Briefwisseling van Hugo Grotius. Deel 6

2159. 1635 juni 25. Van Willem de Groot⁶.

Frater optime,

Etsi pauca jam scribenda habeam nihilque a te hac quidem septimana acceperim, ne tamen indiligentiam meam aliquo modo accusare possis, haec habe.

Princeps⁷ vicesimo Junii die accepto quem Trajecto ad Mosam subvehi jusserat commeatu militibus suis in sex dies cibaria publicitus accipere jussis profectionem indixit, et castra sua Bruxellas versus movit relicta ad dextram urbe Lovaniensi.

Princeps cardinalis⁸ jam cum suis copiis Vilvordiae esse dicitur et octo millia militum in Flandriam interiorem misisse creditur.

Princeps Vurnae - id palatium est sesqui hora Bruxellis distans - hospitium sibi legisse nuntiatur; an in Flandriam irrupturus sit, an cum cardinale circa sedem imperii conflicturus, dubitatur. Mirum est hactenus utrique exercitui suppetiisse quae alendis et equis et hominibus sunt necessaria.

Hic quaestio instituitur adversus eos, qui primi articulos foederis Gallici publicarunt, et venit in suspicionem vicinus meus Nordingius⁹, cujus famulus¹⁰ latitat, qui exempla aliis tradidit.

Audio omnes, quae e Galliis itinere Brabantino venere, litteras Bruxellis

6 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Beantw. d. no. 2184.

7 Frederik Hendrik.

8 Don Fernando, infant van Spanje; zie IV, p. 412 n. 11.

9 Dirck van Noordingen, agent van Cristoph van Oost-Friesland, graaf van Embden; Willem de Groot en Van Noordingen woonden in de Raamstraat te 's-Gravenhage.

10 Niet geïdentificeerd.

[p. 46]

fuisse reseratas, quare et hisce metuo litteris. Pavius¹ certe suas litteras maritimo misit itinere.

Delfenses nostri inter se discrepant de eo, qui praecipua in conventu, cum de te disceptaretur, verba fecerit, Nobeliusne² an Berkelius³, quod tamen exprimi debere ratio suadet.

Vale, frater optime, cum uxore et liberis, et nos ama.

Tibi obsequentissimus frater
Guilielmus Grotius.

1 Dr. Adriaen Reyniersz. Pauw; hij bevond zich in Parijs.

2 Hendrik Nobel van Rotterdam, afgevaardigde ter Staten van Holland; zie over hem III, p. 253 n. 2.

3 Gerard Jansz. van Berckel (†1634).

Hagae, XXV Junii 1635.

Adres: A Monsieur Monsieur Grotius, Ambassadeur de la Reine et couronne de Suède vers le Roy Très-chrestien A Paris.

In dorso schreef Grotius: 25 Iunii 1635. W. de Groot.