Briefwisseling van Hugo Grotius. Deel 7

2635. 1636 juni 19. Aan Christina van Zweden².

Serenissima ac Potentissima Regina, Domina Clementissima,

Post longam et rebus communibus noxiam Gallorum quietem gaudeo dari laetiora, quae nuntiem, classem eorum XL bonarum navium, dies jam sunt octo, vela fecisse fretum versus Gaditanum, ubi, ut creditur, Batavorum se naves ipsis sunt conjuncturae; Sarburgum a duce Vinariae Bernhardo³ captam cum Croatorum strage; Hagenoviae per cardinalem Valettam⁴ subventum; Dolam a principe Condaeo⁵ obsideri cum spe optima capiendi, antequam Hispani eo se moveant aut etiam cunctatores in talibus semper, Helvetii; ducem Rohanium⁶ pecuniis et supplementis aliquot acceptis terrorem inferre partim iis, qui trans lacum sunt Comensem, partim Tirolensibus; Gallorum et iis federatorum copias, quae trans Alpes sunt, in apertum productas et partim jam Tanarum amnem transgressas in magni conatus alicujus expectationem erigere Italiae animos.

Interim nec de pace frigent sermones profecto ejus causa, ut praefertur in Germaniam duce Alcala⁷. Comes Arundelius⁸ ab Anglia legatus dum Ratisbonensis conventus prolatatur, auditur Lintzii; Poloniae legatus⁹ in Angliam it, inde huc, ut creditur, venturus. Comes, qui hic ab Anglia legationem obit extraordinariam, Licestrius¹⁰, exspectat, quid responsi accepturus sit Arundelius.

2 Gedrukt Epist., p. 240.

3 Bernhard, hertog van Saksen-Weimar.

4 Louis de Nogaret d'Epernon de La Valette.

5 Henri de Bourbon, prins van Condé.

6 Henri, hertog van Rohan, luitenant-generaal van de Franse troepen in Graubünden en de Veltlin.

7 Fernando Afan de Ribera, hertog van Alcalá; zie no. 2545, p. 75, n. 9.

8 Thomas Howard, graaf van Arundel; zie V, p. 318 n. 12.

9 Johan Zawadski.

10 Robert Sidney, graaf van Leicester.

[p. 210]

Deus haec cuncta, Serenissima ac Potentissima Regina, Domina Clementissima, ad bonum innocentium, pacem solidam Tuaeque Majestatis gloriam regat.

Lutetiae, 9/19 Iunii 1636.

Dolae vallum eam suffossionibus et cuniculis impeti certo accipimus. Dux Bernhardus a Sara rediens Castellum, quod imminet Tabernis Alsaticis, impetu coepit; oppidum machinis verberat; Argentoratenses large commeatus praebent Gallis, ibi jam potentioribus.

Augustae Majestati Tuae obedientissime subditus
H. Grotius.