Briefwisseling van Hugo Grotius. Deel 3

1159. 1627 juli 17. Aan Willem de Groot⁷.

Et patris et tuas, mi frater, literas accepi per D. Intimam⁸, cujus negotium juxta ac meum curabo. Iam ante et illas per Dimmerum⁹ et quae per Langeracensis¹⁰ scribam miseras recte acceperam idque jam monuisse me puto. De Heinsii Aristarcho¹¹ jam aliquid scripsi. Sunt sane multa non spernenda. Sed miror de Hexabiblo¹² nihil me audire. Hic enim urgeor. Quod nuper scripseram¹³, de addendis voculis aliquot ad disputationem adversus Mahumetistas, ubi de appellatione filii Dei agitur, re melius expensa revoco. Disputandum enim est ex confessis et Mahumetistae ascensum Iesu in caelum confitentur: reditum in vitam non agnoscunt, quin nec ipsum volunt in cruce mortuum nisi φανταστιϰῶς. Itaque maneat ut fuit. Losecatio¹⁴ opto fausta omnia. De Roterodamensibus aveo doceri, quid in posterum facturi sint. Vale, mi frater, cum tua¹⁵ tuisque. 17 Iulii 1627.

Tui amantissimus frater
H. Grotius.

7 Gedrukt Epist., p. 797.

8 Zie n^o. 1154, p. 138 n. 1.

9 Dirk Dimmer, raad van de prins; hij werd in de zaken van Orange gebruikt.

10 De gezant van den Boetzelaer.

11 Aristarchus sacer, sive ad Nonni in Johannem Metaphrasin Exercitationes; zie II, p. 391 n. 1. Zie ook n^o. 1156.

12 De Veritate religionis Christianae; zie Ter Meulen-Diermanse, n^o. 944.

13 N^o. 1156.

14 Frederik van Losecaat, gehuwd met Grotius' zuster Adriana.

15 Alida Graswinckel.