Oeuvres complètes. Tome II. Correspondance 1657-1659

N^o 626.
Christiaan Huygens à [R.F. de Sluse].
[juin 1659.]

La minute et la copie se trouvent à Leiden, coll. Huygens.
R.F. de Sluse y répondit par le No. 628.

Nobilissime Domine

Egone ut tertias¹⁾ jam à te acceperim nullo dato responso? Quid hoc rei est, aut quis adeo pravus, ut literis nostris insidietur, atque intercipiat. Te enim jam toti-

1) Il n'y avait qu'une seule lettre. Voir la Lettre N^o. 628.

[p. 418]

dem dedisse ad Brunettium scripsisti, ego autem postremas eas habeo, quibus dies adscriptus 19 hujusce anni²⁾, quibus nisi me omnis fugit memoria respondi³⁾ continuo. Ab eo tempore feriatus sum fateor diutiuscule, verum expectavi ut novum nobis argumentum scribendi suppeditarent Dettonvilij εὑρήωατα, quae nuperrime⁴⁾ nunc demum mihi allata sunt, ad te vero citius fortasse: de quibus si quid ad me, tanto sane impensius doleo eas literas intercidisse. Valde enim vellem tuum super ijs judicium intelligere. Partem operis nihil tale expectans mihi inscriptam⁵⁾ reperi, idque eo gratius fuit, quod tibi⁶⁾ parem conjunctumque mecum esse hunc honorem voluit. Ad subtilitatem inventorum nihil profecto addi potest, ad evidentiam demonstrationum fortasse non parum. Est enim methodus ista ut mihi quidem videtur, tum obscura, tum audacior paulo atque a Geometrica ἀϰριβεια longius recedens. At quid si planiori via tradi illa nequeat? Hoc vero dubito magnopere, ut qui non pauca jam nunc eo reduci posse deprehenderem. Velut consequentiam⁷⁾ illam pagina 19 de Trilineis et angulis, cujus longe facillimam clarissimamque demonstrationem habeo. In demonstratione de Spirali Linea quam parabolae aequalem ostendit Theoremate ultimo, aliquid humanitus accidisse Dettonvilio existimo, de quo jam ipsum consului⁸⁾ responsumque expecto. Sed hoc leve est et in tanto difficilioribus recte versato facile condonandum. Egregia illa inter caetera mihi videntur quae de dimensione linearum cycloidum sive de metamorphosi in Ellipses invenit. Non enim sola difficultate (quae tamen in his etiam satis magna erat) reperta Geometrica estimo, sed ex eo quoque si circa ea versentur quae cognoscere jucundum sit. de longitudine lineae parabolicae ex hyperbolae quadratura, et vice versa nescio an theorema meum tibi exposuerim, quod idem inventum aiunt ab Auzotio, sed posterius puto quam a me: siquidem alterum eorum erat quae circa parabolam me invenisse ante sesquiannum circiter tibi significavi⁹⁾. Quando tandem quae de Deliaco Problemate conscripsisti videbimus? O importunas typographorum moras quas ipse quoque jam nimis diu perpetior. Tertium enim jam mensem Saturnum meum excudunt, quem dimidio mense potuissent absolvere. Vale.

2) Voir la Lettre N^o. 572 qui porte la date du 17 janvier 1659.

3) Nous n'avons pu trouver cette réponse de Chr. Huygens à de Sluse.

4) Au commencement de mai. Voir la Lettre N^o. 615.

5) C'est la Lettre de A. Dettonuille à Monsieur Hvggvens de Zvlichem. Voir les Lettres N^os. 613 et 614. Consultez la Lettre N^o. 560, note 32.

6) Voir la Lettre N^o. 560, note 32.

7) Consultez la note 4 de la Lettre N^o. 621.

8) Cette lettre de Chr. Huygens à Bl. Pascal ne se trouve point dans nos collections. Elle était adressée à de Carcavy, par l'intermédiaire de Bouillau; voir les N^os. 633 et 637.

9) Voir la Lettre N^o. 439.