Briefwisseling van Hugo Grotius. Deel 8

3152 1637 juli 9. Aan L. Camerarius⁵.

Illustrissime Domine,

Omnem quaeram viam, ut maturius et permittam literas meas et tuas recipiam. Nam et tuas avide semper exspecto legoque summa cum voluptate: et meae gratiam nisi ex novitate sperare non possunt.

Liberalius illud scriptum⁶ pro causa palatini⁷, videre multum cupio. Erit ea nobis ad spem bonam fax aliqua. Stellam⁸ tibi innotuisse gaudeo. Cardinalis⁹, non malus ingeniorum judex, opera ejus, ut vides, uti pergit. Liber ejus¹⁰ publice hic non prostat et audio esse quos poeniteat permissum in eo libro defendi tam aperte causam palatini. Scis autem in praeformatione federis id cautum a Gallia, ne Bavaro¹¹, dum vivit, adimatur electoralis honos.

Pontificis¹² in dijudicandis Ratisbonensibus comitiis eo plus hic valet auctoritas, quod credatur controversia honeste moveri non posse, nisi ex persona Trevirensis¹³: ejus autem suffragium cum non necessarium judicaverit ecclesiasticorum omnium, quos illi vocant, summus praefectus ac vindex, eo ipso eripiatur potissima, certe apud romanenses favorabilissima juris species.

Coloniensem conventum arbitror - et illud cum Anglis coeptum fedus -

5 Copie Uppsala, UB., cod. 388a, ep. 82. Gedrukt Epist., p. 338. Gecit. Brandt-Cattenb., Leven II, p. 130. Geadresseerde, Ludwig Camerarius, was ordinarius Zweeds gezant in Den Haag.

6 Vgl. nos. 3051 en 3085.

7 Karl Ludwig.

8 Johannes Tilmanus; zie over hem no. 2913, p. 2 en n. 11 aldaar.

9 De Richelieu.

10 Zie voor de titel no. 2957, p. 90 n. 6.

11 Maximiliaan I, keurvorst van Beieren.

12 Urbanus VIII.

13 Philipp Christoph von Sötern, aartsbisschop-keurvorst van Trier; hij was op 26 maart 1635 met zijn hoofdstad in handen van de Spanjaarden gevallen.

[p. 404]

pendere ab iis, quae agentur Hamburgi. Wyckium¹ ibi scio esse, qui agens Angliae hic fuit. An quis alter cum legati nomine eo sit iturus, nondum comperire potui.

Nuptias Poloni² cum Austriaca³ veras esse ut credam, eo inducor, quod Veneti jam ad eas in mensem Septembrem sunt invitati. Odium certe publicum meretur ista virginis natalium sorte eminentissimae ludificatio; qui dolus nostris quoque Suedis magno constat. Bavarum ab Austriaca amicitia qui divelli tanto non potuit tempore, nunc post tam arctam affinitatem et spem communis ex ea prolis minus posse divelli sensi dixique semper et dicere non desino. Neque vero aliter possum credere, quam eos, qui talia sperare se simulant, alia habere occultiora consilia, quibus ista praetendant velamenta.

Dux Vinariensis⁴ quae fecerit ad fusas usque Lotharingi⁵ copias captamque Gisam comitatus Burgundici urbem, scripsi⁶. Inde et Sancti Lupi cepit arcem iisdem in locis. Nunc Basileam versus ei esse iter dicitur. Ad Landresium satis proficitur capto jam inferiore eoque minus munito oppido.

Praeter haec nihil in Gallia agitur magni: neque dum consederunt illi in Lemovicibus aliique motus; et a comite Suessionensi⁷ metuuntur novis; quae cuncta incommode satis eveniunt rebus communibus.

Quae me doces super Pomeraniae rebus scire pridem avebam, nunc didicisse gaudeo. Cum Suedi instent pactis cum Bogislao⁸ ordinibusque Pomeraniae factis, nisi totum Germaniae corpus retributione aliqua indemnem servet Brandeburgicum, spem pacis videre vix possum.

Paratur hic pecunia, quae Batavis promissa est, ut cunctatio omnis abscindatur. Nisi brevi aliquid moliatur princeps Arausionensis⁹, et Gallorum res in Belgico fine et in Germania Suedorum partim impedientur partim implicabuntur periculis.

Holmiam pervenisse D. Schmalcium¹⁰ ex literis ipsius¹¹ cognovi. Gaudeo ipsi nobilissimoque filio tuo¹² cuncta recte procedere totiusque regni res consiliis magni D. cancellarii¹³ statum accipere pulchriorem firmioremque. Peditatus e Suedia quin in Pomeraniam advenerit, non dubito, de equitatu adhuc incertus haereo. Tum vero et numerum cupiam scire, ut habeam interrogatus, quod respondeam, aut unde Gallos ultro incitem.

Magna landgravii¹⁴ virtus sane, ita ut scribis, meretur sociorum pro se curam. De Ehrebreitstenio spes heic labascunt.

1 Henry de Vic.

2 Wladislas VII (IV).

3 Cecilia Renata, dochter van Ferdinand II.

4 Bernhard, hertog van Saksen-Weimar.

5 Karel IV, hertog van Lotharingen.

6 No. 3144 dd. 3 juli 1637.

7 Louis de Bourbon, graaf van Soissons.

8 Bogislaw XIV, hertog van Pommeren; hij was op 3 maart 1637 overleden.

9 Frederik Hendrik.

10 Peter Abel Schmalz; secretaris van Axel Oxenstierna.

11 No. 3078 dd. 16 mei 1637.

12 Joachim Camerarius (1603-1687).

13 De Zweedse rijkskanselier Axel Oxenstierna.

14 Wilhelm V, landgraaf van Hessen-Kassel.

[p. 405]

In Italia magnas video esse hostium copias prae Gallicis et amicorum. Tamen Bremo et Casali de praesidio deque rebus necessariis pulchre prospectum gaudeo.

Mari quiescitur utrinque. Genuates legatos suos mittunt huc¹ et in Hispaniam², agentem ad Batavos³ novae amicitiae inchoamentum.

Montempelicardi obsidere scribitur dux Carolus⁴, vicissim Cateletum Picardiae recuperatum ire Milereius⁵.

Persa⁶ misit Revanum, inde ad Turcam⁷ acturos de pace legatos⁸, quam optare creditur magnis visirius⁹.

In Transilvania res videntur mansurae quo sunt loco. Longinqua quidem haec, sed talia, quae ad propiorum rerum conjecturas momentum habeant.

Est hic regis Daniae¹⁰ e Christina¹¹ filius¹²: Sleswici et Holsatiae comes dicitur. Eum magnae benevolentiae testimoniis ab Hispano cardinali¹³ exceptum discimus: neque vero dubitandum est, quin, quod semper fecit, hoc maxime tempore factura sit domus Austriaca, ut sibi regis illius quaerat amicitiam. Hostium nobis et inimicorum abunde est: ut amicos habeamus et firmos et efficaces optandum laborandumque.

Et Viennae et in Hispania inexpertas antehac pecuniae corradendae rationes quaeri video: magnam vim navium parari in Americam, Brasiliam, Italiam.

Iam et duos felices accipio nuntios: Vesovium oppidum vi irruptum a duce Vinariensi; Saviniacum autem in Bressia, quod ante sex menses hostes ceperant, receptum a Longavillano¹⁴.

Ad Landresium nihil aliud quam castra muniuntur a Gallis. Neque adhuc ad Cateletum accessit Milereius. Hispana classis ad oram provinciae Narbonensis apparet. Castilionaeus¹⁵ ad S. Menehaudi in Campania exercitum habet, quo consilio incertum. Rex¹⁶ et cardinalis prope urbem sunt.

Precor, Illustrissime Domine, felicissima cuncta tibi tuisque.

Illustrissimae Dominationi Tuae omni cultu et affectu addictissimus
H. Grotius.

1 Giambattista Saluzzo.

2 Luca Giustiniani (1586-1651).

3 Giacomo di Negrono; over zijn benoeming zie men no. 3315, p. 675 n. 4.

4 Karel IV, hertog van Lotharingen.

5 Charles de La Porte, markies van La Meilleray.

6 Sefi (Sam Mirza), sjah van Perzië van 1628 tot zijn dood in 1642.

7 Murád (Amurath IV), sultan der Ottomanen.

8 Dit gezantschap stond onder leiding van Makssoudkhan.

9 Beïram Pasja.

10 Christiaan IV.

11 Christina Munk.

12 Volckmar -Valdemar Christian- (1622-1656), graaf van Sleeswijk-Holstein.

13 Don Fernando, kardinaal-infant van Spanje.

14 Henri d'Orléans, hertog van Longueville.

15 Gaspard de Coligny, maarschalk van Châtillon.

16 Lodewijk XIII van Frankrijk.

Lutetiae, 9 Iulii MDCXXXVII¹⁷.

17 De uitgave der Epist. dateert: 7 Iulii nov. Cal. 1637. Daar Grotius wekelijks aan Camerarius schreef, lijkt mij de datering van de copie te Uppsala op de 9de te prefereren.