Briefwisseling van Hugo Grotius. Deel 12

5154. 1641 april 22. Van W. de Groot.¹

Frater optime,

Dolet mihi, quod Barlaei filium² tibi displicere scribis. Neque enim alium scio, qui iis sit instructus studiis quibus ille, neque de fide ullatenus dubito. Quod ad titulum paternae epistolae attinet,³ non putem eum destinato consilio perperam scripsisse nec inducor, ut credam esse qui te in residentium classem detrudere velint. Spiringius⁴ certe legati nomen libenter acciperet et sunt qui ei Excellentiae titulum quandoque tribuant.

Praeterita septimana scripsi ad Blavium⁵ neque responsum accepi. Ubi quid recepero, curabo ne tu sis nescius. Errata ostendit mihi Vergoesius⁶ eaque ad Blavium mittet et de recudenda pagina monebit. Ipse cum nihil iam Amstelodamo acceperit, hac vice non scribet

Iuvenis princeps Auriacus⁷ iam Brilae ventos expectat faventes, ut ad sponsam naviget. Putant hic aliqui regem Angliae eius opera usurum, ut pro Hiberniae prorege⁸ apud parlamentum intercedat et ideo rem iam protrahi. Archiepiscopi⁹ causam omnino deploratam et a rege desertam esse multi hic contendunt.

1 Hs. Den Haag, ARA. Eerste afd., coll. Hugo de Gr. Aanw. 1911 XXIII no. 24, 191. Eigenh. oorspr. Antw. op no. 5141; beantw. d. no. 5168.

2 Caspar Barlaeus jr. (no. 5120 n. 22).

3 De brief van Caspar Barlaeus sr. was door Grotius wegens een onjuiste titulatuur verbrand; zie supra no. 5141.

4 Petter Spiring Silvercrona, resident en raad van financiën van Zweden in Den Haag (no. 5000 n. 1).

5 Willems brieven aan Johan Blaeu ontbreken. Het betrof het drukken van Grotius' Annotationes in libros Evangeliorum (BG no. 1135); zie ook infra, postscriptum.

6 Vermoedelijk Willem van der Goes (no. 4995 n. 15). Zie over het herdrukken van een pagina der Annotationes no. 5130.

7 Willem II zou op 24 april uit Den Briel naar Engeland vertrekken; de bruiloft met Mary Stuart, de ‘Princess Royal’, vond plaats op 12 mei.

8 Thomas Wentworth, graaf van Strafford.

9 William Laud, aartsbisschop van Canterbury.

[p. 254]

Princeps¹⁰ ad duodecimum Maii milites ad Litoiam convenire iussit, ut in hostem moveat castra, utinam meliore quam priore anno fortuna.

Exercitus ille, qui iam a duce Bulionaeo conscribitur Sedani, nostris hominibus, puto et Gallis, valde est suspectus. Videtur ille, ex quo religionem mutavit, Hispanicis accessisse partibus.

Plura hoc tempore non scribam. Alias, ubi plus materiae se obtulerit, ero prolixior. Nunc abrumpam Deum venerans, ut te, uxorem, liberos diu nobis servet incolumes.

Tibi ob(sequ)entissimus frater
Guilielmus Grotius.

10 Frederik Hendrik.

H(a)gae, XXII Aprilis 1641.

Postquam haec scripseram, litteras a Blavio accepi, quibus testatur sperare se finem operis post duas septimanas, urgere se opus quantum potest, moram sibi maxime nocere. Sed tunc de pagina, quae recudi debet, nihil adhuc sciebat, quae res magnam exhibitura est molestiam.

Adres: A monsieur monsieur Grotius, ambassadeur de Suède, à Paris.

In dorso schreef Grotius: 22 April 1641 W. de Groot.