Oeuvres complètes. Tome III. Correspondance 1660-1661

N^o 766.
Christiaan Huygens à [A. Tacquet].
3 août 1660.

La minute et la copie se trouvent à Leiden, coll. Huygens.
Tacquet y répondit par le No. 767.

3 Augusti 1660.

Reverende et Charissime Vir

Puderet me non prius promissum exolvisse nisi justam excusationem morae huic obtendere possem; cum enim Antwerpia reuersus¹⁾ apud Bibliopolam anglum²⁾ ubi venalem prostare antehac Wallisij videram libellum³⁾ illum quaesivissem, negabat se ullum suppeditare posse quod omnes ad Francofurtenses nundinas ablegasset. Ita diutius adhuc expectandum fuisset nisi tandem Leidae exemplar hoc nactus essem, quod tibi una cum hisce tradetur. Videbis ibi inventa sane quam egregia nec pauca; tum quantis animis sibi suisque laudem eorum adserere contra Gallos geometras Anglus satagat. Qui tamen nescio an ubique satis candidè se gesserit. Certe viso Dettonvilij libro⁴⁾ plurima inde in rem suam vertere potuit, atque emendare in quibus antea aberraverat. Neque etiam admodum difficile illi

1) Voir sur ce voyage à Anvers, où Chr. Huygens aura visité Tacquet, qui y demeurait, la Lettre N^o. 760, note 1.

2) Samuel Broun. Voir la Lettre N^o. 307, note 1.

3) Tractatus II De Cycloide. Voir la Lettre N^o. 690, note 3.

4) Les Lettres de A. Dettonville. Voir la Lettre N^o. 560, note 32.

[p. 105]

fuit postquam theoremata mea de conoidum et sphaeroidum supersiciebus⁵⁾ accepisset eadem suo quoque modo investigare. Ut nec curvae illius dimensionem quae jam diu ante primumque omnium ab Heuratio nostro prodita fuerat, publicique juris facta. Sed de his hactenus.

Librum⁶⁾ quem mihi donaveras commendaverasque legi. visusque est author non infacundus nec indoctus. non omnium tamen gravissimas quae inter nos sunt controversias pertractat, de ijs autem quae scribit in Missae sacrificio adstruendo vel maximè mihi laborare illius argumentatio videtur. In universum autem quid dicam optime Tacqueti! Si rationibus agendum est, nescio an fatis validas reperire possitis ad opiniones tanti momenti mihi persuadendas. librorum enim auctoritatem adducitis qui corrumpi potuerunt, hominum, qui decipi potuerunt; quam longe denique haec omnia absunt a Geometricarum probationum evidentia! quibus jam diu assuevi quibusque vix etiam satis quandoque consido, nisi cum optime perspectae fuerint. atque eae cum in rebus exigui momenti versentur, quid in gravioribus hisce accedere credis? Sed enim dices non tam ratione duce quam Spiritus Sancti auxilio in rectam viam nos dirigi. Tecum sentio atque huic igitur nos committamus. Quidsi autem nihil suggesserit cur a pristina religione recedere debeam, Tu quidem ob hoc infelicem me putabis, ego vero nihil minus. Imo eo ipso feliciorem quod quae a prima juventute pro veris habui eadem nunc quoque talia existimare liceat. Vale et amare perge

Tui observantissimum

5) Voir la pièce N^o. 678.

6) Voir la Lettre N^o. 767, note 2.