Briefwisseling van Hugo Grotius. Deel 7

2634. 1636 juni 19. Aan L. Camerarius⁴.

Illustrissime Domine,

Puto jam recte pervenerint, quas XV Maii scripseram⁵ et quas fine Maii scriptas⁶ dederam Iacobi Hanoviensis comitis⁷ domestico.

De Leodio bella est occasio tum Gallis tum Batavis, quam perire credo non sinent. Quippe, si ea gens per se impatiens servitutis ad spem mansuram libertatis possit erigi, multum inde emolumenti ad socios nostros perventurum prospicere mihi videor.

Militum magna hoc tempore ubique est insolentia. Sed ea, quae Saxonicus miles in Brandeburgico agro admisisse publicis scriptis narratur, fidem omnem superant. Princeps Condaeus⁸, qui nunc Dolam obsidet, edictum severum edidit contra locorum sacrorum direptores⁹. Et Rohanius¹⁰ in Valle Telina nuper et militum quorundam supplicio et restitutis quae rapta erant repressit id licentiae genus.

4 Copie Den Haag, ARA. Eerste afd. coll. Hugo de Gr. Aanw. 1911 XXIII no. 2, p. 29. Gedrukt Epist., p. 241. Geadresseerde, Ludwig Camerarius, was ordinarius Zweeds ambassadeur in Den Haag.

5 No. 2592.

6 No. 2607 dd. 30 mei.

7 Jakob, graaf van Hanau-Münzenberg.

8 Henri de Bourbon, prins van Condé.

9 Vgl. no. 2629, p. 200 en n. 3 aldaar.

10 Henri, hertog van Rohan, luitenant-generaal der Franse troepen in Graubünden en de Veltlin.

[p. 208]

Landgravius¹ quam se in partem sit daturus, ingens hic exspectatio est. Sperari potest aliquid effecturum Sanctum Chaumontium², si cum verbis res adferat.

Galli serius sane quam oportuit, tamen nunc satis se movent. Tabernas Alsatiae cepit dux Bernhardus³ caesis Croatis aliquammultis; Sarburgum captum, non Tabernas, postea intelleximus⁴. Hagenoviae necessitatibus subvenit Valetta cardinalis⁵ eodemque facto Colmariam servavit et Argentoratum inhibuit, ne a libramento discederet. Dolam non diu restituram spes est. Nulli adhuc Hispani ibi comparent et Helvetii, an ei bello immiscere debeant se, in longis suis conventibus tam diu disputaturi videntur, donec res peracta sit. Campaniam tuetur comes Suessionensis⁶ ad Picardiae custodiam ituro marescallo Bresaeo⁷. Iam et classis Rupella vela fecit itura⁸ ad Gadicum mare, quo venturae dicuntur et Batavorum naves.

Dux Rohanius pecunia ac milite adjutus Vallisanae cohortes immittit distrahendo hosti, qui Parmensis⁹ iter Placentiam prohibere eo tempore conabatur simul belli fortunam tentaturus in Lecci Castellum, quod in via est ad Comum. Et Gallorum sociorumque exercitus parte sui Tanarum transiit amnem, magna minutus parte intra eum constitit.

Ratisbonensis conventus trahitur et suspicio est quaeri moras eludendae Angliae, cujus legatus Arondelius¹⁰ Lintzii a caesare¹¹ auditur. Polonica legatio, quae nunc in Anglia est, metuo, ne quid in nos cudat. Comes Licestrius¹², si qua verbis fides, optime se animatum pro Domo Palatina proque communi protestantium bono ostendit; sed hactenus nihil egit, nisi ea, quae legationem auspicantibus in more sunt posita: opperiens haud dubie eventum eorum, quae Arondelio sunt mandata.

Conjugium regis Poloni cum Palatina¹³ hac in aula pro confecto habetur negotio. De Zawatskio¹⁴, si huc venerit, quid faciendum mihi sit, haereo. Tibi, quod me de ea quoque re monuisti, gratias habeo.

Gaudeo apud nobilissimum filium tuum¹⁵ restare mei amicam memoriam. Ipsi, tuaeque familiae omni ac imprimis tibi, Illustrissime Domine, valetudinem caeteraque prospera opto.

Lutetiae, XIX Iunii nov. Cal. MDCXXXVI.

1 Wilhelm V, landgraaf van Hessen-Kassel.

2 Melchior Mitte de Miolans, markies van St. Chaumont, speciale gezant van de Franse koning bij de Zweedse rijkskanselier Axel Oxenstierna.

3 Bernhard, hertog van Saksen-Weimar.

4 De woorden ‘Sarburgum .... intelleximus’ staan in de Haagse copie in margine.

5 Louis de Nogaret d'Epernon de La Valette.

6 Louis de Bourbon, graaf van Soissons.

7 Urbain de Maillé, markies van Brezé.

8 Dit woord ontbreekt in de uitgave der Epist.

9 Odoardo Farnese, hertog van Parma.

10 Thomas Howard, graaf van Arundel; zie over hem V, p. 318 n. 12.

11 Ferdinand II.

12 Robert Sidney, graaf van Leicester, extra-ordinarius gezant van Engeland te Parijs.

13 Het huwelijk van de Poolse koning Wladislas VII (VI) met Elisabeth, oudste dochter van de in 1632 overleden Winterkoning, Frederik V van de Palts, en Elisabeth Stuart, zuster van de Engelse koning Karel I, heeft geen doorgang gevonden.

14 Johan Zawadski.

15 Joachim Camerarius (1603-1687).

[p. 209]

Principis Condaei exercitum XX millium est, nec minor putatur is, qui sub Galliae sociorumque signis in Italia militat. Dolae vallum ipsum jam partim subruitur, partim cuniculis et omni igniario opere tentatur capto lunari quod extra oppidum erat munimento. Jam nuntium a castris simulque literas certas accipimus post captum Sarburgum ducem Bernhardum ivisse Tabernas Alsatiae versus castellum cepisse oppido imminens, oppidum machinis quatere.

Praeter Croatos ad Saram caesos, quatuor alias eorum alas Heibrunius¹ Suedi equitis opera ad Dacksteinum partim occidit, partim fudit.

Argentoratenses ut messem facere sibi per Gallos impune liceat, commeatum exercitui large praebent. Accepit et hoc boni, quod munitionem factam in ripa amnis ad Dachsteinium hoc proposito, ut commeatus Argentorato Hagenoviam impedirentur, hostis veniente Valetta deseruit.

Illustrissime Dominationis Vestrae observantissimus.

1 De uitgave der Epist. heeft foutief Heibrunni; het betreft John Hepburn, over wie men zie no. 2620, p. 185 n. 1.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.