Briefwisseling van Hugo Grotius. Deel 12

[p. 520]

5376. 1641 september 21. Aan A. Oxenstierna.¹

Excellentissime et illustrissime domine,

In Italia infelices conatus fuere principis Thomae in Rusignanum et Chierascum, ad hunc locum mille et trecentis Hispanorum partim interfectis, partim vulneratis. At Conissa regi dedita est. Tantundem et de Bapalma intelligimus.

Putavit rex ad pingendum suis coloribus ducem Carolum² e re esse edi pacta tum publica tum arcana, quae inter se et eum ducem facta sunt. Ea uti hic prodiere, mitto. Dicitur in id nunc dux laborare, ut cum bona regis gratia privato sibi vivere liceat.

Aira alimenta adhuc habere creditur ad finem huius anni, quia bona eorum copia reperta est in monasteriis latens. Beckius³ de hac re edoctus proiecta spe exspectandae famis operibus et verberando oppidum impetit.

Regina mater Galliae⁴ adhuc Duberniae haeret, ideo quod neque cardinalis Hispanus literas commeatus ei dare vult, nisi reiectis domesticis eius quibusdam, a quibus se deceptum queritur, et alios eius domesticos Batavi apud se videre nolunt, quod eis infensus sit rex Galliae.

Halerius⁵ mandata a rege accepit mittendi Johannem Waertium⁶ in urbem Brisaci exsecutusque est. Restat nunc, ut dux Bavariae etiam marescallum Hornium⁷ mittat Lindaviam utque et ipse suis imperet, ut deinde ex Lindavia idem marescallus ducatur Basileam pariaque de Waertio mandata habeat Erlachius,⁸ quam in rem ibi quidem D. Mockelius,⁹ ego vero hic laborabimus.

Deus [etc.]

Lutetiae, XI/XXI Septembris MDCXLI.

De Conissa spem nobis pro re venditam video. Nam adhuc sub vallum pugnatur. Perpinianum eminus circumsidetur a Gallis, pecuniae missae in Provinciam et Catalaniam. Principi Thomae infelices fuere conatus in Ruscinianum et Chierascum, ut iam scripsi et novae literae firmant, circa hunc locum interfectis aut captis Hispanorum mille et trecentis.

Exspectatur hic a Roma legatus¹⁰ pacis causa. Interim appellatio interiecta est a bulla papae¹¹ vetante pecunias a clericis ad bellum contribui.

Brisacenses milites aliquid moliti adversus Gillonem Hasium¹² successu caruere. Dux Lotharingus apud Metim est cum suo exercitu, cui interdixit hostilia in Galliam. Cantecroia¹³ putatur in Lutzenburgico agro detineri. Ducis Guisii insignia a domibus auferuntur, substituuntur regia. Hispanicus sub Lamboio¹⁴ exercitus apud Insulas lustratus habebat sex equitum, duodecim peditum millia; pars eorum ad Basseam et Lensam est, ut oppida recuperet a Gallis nuper facile capta.

1 Copie Dresden, Sächs. Landesbibl., C 61, 45; copie Leipzig, UB, ms. 2633, f. 100. Gedrukt Oxenst. Skrifter 2. afd., IV, p. 157.

2 Karel IV, hertog van Lotharingen; zie no. 5374 n. 7.

3 Johann von Beck (no. 5140 n. 19).

4 Maria de' Medici.

5 François de l'Hospital, sieur du Hallier, Frans militair goeverneur van Lotharingen; zie ook no. 5361.

6 Johan van Werth (no. 5017 n. 4).

7 Gustav Karlsson Horn (no. 5264 n. 1).

8 Johann Ludwig von Erlach, goeverneur van Breisach (no. 4994 n. 15).

9 Friedrich Richard Mockhel, Zweeds resident te Benfeld; zie ook no. 5361.

10 Girolamo Grimaldi (no. 5374 n. 12).

11 Zie no. 5374 n. 13.

12 Gilles de Haes, Vlaming in keizerlijke dienst (no. 5041 n. 20).

13 Béatrice de Cusance, prinses van Cantecroix (no. 5041 n. 7).

14 Wilhelm, baron van Lamboy (no. 5005 n. 12).

[p. 521]

Mitto formulam novi in Scotia iuramenti.¹⁵ Quae in illis partibus geruntur, omnia mali sunt in reges exempli.

15 De bijlage ontbreekt. Een Franse vertaling van de eed bevindt zich in copie onder Grotius' nagelaten papieren, ARA, Eerste afd., coll. Hugo de Gr., Aanw. 1911 XXIII no. 7; dezelfde tekst in Gazette 1641 no. 126, p. 731v., dd. 10 oktober.

Bovenaan de brief in de copie te Leipzig: Argumentum. Bapalmae occupatio. Lotharingici perfidia a rege publicata. Varia nova.