Briefwisseling van Hugo Grotius. Deel 6

2449. 1636 januari 24. Aan C. de Groot⁹.

Paucarum horarum intervallo binas abs te Stralsundia literas accipio, mi fili,

9 Hs. Den Haag, Kon. Bibl., coll. Corn. de Gr. IV 13 g. Antw. op nos. 2393 en 2408; beantw. dd. 12 maart 1636 (dl. VII).

[p. 488]

XIV¹ et XXI Decembris² novi calendarii datas. Legi eas cum voluptate, quod et iudicium ostendant in rebus et in verbis nitorem. Vide in tam bona via aliquos semper processus facias, ut tibi utilis nobisque honori sis.

Quod magnus cancellarius³ tam benigne te acceperit, bonum omen interpretor. Laudo et quod in sermone tibi temperaveris neque consilia dans in rebus tibi obscuris neque notitiam tibi vindicans eorum, quae meam quoque saepe notitiam fugiunt. Etiam in ea prudenter facis, quod nec importune ingeris te negotiis nec speciem praefers detrectaturi, si quid tuae diligentiae committatur.

D. Grubbio⁴ gratias pro me age de officiis tibi exhibitis eiusque amicitiam, ut et D. Spiringii⁵ et Schmalchii⁶, quibuscumque poteris obsequiis et morum suavitate retine. Saluta et D. Wolfium⁷, ad quem multas scripsi literas, quas ob itinera hostibus obsessa arbitror ad ipsum non pervenisse; atque ea mihi postea fuit non scribendi causa, alioqui minime meis partibus defuturo.

Galassium⁸ retro cessisse fame subactum non mentitus est qui dixerat. Sed Tabernis captis Colmariae imminet, et iam audio reiectos qui liberando oppido itabant. Magontiacum quoque cum castello amissum et Campaniam populabundus incursat hostis, praeter (ha)s Gallassianas, magnis Piccolominii⁹ copiis, aucti novo e Polonia milite et eo, qui episcopo meret Viridunensi¹⁰. Frequentes illae nostrorum de Saxonicis victoriae, illa maxime equestris postrema, spem mihi faciunt rem venturam ad aequas conditiones. Vere dixisti ita meum esse ingenium, ut non malam pacem praeferam bello etiam non improspero et aliqua humanitate condito.

A Mullero¹¹ nihil umquam literarum habui, habuit aliquoties Hibsteinius¹². Gratias age magno D. cancellario pro tot in me collatis honoribus perpetuaque mei memoria, praesertim de eo, quod dixit de octo imperialium millibus. Duo iam accepi et per literas tibi id significavi¹³. Promisit per literas Spiringius se de quatuor aliis prospecturum mihi; quod ut faciat, rogo; nam pensionu(m) dies alter iamdudum cessit, alter iamiam cessurus est. Sed orandus est, ne me ad Gallicam pecuniam reiiciat, quae nobis nec datur nec per nos ex ullius instrumenti auctoritate exigi potest. Reliqua duo millia, de quibus loquebatur magnus cancellarius, sunt, ni fallor, ad rationem impensarum, quam transmisi, pertinentia. Id quoque negotium D. Spiringio quam potes blandissime commenda.

De Gallia quoties sermo inciderit ita verbis moderare, ut neque nos quisquam credat illis mancipatos neque inofficiosos in regem¹⁴ mei amantem gentemque, in qua amici nobis egregii non desunt.

1 No. 2393.

2 No. 2408.

3 De Zweedse rijkskanselier Axel Oxenstierna.

4 Lars Grubbe; zie over hem V no. 2064, p. 432 n. 12.

5 Petter Spiring Silvercrona, raad van financiën van Zweden in Duitsland.

6 Peter Abel Schmalz, secretaris van Oxenstierna.

7 Herman Wolff, gezant van Zweden in Kassel.

8 Matthias, graaf Gallas, bevelhebber van Ferdinand II.

9 Ottavio d'Arragona, prins van Piccolomini, hertog van Amalfi.

10 François van Lotharingen.

11 Georg Müller, Zweeds secretaris en hofraad.

12 Johan Epestein, Zweeds agent in Parijs.

13 De bewuste brief aan Cornelis is verloren gegaan.

14 Lodewijk XIII.

[p. 489]

D. Bignonius¹ nuper coram rege in parlamento locutus libere contra cauponationes dignitatum cum aliqua temporum deploratione, in offensam aliquam aulae incidit². Rumoresque erant de eo in legationem aut praesidatum longinquum amovendo. Sed, ut puto, regis bonitas et tempus sanabunt hoc frigusculum. Ipse solatur ex generosi animi conscientia.

Haec nunc erant; siquid ultra eveniet, quod scire tibi aut utile aut iucundum sit, non patiar te ignarum.

Mea officia omnibus, ut par est, defer: et scribe quoties licebit.

Tui amantissimus pater
H. Grotius.

1 Jérôme Bignon; zie over hem III, p. 154 n. 5.

2 Zie nos. 2432 en 2434, resp. pp. 463 en 468.

Lutetiae, XXIV Ianuarii MDCXXXVI.

Prodiit Bruxellis liber novus non ineruditus hoc titulo: Resolutions morales et Theologiques touchant le mariage de Monsieur le Duc d'Orléans³. Noli omittere, ibi dum es, omnem dare opera(m, u)t Germanicam scripturam quamvis legere, scribere quoque et loqui Germanice discas.

Prodiit Seldeni Mare Clausum⁴ contra meum Mare Liberum⁵; de me honorifice loquitur. Respondendi laborem Cunaeo⁶ iniunctum audio. Spero advenisse iam Sigradum⁷ qui paulo post te eo est profectus cum meis ad te et magnum cancellarium literis.

3 Gaston Jean-Baptiste de France, hertog van Orléans; zie betreffende de pogingen zijn huwelijk met Margareta van Lotharingen ongeldig te verklaren Merc. Franç. XX, p. 849 vv. en p. 989 vv.

4 Zie voor John Selden en zijn Mare Clausum V no. 2126, p. 515 nn. 7, 8 en 9.

5 Mare libervm sive de ivre qvod Batavis competit ad Indicana commercia dissertatio. Lugduni Batavorum, Ex officinâ Ludovici Elzevirij. Anno M.DI.IX; zie Ter Meulen-Diermanse, no. 541.

6 Petrus Cunaeus; zie V no. 1801, p. 80 n. 2.

7 Vermoedelijk David Friedrich von Siegerot (Sigrodt), overste in Zweedse dienst.

Adres (beschadigd): A Monsieur Monsieur de (Groot) de Monseign Chancelier