Briefwisseling van Hugo Grotius. Deel 8

[p. 334]

3106. 1637 juni 4. Van L. Aubery du Maurier¹.

Excellentissime Domine,

Fortunatam extitisse peregrinationem nostram statues, ubi nos 15^ta die post profectionem Hamburgum appulisse resciveris, et usos in itinere coelo sereno, ventis secundis et tranquillo mari, quae omnia veluti nobis favissent aemulatione inter se certare visa sunt. Sed ubi audiveris regem Daniae² ab ultimis regni sui finibus ad extremos limites excurrisse et Glucstadium inopinantibus nobis, etiam suis, advolasse facturus veluti se nobis obviam suique copiam, quod ardentissimis animis exoptabamus, daturus, felices supra vota nos judicabis; quibus et jam partem Germaniae et ipsam Daniam in Germania intueri licuerit.

Maj(e)stas illa Hafphniam reversa est brevi fortunae civitatem repetitura illincque (?) Hamburgensem agrum bello adoritura, ut primores hujusce urbis verentur, magis ut caesaris³ desideriis respondeat, quam quod rebus suis id profuturum existimet.

Sed publica omitto, quia et ea supra captum et de his allii, quibuscum tibi est commercium litterarium, certiorem te facere possunt. Tuas domino Lidembrogio⁴ in manus tradidi, quibus in praesentias respondet; ipsum bene valentem reperi mihique omnia humanitatis officia, quae a te et a me desiderabantur, in dies magis magisque exhibet. Eoque nomine tibi gratias habeo habiturus semper maximas, et quod videam commendationem tuam non vulgarem fuisse, et quod, ut probe scis, nulli sint[h]ac in urbe praestantes viri, quibuscum et colloqui et amicitia conciliari possit, ita relicto musarum cultu merum quaestum respirant. Cum autem D. Auberius⁵ et ego, qui D. Avauxium⁶ sumus comitati, videamus legatos ad iter Coloniense nondum se accingere, rebus nostris non existimavimus conducere diutius et inutiliter hic haerendum esse. Consilium itaque est Lubecam intra paucos dies proficisci hinc in Daniam tendere illincque, si Deus voluerit, Holmiam in Suecia, postea vero Dantiscum Borussiae navigaturi, quod si Coloniensis congressus adhuc differatur, totam Poloniam lustrandi summum nobis est desiderium dehinc ad Avauxium, quocumque terrarum fuerit, reversuri.

Sed jam satis superque tibi fuerim molestus: restat ut tibi, vir excellentissime, tuae tuisque bene praecer ac te suppliciter rogem, nos tua benevolentia velis amplecti.

Datum Hamburgi, 4 Iunii 1637.

Omnino tuus
Ludovicus Auberius Maurerius.

1 Hs. Amsterdam, UB., 30 J. Eigenh. oorspr. Beantw. d. no. 3145. Ondanks het feit, dat de brief te Hamburg is geschreven, neem ik aan, dat hij nieuwe stijl is gedateerd, daar de Du Mauriers steeds de in Frankrijk gebruikelijke nieuwe stijl bezigden. Louis Aubéry du Maurier, zoon van Benjamin Aubéry du Maurier, voormalig Frans gezant in Den Haag, maakte deel uit van het gevolg van Claude de Mesmes, graaf van Avaux, op zijn missie naar Stockholm: vgl. no. 3014.

2 Christiaan IV.

3 Ferdinand III.

4 No. 3083 dd. 19 mei aan Friedrich Lindenbrog, jurist en filoloog uit Hamburg.

5 Pomponne Aubery of Aubry, gesneuveld voor Arras in 1640; hij was de zoon van Jean Aubery, seigneur du Troussay, bij zijn dood in 1636 doyen des conseillers d'État.

6 Claude de Mesmes, graaf van Avaux.

[p. 335]

Met andere hand onder aan de brief: Inscriptio erat: Excellentissimo Dom. Hugoni Grotio in Suecia Secreti Consilii Consiliario ejusdemque coronae apud Regem Christianissimum Legato glorios [is]simo. Lutetiam.