Briefwisseling van Hugo Grotius. Deel 9

3438. 1638 februari 1. Van Willem de Groot⁶.

Frater optime,

Redierunt ad me inclusae, quas ante octiduum ad te dederam litterae⁷; eas jam pariter cum hisce tempestivus remitto, ne iterum frustra sim. Interea tuas postridie Calendas vertentis anni datas⁸ accipio, quae et ipsae mala mea fortuna Ultrajectum ad Reigersbergium⁹ delatae serius longe quam par erat in manus meas pervenerunt.

Gratissimae tamen fuerunt ob salutare, quod mihi in mea causa subministras, consilium, a quo, ut ex anterioribus meis¹⁰ intelliges, latum unguem¹¹ recedere mihi non est in animo. Ego ut mihi liberum esse credo conciones publicas audire, dummodo a communione eorum, qui privatos caetus habent, me non separem, ita libertate mea aut parcius aut laxius uti arbitrii mei esse volo. In prioribus meis

6 Hs. Den Haag, ARA. Eerste afd. coll. Hugo de Gr. Aanw. 1911 XXIII, no. 24. Eigenh. oorspr. Antw. op no. 3405; tesamen met no. 3433 beantw. d. no. 3452.

7 No. 3433 dd. 26 januari.

8 No. 3405.

9 Nicolaes van Reigersberch; zie voor zijn verblijf in Utrecht no. 3439, aanhef.

10 Het betreft hier Willem's poging om tot pensionaris van Delft benoemd te worden.

11 Vgl. Plautus, Aul. 57: si hercle tu ex istoc loco // digitum transvorsum aut unguem latum excesseris.

[p. 63]

memini Nicolai Kinschotii¹; nunc hoc addam cras, ut puto, eum ad syndici munus a Delfensibus requisitum iri neque ab ea conditione alieno esse animo, quantum ego quidem audio, si duo florenorum millia cum libera habitatione offerantur, quod illi aegre, sed tamen facturi videntur.

Pater² pro transmisso vino et nupere scriptis litteris³ gratias tibi a me agi jussit et ipse per se aget⁴; laetamur omnes tibi tuisque omnia satis bene succedere et spem nobis injici de adventu uxoris cum filia⁵.

Stratenum⁶ tibi se probare lubens audio.

Adversus Mileterium⁷ aut ejus adversarios necdum quicquam hic prodiit; interea omnes mei ea de re libelli in manibus Episcopii⁸ sunt.

Valde me delectat ista tua de Antichristo commentatio⁹; est enim ejus generis, in quo et novi et magni aliquid a te praestitum iri confido: sunt quippe quamplurima, quae neque mihi neque aliis circa eam materiam probantur, sunt et aliqua ita obscura, ut Oedipo egeant interprete¹⁰, id est eo, cui ex lectione veterum prophetarum, novi codicis et historiae ecclesiasticae ejus temporis subactum sit judicium.

Attulit mihi his diebus Vossii filius¹¹ avunculi Junii¹² libros tres de pictura veterum¹³, plurimae sane eruditionis et elegantiae, quos cum Vossii ad te litteris¹⁴ per occasionem mittam.

Filium majorem¹⁵ jam ad vos pervenisse spero, quare alterum¹⁶ brevi hic expectabimus.

Velim a te edoceri, an tragaediam Gijsberti Amstelii a Vondelio tibi inscriptam¹⁷ multae sane artis et movendis affectibus aptam jam receperis; nos sane illam cum voluptate legimus.

Vale, frater optime, cum uxore et liberis¹⁸, quibus meo et uxoris¹⁹ nomine omnia offero officia.

Tibi obsequentissimus frater
Guilielmus Grotius.

1 Mr. Nicolaes van Kinschot.

2 Jan de Groot.

3 Deze brief dd. 2 januari (zie no. 3442) is verloren gegaan.

4 No. 3442.

5 Cornelia de Goot.

6 Pieter van der Straten; zie over hem VIII no. 3277, p. 608 n. 7.

7 Theophile Brachet de la Milletière.

8 Simon Episcopius.

9 Vgl. no. 3405, p. 6 n. 1.

10 Oedipus had het raadsel van de sfinx opgelost wat tot dan toe nog aan niemand was gelukt.

11 Vgl. no. 3414, p. 21 n. 13.

12 Franciscus Junius (François Du Jon jr.); zie no. 3414, p. 21 n. 10.

13 Voor dit werk zie men no. 3414, p. 21 n. 11.

14 No. 3414.

15 Cornelis de Groot.

16 Pieter de Groot.

17 Voor deze opdracht zie men no. 3299 (dl. VIII, p. 644).

18 Cornelis, Cornelia en Pieter; Diederik bevond zich in het leger van Bernhard van Saksen-Weimar.

19 Alida Graswinckel.

Hagae Comitis, 1 Febr: 1638.

[p. 64]

Adres: A Monsieur Monsieur Grotius Ambassadeur de la Reine et couronne de Suède prez le Roy Trèschrestien A Paris.

Met andere hand: 14 s.

In dorso schreef Grotius: 1 Febr. 1638 W. de Goot.

En boven aan de brief: Rec. 11 Febr.