Briefwisseling van Hugo Grotius. Deel 6

[p. 263]

2302. 1635 oktober 6. Van Willem de Groot¹.

Frater optime,

Per occasionem mihi a collega Curio², viro optimo tuique amantissimo, oblatam non potui non aliquid ad te litterarum dare, quanquam ita inopinato haec mihi obvenerit, ut vix scribendi tempus suppetat.

Filium ejus³, harum latorem, ut tibi commendem, opus non est; satis quippe ipse nomine et amicissimorum hominum memoria commendatum: cui siquid benefeceris, gratia ea gravida erit bonis.

Nunc ut litteris XIII Septembris⁴ ad me datis respondeam, hoc habe me cum patre⁵ jam diu scripsisse probare nos consilium tuum, quod te reformatae ecclesiae adjungere decreveris⁶; addo et alios, qui pacis amantes sunt, in eadem esse sententia. Addideram Utenbogardum⁷ paulo aliter animatum vereri, ne ea res hic a remonstrantibus in exemplum trahatur, si ministri publici privatos ad suam communionem pelliciant rejectis tantum modo verbi divini praeconibus, qui remonstrantum doctrinam profitentur; et judicare hanc rem in aliquod tempus proferri potuisse, ut interea constet, quid Galli iis consiliis, de quibus ad Rivetum⁸ scripsisse eos monuisti, profecerint. Hae litterae an per Brabantiam missae sunt ibique interciderint, an inter Caletum et Parisios interceptae sint, mihi non liquet.

Libros de bonis operibus⁹ tradam iis, quibus inscripti sunt¹⁰: ego sane hominem novo quodam more et pontificiis inusitato argumentum hoc tractasse video.

Nos omnes satis belle valemus serpente per varias hic domos contagione. Parentibus¹¹ praeter senectutis mala nihil accessit.

Rogavit me nuper Losecatius noster¹², ad te scriberem, siquam ille regi Galliarum¹³ inter eas, quae hic sunt copias, operam navare possit, paratum se esse et ad eam rem opem tuam requirere. Ea quam jam Sylvae ducis habet praefectura ei cum liberis honorifice alendo (sic) non sufficit. Siquid illi e Galliis vel Suecia additamenti accedere posset, id ei foret gratissimum. Si rex aliquem nostratium creare vellet commissarium habito et habendo delectui, vix aptiorem aliquem posset reperire; cogita, ecqua illi in parte possis benefacere.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op no. 2271; beantw. d. no. 2327.

2 Misschien de Delftse jurist Nicolaus Curius, die op 14 februari 1601 op 18-jarige leeftijd als student in de rechten te Leiden werd ingeschreven.

3 Niet nader geïdentificeerd.

4 No. 2271.

5 Jan de Groot.

6 Vgl. V no. 2069, p. 438; zie ook V, nos. 2029 en 2052.

7 De remonstrantse predikant Johannes Wtenbogaert; vgl. ter zake V no. 2052, p. 417.

8 De gewezen Leidse theologie-professor André Rivet.

9 Vgl. no. 2271, p. 212 en n. 11 aldaar.

10 Wtenbogaert en Van der Myle; vgl. no. 2271.

11 Jan de Groot en Aeltgen van Overschie.

12 Frederik van Losecaat (1583-1669), baljuw van Liesvelt en landdrost van de Alblasser- en Krimpenerwaard; hij was gehuwd met Adriana de Groot; voor de namen van hun kinderen zie no. 2299, p. 258 n. 9.

13 Lodewijk XIII.

[p. 264]

Habet et filium¹, ejus cujus Didericus² tuus est aetatis, qui jam per biennium militiae nomen dedit omnesque boni militis functiones cum laude sub protribuno Tieriensi³ exercuit, nisi quod praeterita hyeme addiscendae linguae gratia Angliam vidit.

Is libenter etiam Galliam viseret. Siquid ad ejus quoque promotionem conferre posses, id et patri et sorori⁴ et mihi longe foret acceptissimum: unicus ille sorori est, quare in eo ornando operam ponere debemus, et est tam bona indole juvenis, ut vel hoc solum sufficere posse videatur.

Sed jam manum de tabula tollere cogor, cum iterum monear; desinam igitur, sed ita, ut prius me meamque⁵ tibi uxorique et familiae vestrae, vosque iterum omnes divinae protectioni commendem.

Vale.

Tibi obsequentissimus frater
Guilielmus Grotius.

1 Diderik, tot vendrig bevorderd op 9 juni 1636 (Arch. Staten van Holland en W. Friesland en hun gecommitteerde Raden in het Zuiderkwartier inv. no. 3291 index op de resol. van Gecomm. Raden voornoemd 1624-1659, p. 430).

2 Grotius' derde zoon Diederik was geboren in 1618.

3 Philips van Thienen, bij resolutie van de Raad van State van 27 januari 1623 benoemd tot luitenant-kolonel in het regiment van Johan Wolfert van Brederode.

4 Adriana de Groot.

5 Alida Graswinckel.

Hagae, VI Octobris 1635.