Briefwisseling van Hugo Grotius. Deel 7

2592. 1636 mei 15. Aan L. Camerarius⁶.

Illustrissime Domine,

Gratias, quas debeo et meo et publico nomine, persolvo Deo immortali, cum te non modo periculo exemit, sed et ejecta morbi praecipua causa in spem erexit firmioris in posterum valetudinis, Eumque veneror, ut et tuas et omnium bonorum pro te preces semper exaudiat.

Legatum Britannicum⁷ quo magis nosco, hoc magis et candorem animi ejus et sincerum pro Domo Palatina studium et tui in eo amorem non fucatum perspicio nec eis alendis desum. Gallis, ne quid ei aperte respondeant obtentum praebet exspectatio, quo abitura sit Arondeliana⁸ legatio. Spero genti nimium desidi resurrecturos animos, ne ultra trahi se verbis patiantur et rerum tempora patiantur effluere.

Romae de pace agi dubium non est, prius tamen arbitror cum caesare⁹ quam cum Hispano¹⁰. Galli, quid agatur, occultant, sed multi sentiunt id agi, ut caesar de Palatina Domo, de Lotharingo¹¹ Gallus suopte arbitratu constituant. Certe non strepunt arma.

Ducem Bernhardum¹² in ipso procinctu febricula deprehendit. Abiit hinc dux Bulionius¹³ missa nondum adita, caeterum cum romanis pontificibus se sentire non dissimulans. Creditur publicum transitum Sedani facturus. Leodii curam

6 Copie Uppsala, UB., cod. 388a, ep. 43. Gedrukt Epist., p. 233. Geadresseerde, Ludwig Camerarius, was Zweeds gezant in Den Haag.

7 Burggraaf John Scudamore.

8 Thomas Howard, graaf van Arundel; zie V, p. 318 n. 12.

9 Ferdinand II.

10 Philips IV.

11 Karel IV, hertog van Lotharingen; hij was in strijd gewikkeld met Lodewijk XIII van Frankrijk.

12 Bernhard, hertog van Saksen-Weimar.

13 Frédéric Maurice de La Tour d'Auvergne, hertog van Bouillon; betreffende zijn overgang tot het katholicisme zie VI no. 2322, p. 295 n. 16.

[p. 149]

rex¹ ei commendavit et puto Ordines Foederatos civitatis vicinae tutelam non abjecturos.

De duce Bernhardo scripsisse me antehac arbitror, ipsi unde dignitatem sustentet dari annua CXX millia florenorum obligatis terris in Gallia; in usum militis praesentis pecuniae eum auferre sexcenta florenorum millia; in Augustum mensem promitti ei novam pecuniam, pro numero, quem tunc habiturus est, militum. Mittit dux in Angliam D. Ponicam² supplementi quaerendi causa; inde iturum ad magnum D. cancellarium³.

Video quae Seldenus scripsit⁴ ab Anglis serio agi idque ne cum Batavis concordiam turbet, metuo. Galli piscatum non curant; navigatus controversias temporaria aliqua pactione, ut puto, extricabunt.

Daniae regem⁵ Viennae obtinuisse filio suo⁶, dum vivit, archiepiscopatus Bremensis fructum pro certo scribitur et credunt id Britanni.

Exspectatur hic, ut princeps Arausionensis⁷ Scenquiano castello tam mature potitus in hosticum aliqua penetret vacuo omni anni tempore, per quod in illis partibus bellari solet.

Rohanio⁸ nunc pecunia submittitur, quod, si ante factum esset, in castellum Datium videtur conatus ejus futurus fuisse non irritus.

Turca classe validus terrorem injicit Ethruriae, praesertim cum in Gallia portus habiturus sit sibi patentes.

Videtur et pontifici⁹ et imperatori¹⁰ non displicere locus colloquii de pace Colonia Agrippinensis.

Viennenses literae ad indictum solenniter per Magontiacensem conventum Ratisbonensem venturos a Bavaro utroque¹¹ legatos pro certo habent eosque morem per omnia gesturos imperatori.

Sed ne molestus sim, Illustrissime Domine, claudo epistolam repetitis quae supra posui votis.

Tuae Illustrissimae Dominationi observantissimus omni cultu studioque
H. Grotius.

1 Lodewijk XIII.

2 Tobias von Ponikau, gezant en raad van Bernhard van Saksen-Weimar.

3 De Zweedse rijkskanselier Axel Oxenstierna.

4 Betreffende John Selden en zijn Mare clausum zie V, p. 515 nn. 7, 8 en 9.

5 Christiaan IV.

6 Volckmar -Valdemar Christian-, hertog van Sleeswijk-Holstein, zoon van Christiaan IV en Christina Munk.

7 Frederik Hendrik.

8 Henri, hertog van Rohan, luitenant-generaal van het Franse leger in Graubünden en de Veltlin.

9 Urbanus VIII.

10 Ferdinand II.

11 Maximiliaan, keurvorst van Beieren, en Ferdinand van Beieren, aartsbisschop-keurvorst van Keulen en bisschop van Luik.

Lutetiae, XV Maii MDCXXXVI.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in margine in de copie te Uppsala: Redd. A.^o 1636 d. 2/12 Iunii.