Briefwisseling van Hugo Grotius. Deel 6

2184. 1635 juli 17. Aan Willem de Groot².

Tuas, mi frater, literas scriptas 25 Iunii³ heri accepi et gratias ago pro iis, quae nuntias. Urge quaeso Delfenses, ut praebeant veritati testimonium. Ego semper intellexi fuisse Berckelium⁴, qui in mea re locutus sit apertissime. Sciamus quaeso, ecquid cum bona gratia a Rotterodamensibus obtineri possit⁵. Si non potest, aperiunt se viae aliae. Rogo et omnis detur opera, ut chartas mihi Rotterodami Hagaeque ablatas recipiam ex tenore sententiae pro me latae. Deinde ut quamprimum illae chartae et aliae simul cum libris ad me veniant. Nam horum inopia nihil boni aggredi possum. Illud vero satis mirari nequeo omnes de Sophompanea⁶ loqui - nam scripsit Salmasius⁷ - me autem nec mihi nec amicis habere exemplar. Rogo, si alicubi intercepti sint libri, vel hoc sciam.

In valle Telina res meliori in loco est recepto per Rohanium⁸ castello Tiranio et sex mille hostibus non longe inde partim caesis partim fugatis.

Ad ripam Rheni res non optime succedunt. Metuo, ne vera sit de amisso Magontiaco fama. De Wormatia constat et ivisse hostem Magontiacum. Plane illis in partibus pro lubitu agit. Sed rex⁹ tum magnum exercitum juvandis sociis promittit, tum pecuniae aliquid Bernhardi ducis¹⁰ militi.

Valde nos torquet ignorantia earum rerum, quae apud vos geruntur. Posthac viam Caleti et maris tentabimus.

Parentibus¹¹ optimis me commendo, quorum non ero immemor. Saluto et omnes sanguine, affinitate, amicitia junctos, Delfenses maxime, quibus velim ostendere posse quam ipsis velim optime. Uxori tuae¹² et liberis¹³ Deum faventem opto.

Lutetiae, 17 Iulii novi Cal. 1635.

2 Gedrukt Epist., p. 854. Antw. op no. 2159; beantw. d. no. 2220.

3 No. 2159.

4 Vermoedelijk de in 1634 overleden Rotterdamse burgemeester Gerard Jansz. van Berckel.

5 Dit doelt op Grotius' pogingen zijn achterstallige salaris als pensionaris van Rotterdam alsnog uitbetaald te krijgen.

6 Hvgonis Grotii tragoedia Sophompaneas. Accesserunt, Tragoedia ejusdem Christvs patiens, et sacri argvmenti alia, Ex editione anni MDCXVII recusa emendatiora. Amsterdami, Apud Gvilielmvm Blaev, MDCXXXV. Ter Meulen-Diermanse, no. 157.

7 De Franse klassiek-filoloog Cl. Salmasius, hoogleraar te Leiden.

8 Henri, hertog van Rohan.

9 Lodewijk XIII van Frankrijk.

10 Bernhard, hertog van Saksen-Weimar.

11 Jan de Groot en Aeltgen van Overschie.

12 Alida Graswinckel.

13 Johan, Jacob II, Maria, Alida, Anna en Titia.

[p. 91]

Publicatos illos foederis Gallici articulos¹ missos ad me velim.

Tui amantissimus frater
H. Grotius.

1 Zie Aitzema, Saken van Staet en Oorlogh II, p. 198 vv.