Briefwisseling van Hugo Grotius. Deel 3
(1961)–Hugo de Groot–
Auteursrechtelijk beschermd1175. 1627 september 26. Aan Willem de GrootGa naar voetnoot1.Dies sunt quinque aut sex, mi frater, cum ad te per patrem Intimam literas dediGa naar voetnoot2. Invenit is viduam inquilinam meae domus, quae ei undecies centum florenos credidit in libertatem filii, quem sibi generum destinat. Ea foemina nunc ex aedibus emigravit meis Intimam secum quasi suum jam captivum ducens. Adolescens ipse ut laetus reperta libertate, ita onus adjunctum videtur perhorrescere. Pater intra tres menses soluturum se ipsi promisit, quod ni fit, novus carcer juveni imminet nisi eum aut fuga aut matrimonio evadat. Et hoc quidem privatum. De publicis nihil sane magni. Duae rursum scaphae alimentorum aliquid in Castellum SanctimartinianumGa naar voetnoot3 intulere, rem non longae morae. Itaque deditio exspectatur eoque magis quod et Hispanica auxilia cunctantur et Gallicae naves tarde armantur. Abiit rex et cardinalisGa naar voetnoot4 in Rupellae obsidium, regina matre cum maxima potestate ad res regni relicta. De pace sermones non desunt, res nondum apparet. Fuit in castello obsesso SansurinusGa naar voetnoot5, nobilis Gallus religionis reformatae: qui ad permutandos captivos et id genus belli commercia in castris Anglicis fuit aliquoties; et cum frustra ToirasiiGa naar voetnoot6, qui castello praeest, jussu petiisset exitum foeminis et infantibus obsessis negante id BuchingamoGa naar voetnoot7 sed ita ut a pace generali non alienum se ostenderet, Toirasius autem respondisset regem a se consulendum, placuit Buchingamo propinquum quendam suumGa naar voetnoot8 ire cum Sansurino ad tentandum de pace regis animum; sed eum rex ut non a rege missum nec ab ipso Buchingamo ullas ferentem literas ad se admittere noluitGa naar voetnoot9, seu quod successus ille navicularum, quae in castellum penetrarant, addiderat animos, seu quod spes adversus Rupellam caetera infra se premebat. Quid ultra sit futurum caliginosa nocte premit DeusGa naar voetnoot10. Rex interim suorum damnis obviam it clauso mari, ut hoc edictoGa naar voetnoot11 doceberis. Quodsi pax coit, magna hic tentamenta promovendi mercatus ac navigationum, qua super re capta in parlamento deliberatio cum rebus aliis ad Sancti Martini diemGa naar voetnoot12 prolata est. Exemplaria HexabibliGa naar voetnoot13 tibi ac patri retine, da quoque tribus affinibus meisGa naar voetnoot14, Hoofdio quoque, optimo Vossio et IacchaeoGa naar voetnoot15. His addendus Heinsius, quia NonniumGa naar voetnoot16 ad me misit non religatum. Quae reatant | |
exemplaria hic suos invenient dominos. De Arcanis PapatusGa naar voetnoot1 iterum te rogo, ut et de Mantuano negotioGa naar voetnoot2 et IacchaeiGa naar voetnoot3. Puto enim jam quae cum SanthorstioGa naar voetnoot4 miseram ad te pervenisse, et quae deinde scripsi una cum literis ad Eliae Oldenbarneveldii filiumGa naar voetnoot5. Libros, qui nondum tibi occurrerunt, habuisse me memini, nisi quod Hispanicum dictionariumGa naar voetnoot6 alicui forte utendum dedi. De legibus maritimisGa naar voetnoot7 liber est in quarto caeruleo tegmine, Amstelodamensia statutaGa naar voetnoot8 in folio. Velim mittendis libris accedant, si id ante non monui, Keckermanni Systema PoliticumGa naar voetnoot9 et ThesesGa naar voetnoot10. Patri jam respondi, eas quoque literas per Oldenbarneveldium recipiet. Vale, mi frater, cum optimis parentibus et uxoreGa naar voetnoot11 atque amicis, mea quoque si apud vos est, cui nunc non scribo. 26 Septembris 1627. Tuus totus
|
|