Briefwisseling van Hugo Grotius. Deel 8

[p. 483]

3201. 1637 augustus 8. Van A. Oxenstierna¹.

Illustris Domine,

Ex literis tuis de die 3 Iulij² video, quae tecum egerint legati Anglici³ in negocio foederis Gallo-Britannici et quemadmodum eius delineationem in scripto tibi non communicaverint. Quod ego tanto minus nunc miror, cum videam ne mihi quidem transmissas eius condiciones secundum id, quod pollicetur literis suis Averius⁴, residens Britannicus Hamburgi. Poteris cognoscere ex adiuncto literarum eius ad me exemplari⁵, quo pacto negocium hic proponat nosque ad communionem foederis invitet. Inserviet id forte tuae informationi et usui erit ad reliqua suo tempore dijudicanda.

Video praeterea Venetum legatum⁶ apud te de Reipublicae suae literis ad serenissimam reginam nostram⁷ perscriptis saepius admonere. Benefacis quod verbis generalibus ipsum detineas usque dum certi quid super ea re a dominis administratoribus⁸ statuatur.

Prioribus meis literis⁹ te certiorem feci de retrogressu domini Bannerii¹⁰ et quemadmodum ingruentes undique hostium vires universo cum exercitu, tormentis ac impedimentis salvus et incolumis Stetinum evaserit, ubi nunc contra incumbentem hostem defensioni suae sedulo invigilat ac licet res non careat suis difficultatibus et absque provinciae totius devastatione vix abitur(us) videatur, speramus tamen cum Deo aliquas nostris adesse et in posterum enascituras commoditates, hostibus vero decessuras, ut, ultra quam putaverint, propositum nostros eiiciendi difficile ipsis reddatur.

Interim scio pro tua prudentia te non omissurum, quin debitis in locis hunc rerum statum representes ducisque Wimariensis¹¹ accessum ad Rhenum et transitum, si poteris, urgeas et matures, ne, si aliter fiat, firma nobis opinio ingeneretur nunc, cum maxime de foedere agatur, nil, quod foederis est et illo continetur, socios agere velle. Vale.

Tuae Illustritatis amicissimus
Axelius Oxenstierna mp.

1 Hs. Stockholm, coll. Gallica, brev till legaten Hugo Grotius 1635-1638. Orig. eigenh. ondertek. Antw. op no. 3146; beantw. d. no. 3259

2 No. 3146.

3 Burggraaf John Scudamore, ordinarius Engels ambassadeur te Parijs, en diens extra-ordinarius collega Robert Sidney, graaf van Leicester.

4 Joseph Averie.

5 Ontbreekt.

6 Alvise Contarini di Nicolo, Venetiaans gezant te Parijs.

7 Christina van Zweden.

8 Zie voor hun namen no. 2957, p. 91 n. 2.

9 No. 3188 dd. 1 augustus.

10 De Zweedse veldmaarschalk Johan Gustavsson Banér.

11 Bernhard, hertog van Saksen-Weimar.

Dabantur Holmiae, die 29 Julij Anno 1637.

Adres: Illustri Domino Hugoni Grotio, Sacrae Reg.^ae Maiest.^is Sueciae Consiliario et ad christianissimum Galliae Regem legato ordinario.

In dorso schreef Grotius: 29 Iulij 1637 Cancellarius

En boven aan de brief: rec. 16 sept.