Briefwisseling van Hugo Grotius. Deel 3

1082. 1626 juni 26. Aan Willem de Groot¹¹.

Gaudeo, mi frater, non ita turbata esse literarum commercia, quin aliquid a

11 Gedrukt Epist., p. 791.

[p. 57]

vobis accipiamus. Deo gratias ago pro restituta patri valetudine. Matri ac sorori¹ tantundem opto.

Ad scytalica vestra respondi². Puto jam ad manus vestras pervenisse literas. Melissaei³ judicium de rebus nostris velim intelligere. Meus animus in Germaniam propendet.

Hic regnant regina mater⁴ et cardinalis Riceliacus captis nuper fratribus Vendocinensibus⁵, quorum minor ita callide deceptus fuit, ut fratrem in laqueos perduxerit, quibus jam pariter tenentur. Sapientior Espernonius⁶, quem vestigia terrent⁷. Suspectus est et comes stabuli⁸ se iis consiliis miscuisse et nunc miscere negotio Poussiniano. Puto scripsisse me antehac⁹ id oppidum in alta pace bellica ausum in regem.

Evenit, ut hoc ipso tempore, cum abiturus esset ad vos hic tabellarius, ad me deferrentur aliquot exemplaria libri nunc a me editi¹⁰. Ea hac occasione, ne pereat, ad vos mitto, alia compacta exspecto, quae ad te et proximos mittam, ubi primum potero. Misit Buonus¹¹ per hunc tabellarium pro se aliquammulta ad Elzevirium¹² et Mairium¹³. Si qui alii in aliis urbibus desiderant, poteris iis dare. Puto pretium esse IV florenos; de eo, quod rediges, deduces tabellarii mercedem, duos stufros in quamque libram. Quid de Thalassicis¹⁴ et supplemento nobilitatis futurum sit, scire aveo. Item de caetibus Roterodami, Brilae atque alibi.

Rogo optimis parentibus, uxori tuae, sorori et marito atque amicis aliis salutem nunties et officia omnia deferas a me et conjuge. Valete.

26 Iunii 1626.

Rogo D. Vossio me excuses: nolui illi incompactum exemplar mittere, erit inter eos, quibus compacta mittentur. Cornelium nostrum¹⁵ bene proficere gaudeo. Memineris in hac fasce libros omnes esse chartae optimae sex solis exceptis. Rogo etiam ex Lamairio¹⁶ explores, an ipsi lubeat edere Phaenisaas Euripidis¹⁷ a me emendatas ex mss. et versus Latine cum praefatione continente descriptionem virtutum tragicarum.

Tuus tui amantissimus frater
H. Grotius.

1 Adriana; zie n^o. 1080, p. 55 n. 10.

2 Zie n^o. 1077, p. 53 en n. 8 aldaar.

3 Joris de Bie.

4 Maria de Medici.

5 Zie n^o. 1078, p. 54 n. 6.

6 Zie n^o. 1080, p. 55 n. 7.

7 Horatius Ep. I, 1, 74.

8 De hertog van Lesdiguières; zie n^o. 1080, p. 55 n. 8.

9 N^o. 1078.

10 Excerpta ex tragoediis et comoediis Graecis tum, quae extant, tum quae perierunt; emendata et Latinis versibus reddita ab Hugone Grotio, in 1626 bij Buon uitgekomen. Ter Meulen-Diermanse, n^o. 468.

11 De Parijse uitgever.

12 Vermoedelijk de Leidse boekverkoper B. Elzevier of diens neef Abraham.

13 De Leidse uitgever Jean le Maire.

14 Zie n^o. 1067, p. 39 n. 10.

15 Zie n^o. 1072, p. 47 n. 2.

16 Zie boven, n. 13.

17 In 1630 te Parijs bij Jac. Ruart verschenen; zie Ter Meulen-Diermanse, n^o. 496.