Briefwisseling van Hugo Grotius. Deel 3

1171. 1627 september 11. Aan Willem de Groot³.

Quas 8 Augusti ad me dederas literas, mi frater, trigesimo accepi. Responsum distuli, quia nihil certi erat, quod hinc nuntiarem, cum de castelli Sancti Martiniani obsidione⁴ plane contrarii spargantur rumores, ita tamen, ut credibiliores sint qui defendi diu posse desperant. Etiam febricula quaedam mea intervenit, qua nunc Dei ope liberatus sum.

Tibi pro perpetua rerum mearum cura summas habeo gratias, quibus hoc addas velim, ut perveniant ad me chartae librique, de quibus scripsi antehac⁵, et cum iis exemplaria bina Etymologiae et Syntaxeos. Nam quae habuit Petrus⁶ partim perdidit, partim abusus est. Siqua invenire aut retrahere potes farraginem librorum typis datorum duobus aut tribus non magnis voluminibus, quam mihi olim cum chartis Licestrianis utendam dederat Hottomannus⁷, erit id mihi gratissimum. Certe operam des rogo, ut per te fidem meam liberem. Miserant ad me nuper Oldenbarneveldii Eliae liberi litem Middelharnissianam⁸. Eam remisi cum commonitorio, quod qui describeret neminem hic habui. Itaque eos ad te allegavi, ut qui meam quamvis festinantis manum nosses. Hac quoque in re operam tuam imploro, ne unquam desinam oneri tibi esse: quasi vero parum sit quod de

3 Gedrukt Epist., p. 789.

4 Hiervan wordt in de volgende brieven bij herhaling gesproken.

5 N^o. 1163.

6 Zijn zoon Pieter.

7 Zie voor deze boeken en Leicersterse papieren I, p. 348, n. 4.

8 Zie n^o. 1156.

[p. 168]

Mantuano negotio¹ nuper te rogavi atque etiamnum rogo. Nam is, qui a me id desiderat, valde est amicus mihi. Romae lectio librorum meorum de Iure belli² cum permissa aliquamdiu fuisset, subito interdicta est, et simul Apologetici³ et Poëmatum⁴ excusantibus severitatem inquisitoriam Quiritibus, qui cum cardinali Barbarino⁵, literarum amante Lutetiae fuerant ac me viderant. At mea sane nihil interest, an Romae legar. In Gallia ejusmodi edictis non asscribitur bonum factum nec eorum ulla habetur ratio.

Iam nunc intelligo in armis esse Rohanium⁶ et in hoc laborare, ut civitatum studia sibi adjungat. Etiam Sabaudus⁷ cum Suessionensi comite⁸ temporibus imminere creditur. Multi et principis Condaei⁹ cum Espernonio¹⁰ colloquia formidant.

Literas has ad patrem rogo quamprimum cures.

Vale, frater optime, cum conjuge¹¹ et familia.

11 Septembris 1627.

Tuus animo non minus quam ortu frater
H. Grotius.

1 Zie n^o. 1166.

2 In 1625 bij Buon te Parijs verschenen; zie Ter Meulen-Diermanse, n^o, 565.

3 Zie II, p. 76 n. 1. Ter Meulen-Diermanse, n^os. 872 en 880.

4 Zie Ter Meulen-Diermanse, n^o. 1.

5 Zie II, p. 432 n. 5.

6 Zie n^o. 1059, p. 27 n. 5.

7 Carl'Emanuele, hertog van Savoye.

8 Louis de Bourbon, graaf van Soissons; zie ook n^o. 1094, p. 66 n. 12.

9 Henri de Bourbon, prins van Condé.

10 Zie n^o. 1080, p. 55 n. 7.

11 Alida Graswinckel.