Momina plumbo.

5) Tu diserto non minus dans l'édition de van Santen.

[p. 234]

 

Hic novas terras novus Archimedes

 

Lucido pandit Triviae sub orbe,

 

Moxque Saturni comites Jovisque

 

Indice vitro,

 

 

 

Lynceis huc usque⁶⁾ oculis latentes,

 

Monstrat, et quidquid procul hinc videtur,

 

Quidquid et visum fugit, intuenti

 

Cominus offert.

 

 

 

Te nec invitus memorabo, quamvis,

 

Kinscotii⁷⁾ manes, geniumque tandem

 

Lentus ut places, iterum monende

 

Delfice Walli⁸⁾.

 

 

 

Cognitum quid si et iuveni Lycaeum

 

Qua freto Rheni prohibentur ora,

 

Marte et invictos libeat, fameque

 

Visere muros?

 

 

 

Nunc enim hic tandem precibus, Gronovi⁹⁾

 

Redditus nostris, tibi destinatum

 

Pulpitum ascendis; nimium superbus

 

Hospite tanto

 

 

 

Quem tribus lustris Batavae Minervae

 

Isala invidit, queriturque tali

 

Cive privari, patriique magna

 

Parte senatus.

 

 

 

Te quoque haud ullis, ibi, post habende,

 

Serius quamvis mihi note, Borni¹⁰⁾,

 

Gestio amplecti, docilemque nexu

 

Stringere Janum.

 

 

 

Neve tu certe minus, ut modestus

 

Inter hos quocunque loco reponi

6) Hactenus Lynceis dans l'édition de van Santen.

7) Caspar van Kinschot, fils d'un père de même nom, trésorier-général du prince Maurits, et de Justina Pyll, naquit vers 1590 et mourut en 1649. Il a été Conseiller de la cour de Hollande et de Zélande et épousa en 1620 Catharina Sweerts de Weert.

8) Adrianus van der Walle était poète; C. van Kinschot lui avait demandé de publier ses vers, mais van der Walle ne s'acquitta pas de ce mandat.

9) Il s'agit ici de J.F. Gronovius, qui vint de Deventer à Leiden. Voir la Lettre N^o. 474, note 4.

10) Henricus Bornius. Voir la Lettre N^o. 26, note 2.

[p. 235]

 

Respuas, virtute tua ipse fidens

 

Cedere nulli.

 

 

 

O Amicorum Sacra candidorum

 

Turba! quos penna solui negante

 

Vindicat certis Polyhymnia astris,

 

Famaque claros

 

 

 

Inter Heroas sua collocavit!

 

Vos me in Hagani nemorosa luci

 

Saepius Braeda rapite evocatum

 

Tectaque subter

 

 

 

Frondea errantes sociis libellis

 

Non sine argutis salibus iocisque

 

Ipse quos laudet Cato, feriatum

 

Ducite amici.