Briefwisseling van Hugo Grotius. Deel 6

2392. 1635 december 13. Van G.J. Vossius².

Hugoni Grotio, Lutetiam Parisiorum.

Illustrissime Domine,

Quod de negotio summi viri Galilaei Galilaeii³ tarde adeo rescribam, diutina fecit ab urbe absentia syndici nostri Guilielmi Borelii⁴, qui rem omnem apud dominos Ordines fideliter procuraturum se recepit. Nec sane ad eam rem alter magis idoneus eligi poterat. Sed non puto eum affore ante Christi Natalem.

Magnus est affectus procerum urbis nostrae erga Galilaeium, eorum saltem, quibus scientia in pretio est. Ante omnes praedicare debeo Nob. Realium⁵, qui nihil aeque exoptaret quam ut Galilaeius praetextu offerendi Ordinibus nostris suas de re maxima cogitationes has ipse in terras veniret. Poterat, inquit, opera hinc dari, ut figere hic domicilium vellet. Sed votum hoc viri de suo etiam largiri ad detinendum parati metuo, ne provecta in istac Galilaei aetate plane frustra sit.

Joannes Narsius⁶, quia veretur, ne ulla sui deinceps a proceribus Suecis ratio habeatur, operam suam praefectis negotiationis Indicae addixit. Ac intra triduum, si ventus faverit, navem ascendet. Octoginta menstruos florenos assignarunt. Obtinebit in itinere locum, quem vulgus supremi mercatoris vocant. Hinc inter praefectos justitiae facturus. Medicam simul artem exercebit et majoris honoris spes facta.

Nec tamen hujusmodi filium tuum Petrum⁷ magnopere commovent ad simile iter suscipiendum. Domi vel apud exteros etiam principes dignitatem quampiam praeferret. Sed quia non ignorat, quam miserum sit ab incerta spe pendere: ita decrevit studia sua componere, ut vel solis illis tueri decus suum possit. Juris prudentia imprimis placet, sed sic ut, ex consilio tuo, ea sociare velit, quae ad mercaturae intelligentiam pertinent

Literas ad illustres juvenes Slupeskium⁸ et Skyttium⁹ sedulo procuravi.

2 Gedrukt Voss. ep., p. 303; Voss. Op. IV ep., p. 204. Antw. op no. 2225; beantw. d. no. 2435. Gedeelt. gedr. C. de Waard, Isaac Beeckman, p. 239 (met datering 5/13 december).

3 Over Galilei zie V no. 2108, p. 489 n. 7.

4 Dr. Willem Boreel (1591-1668), ridder-baronet, pensionaris van Amsterdam.

5 Dr. Laurens Reael (1583-1637). Hij was gouverneur-generaal in Oost-Indië geweest en had deelgenomen aan verschillende gezantschappen; na 1630 bekleedde hij een aantal stedelijke ambten in zijn geboortestad Amsterdam. Ook nam Reael werkzaam deel aan het letterkundig leven van zijn tijd en behoorde tot de Muiderkring.

6 Over Johannes Narsius zie no. 2377, p. 372 en n. 8 aldaar.

7 Grotius' tweede zoon Pieter, die om studieredenen in het vaderland verbleef; hij was bij Johannes Arnoldi Corvinus in huis en G.J. Vossius hield een oog op zijn studie.

8 Jerzy Slupecki de Konary; zie IV, p. 52 n. 7.

9 Bengt Skytte, zoon van Johan; zie V, p. 242 n. 2.

[p. 403]

Leonis Allatii¹ labores, etiam vetera illa ἀνέϰδοτα, quae habet, excudere qui paratus sit, non unum hic habemus. In iis et Blauwius² est. Sed dum totus est in Atlante suo³ adornando, non facile dixero, quam tarde promissa exsolvat.

De Tacito⁴ quod cogitas gaudeo. Metuo alioqui, ne alius quispiam in tuam involet purpuram suisque inferciat pannis dissimulato nomine tuo. Scis jam dudum esse, quod quae meditatus es, non sint in tua potestate. Mihi quidem quicquid eorum vidi ac legi, impense, ut omnia tua, placuit.

Berneggerum⁵ et doctrinae et virtutis nomine merito aestimo et amo. Nec officio deero, siquis locus patuerit in ulla illustrium scholarum his et vicinis terris.

Vale, illustrissime domine, et cum heroina conjuge et familia a me et meis salve. Salutem etiam plurimam mei amantibus dicito: imprimis reverendissimo et amplissimo Bignonio⁶ et Cordesio⁷, a quibus quod amer, tui, ut alia, beneficii est.

Amstelodami, MDCXXXV Non. Decembris.

S.P. Dum literas, quibus haec inclusi, plusculum detineo, quia deesset commoda mittendi occasio, ecce nobis Hagha hoc rescriptum DD. Ordinum. Partem primam Annalium Hollandicorum⁸, quos Matthaeus misit, spero, jam acceperis: nisi forte futurum, ut una cum hac epistola recipias. Spero operam non fore ingratam. Quaeso commone, sicubi erratum putabis. Editione altera corrigi poterit.

Filius tuus⁹ indies se magis et magis insignem reddit, non studiorum modo profectu, sed modestia etiam judicioque, quo pro aetate illa plurimum valet. Itaque honori, etiam tibi, atque familiae fore confido.

Illustrissimi nominis tui cultor
G.J. Vossius.

1 Over Allatius zie V no. 2108, p. 490 n. 3.

2 De Amsterdamse uitgever en cartograaf Willem Jansz. Blaeu.

3 Het (eerste en) tweede deel van Blaeus Tonneel des Aerderijcx, ofte Nieuwe Atlas; Theatrum orbis terrarum, sive Atlas novus, in quo Tabulae et Descriptiones omnium regionum. Amsterd. Guil. et Joa. Blaeu 1635 Pars I, II.

4 Zie no. 2173, p. 70 n. 7.

5 De Straatsburgse hoogleraar Matthias Bernegger (1582-1640).

6 Jérôme Bignon.

7 Jean de Cordes, kanunnik te Limoges.

8 Over de Annales Hollandiae Zelandiaeque van Vossius' zoon Mattheus zie no. 2320, p. 291 n. 5.

9 Pieter, zie p. 402 n. 7.

Idibus Decembris MDCXXXV.

Geminae literae D. Deodato¹⁰ inscriptae, ab collega meo Hortensio¹¹ sunt. Rogat is te plurimum per famulorum quempiam deferri jubeas.

Vale.

10 De Geneefse theoloog Elias Diodati, die te Parijs verbleef.

11 Martinus Hortensius; zie V no. 2108, p. 490 n. 1.