Briefwisseling van Hugo Grotius. Deel 3

1075. 1626 mei 21. Aan Willem de Groot¹.

Literas, mi frater, tuas, quas 11 et 26 Aprilis scripsisti, hodie demum accepi. Ego pro certo habeo, quod scripsi antehac, mearum aliquas ab Arsenio² interceptas. De Arsenio quod scribis non miror: ipse cum huc primum veniret, praedicaverat nunquam se initurum fuisse pacta, qualia Pavo³ cum collegis inierat. Accepit ipse conditiones duriores et egregie a se rem curatam jactavit. Aveo scire, quid de alligendis in nobilitatem et reis Thalassicis⁴ sit futurum. Pierianam orationem⁵ non vidi. De Mylio⁶ displicet exemplum: neque minus quod regentium auctoritas hebescit ad insaniam eorum, qui regi debent. Haec desidia malum dabit. Debyaeo⁷ gratulor. Significavi nuper datos hic in carcerem marescallum Dornanum⁸ et alios aliquot interioris apud fratrem regium⁹ admissionis. Quid de illis futurum sit, ignoratur. Fit nunc in ipsorum archiva inquisitio. Pax cum Hispano magis magisque firmatur. Stat et altera cum Rupellanis. Cardinalis Riceliacus rerum potens laborat, ut Galliam viribus maritimis instruat. Itaque navigationes, commercia, advenarum invitamenta molitur et me quoque per hos dies ad se venire jussit in domum Lemursiam, ubi nunc agit. Advectus eo sum carruca Defiati¹⁰, qui Espessii¹¹ uxoris sororem in matrimonio habet. Dixi quae mihi ad rem pertinere videbantur¹². Spes hic est aliquos romanensis religionis ex nostris

1 Gedrukt Epist., p. 790.

2 Fr. van Aerssen.

3 Adriaan Pauw, die het subsidieverdrag van Compiègne in 1624 gesloten had.

4 Zie n^o. 1067, p. 39 n. 10.

5 Zie n^o. 1032, n. 5 (II, p. 491).

6 Cornelis van der Myle; zie II, p. 461 n. 1.

7 Waarschijnlijk de tresorier-generaal Joris de Bie.

8 Jean Baptiste d'Ornano, comte de Montlaur, maréchal de France (1583-16 september 1626).

9 Gaston, hertog van Orléans; zie n^o. 1081, p. 56 n. 6.

10 Markies d'Effiat; zie n^o. 1061, p. 29 n. 10.

11 Zie II, p. 334 n. 3; zie ook II, p. 412 n. 7.

12 Zie voor deze aangelegenheid n^o. 1137, p. 117 n. 3.

[p. 50]

et Brabantiae partibus huc posse traduci. Sane beneficia magna advenis indulgentur. Dordrechtanis, quos nostri meminisse pater scribit, gratias ago maximas.

Vale cum parentibus et amicis.

Lutetiae 21 Maji 1626.

Pierianam orationem¹ postquam haec scipseram accepi: οὐδὲν μέγα Scripserat mater consultum fore, ut uxor et ad vos veniat. Ego ejus praesentia non libenter careeo. Nque aant. amamus sumtus inutiles. Quare siqua causa est satis gravis, ejus certiores fieri nos oporteret, ut quid ex re est statuamus.

Tui amantissimus frater
H. Grotius.

1 Zie no. 1032, n. 5 (II, p. 491).