Briefwisseling van Hugo Grotius. Deel 3

1080. 1626 juni 23. Aan Willem de Groot³.

Video, mi frater, turbari iterum literarum commercia, quo magis captanda nobis omnis colloquendi occasio.

Redit ad vos viri nobis amicissimi Quirini Stridenii⁴ filius, cui quod non aliqua in re utilis esse potui, valde mihi dolet. Maximi enim facio, tum patrem ipsius, tum optimam juvenis indolem.

Hic iterum omnia in fermento sunt, captis post Ornanum⁵ et socios fratribus duobus Vendocinensibus⁶, quorum minor tanta arte deceptus est, ut fratrem ipse deceperit et pertraxerit in casses, quibus pariter irretiretur. Creduntur participes fuisse illius consilii, cujus nomine capti sunt alii; sed maxime ei nocuit praefectura Armorica ad res gerendas oportuna, ubi et validas sibi affinitates conciliabat. Espernonius⁷ itidem suspectus creditur non commissurus, ut capi possit, neque magis comes stabuli⁸. Vides hic edictum, quo exceptis frugibus commercia Galliae cum Hispano restituuntur. Rogo id lectum transmittas ad affinem nostrum Iustum Brasserum⁹ Amstelodamum, siquid forte ipsius intersit de eo moneri.

Valemus hic recte, uxor tantum mediocriter. Rogo optimis parentibus, sorori¹⁰ et marito, uxori tuae et amicis salutem a nobis impartias.

3 Gedrukt Epist., p. 791.

4 Quirijn van Strijen; zie II, p. 454 n. 8. De zoon is Mr. Cornelis van Strijen (1604-1679).

5 Zie n^o. 1075, p. 49 en n. 8 aldaar.

6 Zie n^o. 1078, p 54 n. 6; zie ook n^o. 1081

7 Jean Louis de Nogaret de la Valette, hertog van Epernon; zie II, p. 326 n. 2 en p. 224 n. 7.

8 François de Bonne, duc de Lesdiguières.

9 De Amsterdamse koopman Joost Brasser (geb. 1581).

10 Adriana (1592-1639), in 1614 gehuwd met Frederik van Losecaat.

[p. 56]

Lutetiae 23 Iunii 1626.

Literas has ad Mylium¹ cures rogo.

Tui amantissimus frater
H. Grotius.

1 Misschien Abraham van der Myle; dan zou de bedoelde brief een, overigens wel wat laat, antwoord kunnen zijn op n^o. 1045.