Briefwisseling van Hugo Grotius. Deel 12

5351. 1641 september 7. Aan W. de Groot.¹

Mi frater,

Nisi Blavius et errata recudit meo sumptu et indicem aufert ex iis, quae ipsi restant, exemplaribus² idemque ut faciant monet librarios, ad quos misit, insignem mihi facit iniuriam nec

1 Gedrukt Epist., p. 926 App. no. 563. Antw. op no. 5336; beantw. d. no. 5368.

2 Het betreft Grotius' Annotationes in libros Evangeliorum (BG no. 1135).

[p. 490]

quicquam ei posthac meorum credere potero plane dolum hic subesse iudicans. Nam in indice omissa sunt multa multo magis necessaria, posita ea, quae studio detorta in pravum sensum me inutilem paci reddere poterunt. Nimis multa sunt in indice contra meam mentem posita peccataque alia, quam ut id dissimulare possum. Si quidam emptores indicem habebunt, iustus ille subsequens efficiet, ut notum sit mihi eum displicere.

Florum sparsio³ describetur, ubi biblica nostra⁴ descripta erunt, in quibus iam tres uno tempore laborant, domesticus unus, duo extranei.

De cognati Halsii filio⁵ quod scribis, mihi non displicet. Poteris igitur hoc facere mandato meo. Mallem plus aliquid esset, unde iuvare amicos possemus. Sed quicquid est, perire non debet.

Miseram tibi nuper praecepta quaedam a S. Ludovico data filio Philippo ad cavenda bella inter christianos,⁶ ut subiungerentur haec libris nostris de Iure belli et pacis.⁷ Addo nunc aliam particulam ex historia regis eiusdem de eius labore in componendis vicinorum controversiis. Hanc quoque nostro operi addi cupio, ut sciant qui mea legunt ea dicere, quae optimi reges et laudarunt et fecerunt.

Anthologiam⁸ huc remittendam censeo, quando spes non est, ut a Blavio edatur nisi inquinatissime. Poemata⁹ et Lucanus¹⁰ facile aliquem apud vos typographum invenient.

Aira brevi esuriet; producunt patientiam equos edendo. Cardinalis Hispanus aegrotat Corteraci. Hispanici exercitus duo sunt his in partibus, alter ad Airam sub Beckio,¹¹ alter huc illuc discursans et Gallorum conatus observans sub Lamboio¹² et Guisio, qui exercitus augetur indies ex novo milite et Flandriae Hainaviaeque praesidiis. De Conisio incerti sumus, sed Taragonae plenissime subvenit Hispanus. Classis Gallica loco pulsa Massiliam redit. Iam Barcinonem mari obsident Hispani, item ut creditur et terra facturi.

Salutes rogo matrem, uxorem tuam, liberos, amicos.

Tibi obligatissimus frater
H. Grotius.

3 BG no. 791; het werk verscheen in 1642 bij Pélé in Parijs.

4 Grotius' Annotata ad Vetus Testamentum (BG no. 1137) verscheen in 1644 bij Cramoisy te Parijs.

5 Wellicht Nicolaes of Bernard Hals; zie no. 5336 en n. 7.

6 Zie no. 5340 en n. 6.

7 BG no. 571.

8 BG no. 534; de uitgave verscheen pas in 1795-1822.

9 De bedoelde uitgave van Grotius' Poemata is niet tot stand gekomen (no. 4995 n. 12).

10 Grotius' nieuwe aantekeningen bij Lucanus verschenen bij Blaeu in 1643 (BG nos. 430 en 431).

11 Johann von Beck (no. 5140 n. 19).

12 Wilhelm, baron van Lamboy (no. 5005 n. 12).

Lutetiae, 7 Septembris 1641.