Briefwisseling van Hugo Grotius. Deel 8

3105. 1637 juni 4. Aan S. Bielke⁹.

Illustrissime atque Excellentissime Domine,

Literis ab Illustrissima Dominatione Tua, quae 26 Aprilis subscriptum habent¹⁰, gaudeo cognoscere res nostrorum, Banerii¹¹, Wrangelii¹², Kingii¹³, satis bonas.

Hic in bello nihil jam promovetur.

Haeret etiamnum in Campania dux Bernhardus¹⁴, maxime ob eam, quam et antehac significavi¹⁵ causam, quod equi, quos ad trahendas machinas emi jusserat, reperiuntur non idonei; neque magis ad Belgicum finem quicquam hactenus quidem agitur. Sustinent partem hujus culpae furentes captis passim armis rustici, quibus coeptum excuti jugum reponi, nisi multo milite non poterit.

Anglos inter Batavosque de mari nondum convenit novaque edicta per

9 Gedrukt Epist., p. 332. Antw. op no. 3058; wellicht beantw. d. no. 3162. Sten Bielke was Zweeds gezant in Duitsland.

10 No. 3058.

11 Johan Gustavsson Banér.

12 Herman Wrangel.

13 James (Jacob) King, generaal-majoor in Zweedse dienst.

14 Bernhard, hertog van Saksen-Weimar.

15 No. 3042 dd. 24 april 1637.

[p. 333]

Angliam publicata sunt, nequis inconcessu regis Angliae¹ mare piscando usurpet. Inter Batavos an vis opponi possit an debeat, deliberatur.

Ob pacis negotium jam Mediolanensis cancellarius² Coloniam venit. Galli legati³ eo nondum sunt causantes, quod nec pro Suedis, ut Coloniam mittant literas itineris tuti, dederit caesarea aula nec pro Batavis Hispanus cardinalis⁴. Novum nunc coepere Galli consilium, ut Lagardium⁵, nobilem ejus sanguinis, cujus est regni Suediae marescallus⁶, mittant Coloniam, qui regis sui⁷ nomine significet legatis⁸ nolle ipsum in pacis negotio quicquam agere seorsim a sociis ac foederatis. Is jam nunc itineri paratus valedixit mihi summamque mandatae sibi operae indicavit. Commodum evenerat, ut sub idem tempus accepissem illas Illustrissimae Dominationis Tuae litteras, unde eum certum vicissim feci perstare Suedos in ea sententia pacem in commune nec aliter faciendam. Si Galli rebus ipsis ostenderint idem sibi esse animi, de nostris non esse, quod dubitarent.

Ex Anglia scribitur et quidem a legatis, ibi qui sunt⁹, multum ibi posse Hispanos, dicere eos inferiorem Palatinatum in hoc se in suam cepisse potestatem, ut ilico redderent. Ut superiori decedat Bavarus¹⁰ non auctoritatem se tantum suam, sed et pecuniam conferre velle. Electorale jus mortuo Bavaro hoc posse alternis de familia in familiam desilire. Deponi etiam de iis conditiones Anglis largas, si Hispani¹¹ armis sua in Batavos sociare velint; quod tamen ego Anglos facturos non arbitror tum alias ob causas, tum quod capi eos videam liberorum commerciorum dulcedine. Ego nihil eorum, quae ad conglutinandos cum Gallis ac nobiscum Anglos pertinent quaeque ad impellenda Galliae arma valere possint, omitto omissurusve sum.

Multum hic exspectatur nuntius de Suedi militis novo in Germaniam adventu. A Brandenburgicis aut electore¹² aut marchione Sigismundo¹³ nihil hoc quidem tempore, quod rebus conducat Suedicis, sperari posse censeo non obscuris de causis.

Omnia prosperrima Tuae Illustrissimae Dominationi ex animo precor.

Lutetiae, 4 Iunii novi Calendarii 1637.

Tuae Illustrissimae Dominationi addictissimus
H. Grotius.

1 Karel I.

2 Antonio Ronquillo.

3 Voor hun namen zie men no. 2924, p. 26 n. 1.

4 De kardinaal-infant don Fernando.

5 Louis Escalin, baron de La Garde; voor zijn instructie zie men Avenel, Lettres de Richelieu VIII, p. 314.

6 Jacob Pontusson de la Gardie (1583-1652).

7 Lodewijk XIII van Frankrijk.

8 Voor de namen van de Franse gezanten zie men no. 2924, p. 26 n. 1. Namens de keizer kwamen Ferdinand Siegmund Kurz, graaf van Senftenau, en Johann Ernst Fugger. De Spaanse gezanten waren Antonio Ronquillo en Francisco de Mello.

9 Albert Joachimi, ordinarius Staats gezant te Londen, en zijn extra-ordinarius collega Cornelis van Beveren.

10 Maximiliaan I, keurvorst van Beieren.

11 Philips IV.

12 Georg Wilhelm, keurvorst van Brandenburg.

13 Sigismund, markgraaf van Brandenburg.