Briefwisseling van Hugo Grotius. Deel 4

1670. 1631 augustus 29. Aan G.J. Vossius⁶.

Spero, virorum optime, res omnes tibi in magna urbe ex voto processuras et repertum tibi fidum futurum senectuti portum.

Nos hic jactamur exspectantes

- - - - - unius Ingens

Bellum uteri⁷.

Iunius noster⁸ in Anglia nunc est, quam etiam tam indigne habitus amare non desinit. Literas illi dedi ad Londinensem episcopum⁹. Vides, quantum mihi in literis, quas semper colui fiduciae sit ut ad ignotum ausim scribere. Si Barones Wottonii¹⁰, quos tibi commendavi, in patriam brevi redierint, habebit ibi Iunius fidos adjutores. Literas ab ipso exspecto.

Noomsii¹¹ desiderio nunc quidem gerere non possum, quia abest rex cum comitatu; deinde nescio, an satis commoda sint tempora. Nam nebulones quidam omne nomen Amstelodamense hic invisum reddiderunt tanquam induciarum quam belli cupidius. Ego parte mei suaviore hinc absum, cui brevi spero recomponi, ut rursum fiam ϰατὰ τὸν Πλάτωνα ἀνδϱόγυνος¹².

Tu quoque cum tui dimidio¹³ pulchre vale et cum felicissima liberorum segete.

29 Augusti annis duodecim post multorum adversorum mihi patriaeque initium.

6 Gedrukt Epist., p. 105. Antw. op n^o. 1665.

7 Statius, Thebais IX, 408.

8 Franciscus Junius Jr.; zie III, p. 197 n. 2.

9 William Laud; zie III, p. 372 n. 3.

10 Een van hen zal de in n^os. 1518, 1582 en 1607 genoemde Sir Henry Wotton zijn; zie n^o. 1518, p. 229 n. 7.

11 Willem Nooms; vgl. n^o. 1665, p. 428 en n. 1 aldaar.

12 Vgl. Plato, Symposion 189 E.

13 Elisabeth Junius; zie III, p. 161 n. 9.

[p. 433]

 

ἀλλ᾽ ἡμεῖς οὐϰ ἀϑυμήσομεν.

 

οὔπω μῆνας ἄγων ἔϰαμ᾽ οὐϱανὸς οὐδ᾽ ἐνιαυτούς¹.

Tuus totus ut semper
H. Grotius.

1 Vgl. Theocritus Idyllia XVI, 71.