Oeuvres complètes. Tome II. Correspondance 1657-1659

N^o 572.
R.F. de Sluse à Christiaan Huygens.
17 janvier 1659.

La lettre se trouve à Leiden, coll. Huygens.
Elle est la réponse au No. 564.
Elle a été publiée par C. le Paige dans le Bull. di Bibliogr. T. 17.

Nobilissime Domine

Fluxius¹⁾ Ecclesiae Leodiensis Canonicus et Geometra! quis ille tandem! Quod si me notatum voluerunt. Nae infelix ϰαὶ τλῆμον est σίγμα, quod vndique excluditur. Olim, si Luciano fides, litem βίας ϰαὶ ἁρπαγῆς mouit τῷ ταῦ, et non infeliciter perorauit. Sed geminum nunc habet aduersarium; et nosti vetus illud, aduersus duos ne quidem Hercules. Itaque suasj vt dissimulet iniuriam, et Fluxium ad se nihil attinere palam fateatur. Desine igitur mirarj, quod Te celatum voluerim, vt ais, me aliquam hisce Problematibus operam impendisse. Testor enim τῶν ἑπτὰ ϕωνηέντων fidem (libet in re tam arduâ Lucianj iudices implorare) me nihil aliud eo misisse quàm vniuersalem omnium Cycloidum mensuram, siue a circulo siue a qualibet curuâ circa axem ortum haberent: quam ex schedis meis reperirj ad Te scripseram²⁾. De caetero Problematum solutionj incumbere nec licuit nec libuit. Jtaque nescio quo meo meriro deberem Me quoque Principibus permistum cernere Achiuis. Angli Geometrae Wren εὑρημα magni fecj (fueram enim de eo monitus) sed non ex eo deduxj, quod Tu facere videris, curuam exhiberj rectae aequalem aliter quam hactenus est factum. Cum enim Cycloidis primariae basis circulj genitoris circumferentiae aequalis statuatur, nil mirum est posse curuaturam illius alicuj rectae aequalem reperirj. positâ enim quâuis rectâ cuiuis periferiae aequalj, infinitae, vt

1) Slusius ici s'amuse de son nom désiguré.

2) Voir la Lettre N^o. 502.

[p. 326]

scis, reperiri possunt, cum illae sint inter se vt diametri. Sed si Theorema tuum aliquid amplius includat, et sj ad omnes omnino Cycloides porrigatur, nae Tu aliquid reperisti quod inter ἀδυνατα hactenus relatum est. Bullialdj demonstrationes attigi, ἀνέγνων, inquam, ἔγνων; tertium non addam sed Tecum sentire me plane profitebor. Tangentem spiralium facili methodo olim duxj et forte eadem qua Tu, per motuum scilicet compositionem quâ pleraque similia olim inuestigauj. Si quid interim vlterius de his Parisiensium propositionibus vel alijs intelligas, certiorem facias, rogo, eum qui Tibi se totum addixit estque ex animo

Tuj obseruantissimus Renatus Franciscus Slusius.

Dabam Leodij 17 anni 1659.

Nobilissimo et Clarissimo Domino Domino Christiano Hugenio de Zulichem A la Haye.

VI.