Briefwisseling van Hugo Grotius. Deel 6

2220. 1635 augustus 6. Van Willem de Groot².

Frater optime,

Audio nuntios papales³ nobis peperisse eam libertatem, ut nuntiis in posterum secure ultro citroque commeare liceat; sed vereor, ne et iidem aliquando pacem inter Gallos et Hispanos nobis exclusis sarcire tentent.

Toto praeterito mense praeter unas XVII Julii ad me datas⁴ nihil a te vidi, nunc nos iterum ad pristina litterarum commercia redituros spero, nam ut te ignorantia eorum, quae hic geruntur, vexat, ita et nos vicissim aegre habet quod rariores a vobis veniunt litterae.

Propugnaculum Schenkianum in hostium esse potestate et ego jam antea scripsi⁵ et tu aliunde jam intelligeris. Iuvit hostes praeter consilia cujusdam transfugae quod comes Guilielmus⁶ paucos ante dies magnam stipendiariorum partem inde eduxerat navemque bellicam, quae illic in specula esse solet, ad alios usus sevocaverat. Notum id hosti, qui milites quadringentos circiter schaphis impositos ex urbe Clivia per alveum, qui ex adverso propugnaculi est, Betaviam petere jussit; unde per fossam siccam moenibus succedentes paucis, qui a defendebant, resistere non valentibus et vulnerato tribus locis gubernatore Welderio⁷ propugnaculi potiti sunt. Erat illic pons navalis in Trajectu Rheni, quem ipsi ad Vahalum transtulerunt, atque ita ripae Cliviacae invaserunt possessionem, quam etiamnum tenent, sociorum accursu aucti. Princeps⁸ praemissis comitis Guilielmi in Betaviam copiis et ipse cum exercitu Noviomagum venit atque inde ad partes transrhenanas tutandas secessit. Interea comes Guilielmus lunatum propugnaculum et alia, quae transfossam fecerant hostes, opera pugnando cepit, ita ut jam intra moenia compulsi sint. Nunc in eo totus est, ut machinis bellicis ad id dispositis pontem hostilem disjiciat, et jam id bene successisse rumor est. Deinde etiam majores machinas, quae globos igneos et alia id genus jacere solent, subvehi princeps jussit, ut vel hoc pacto hostem expellat, brevique id fore pollicetur.

Venit nudius tertius ad nos e castris filius⁹, cui matris jussu vestes concinnantur, quo peracto iterum remittetur ad exercitum.

2 Hs. Den Haag, ARA. Coll. Hugo de Gr. Aanw. 1911 XXIII no. 24. Eigenh. oorspr. Antw. op no. 2184; beantw. d. no. 2250.

3 Giorgio Bolognetto en Giulio Mazzarini; vgl. p. 95 en n. 17 aldaar.

4 No. 2184.

5 No. 2202.

6 Veldmaarschalk Willem, graaf van Nassau-Siegen.

7 Op 28 juli 1635 was Schenkenschans bij verrassing door de vijand genomen; de bezetting, nauwelijks 150 man sterk, werd over de kling gejaagd en de bevelhebber, luitenant-kolonel Gijsbert van Welderen, bezweek aan zijn verwondingen.

8 Frederik Hendrik.

9 Diederik, die onder Johan van den Bosch vestingbouwkunde leerde.

[p. 139]

Litteras Poloni regis¹ ad Suecos hic vulgatas mittere operae pretium duxi; habent enim ea speciosos sane praetextus. Addidi et a Datesilario² epistolam, qui responsum ad priores litteras³ flagitat.

De Sophompanea⁴ ad Petrum⁵ scripsi, quem aut tibi aut mihi, quid libris tuis actum sit, referre jussi.

Magnum est, quod de Valle Telina scribis et de Rohanii⁶ victoria ibi parta, quae Caesarianos valde affliget.

Parentes⁷ jam satis bene valent. Abfuit per aliquot septimanas Dussenus⁸, qui cum redierit, agam cum eo de chartis tuis recuperandis; nemo deputatorum⁹ - Broechovium excipio - jam scit, ubinam eae lateant. Certe curabo libros aliaque, quae in mea patrisque potestate sunt, commoda occasione ad te mitti.

Uxori me commendo, a qua jam diu nihil accepi, et filium filiamque¹⁰ salvere jubeo.

Vale.

Tibi obsequentissimus frater
Guilielmus Grotius.

1 Wladislas VII (IV); de brief in vert. bij Knuttel, Pamfl. no. 4373a.

2 Abraham Daetselaer, bij wie Grotius na zijn ontsnapping uit Loevestein werd binnengebracht; zie III, p. 229 n. 5.

3 Vgl. V no. 2099 van Willem de Groot dd. 14 mei 1635.

4 Zie no. 2211, p. 126 n. 6.

5 Grotius' tweede zoon Pieter, die, evenals Diederik, voor zijn studie in het vaderland verbleef; hij bevond zich te Amsterdam, waar Vossius een wakend oog op hem hield.

6 Henri, hertog van Rohan.

7 Jan de Groot en Aeltgen van Overschie.

8 Vermoedelijk Eewout Jacobsz. van der Dussen.

9 Vgl. V, p. 150 n. 5? Over Jacob van Broeckhoven zie IV, p. 23 n. 6.

10 Cornelis en Cornelia, die bij hun ouders te Parijs waren.

Hagae, VI Augusti 1631 (sic).

Adres: A Monsieur Monsieur Grotius, Ambassadeur de la Reine et couronne de Suède vers le Roy Très chrestien A Paris.

In dorso schreef Grotius: 6 Aug. 1631 (sic). W. de Gr. Van Schenkenschans etc.¹¹.

11 Met onderstrepingen door Grotius, en naast de handtekening van W. de Groot het woord posterus (?) eveneens door Grotius geschreven. Dat Grotius in dorso het kennelijk onjuiste jaartal 1631 in de datering heeft overgenomen, kan wijzen op een ordening van latere datum, tenzij slechts sprake is van een gedachteloze overname.