Brabbeling (1614)

Studie-uitgave met inleiding, annotaties en commentaar

Hier volghen de ghedichten⁺
die by den Autheur, noch by H. L.
Spieghel niet bekent zijn: dan heb die hier
by gevoecht om datse in't oncorrecte Leytse
⁺exemplaer staen, die moocht ghy nemen
op u eyghen oordeel.aant.

Anon.1aant.

Hillegont heeft een Man gaen trouwen,
Met groot goet, soo hy heeft gheseyt:
Om den derden dach wast haer wel negen mael berouwen,
Want hy had al zijn ghelt aen lijf-renten gheleyt:
Nu crijchtse niet in de hant goed meyt
Dan dor vleysch en ledighe fuycken:
Want sy can haer Mans goedt tot haer wil niet ghebruycken.

+ p. 218

+ 5

Anon.2aant.

Een Meysken Amoreus naest Venus gheleken,
Fraey ghemaniert, minnelijck int spreecken,
Wel gheschickt van wesen, van lijf, van leden,
Eerbaer, beleeft, seer soet van sanck,
Dees vryde Lambert teghens zijn danck,
En heeft hem tot een Man ghebeden:
Ick wil u (sprac hy) wel hebben, maer derf u niet trouwen,
Want ick sorg dat ick u alleen niet sou kunnen houwen.

Anon.3aant.

Is Hans een fraey en Abel gesel,
Dan datmen de g uyt moet wryven,
Bewysen dat zijn manieren wel,
Stoort hy hem dat ghy't ginckt schryven?
Maer wilt ghy hem hier in gheryven,
Op dat hy t'efter te bet mocht weten,
Soo moochdy liever de g vergheten.

Anon.4⁺aant.

Jan claechde Lijs zijn quaet avontuere,
Hoe hy van den Turck eens was ghevanghen,
En gheleden hadde voor yet soets veel suere,
Ghegeesselt, ghepijnicht, en half ghehanghen:
Jae, (sey Lijs) ey seght doch, ick hebs verlanghen,
Hoe leeftmen met de Vroukens die in ghevanghens noot,, zijn?
Die kustmen soo langhe aen haer roode wanghen,
Tot dat sy heel en gants doot,, zijn.
Och dat verdriet (sey Lijs) moet te groot,, zijn:
Niettemin, sy sullen wederom voor druck vreucht verwerven:
Och die soo mocht voort Christen gheloof sterven.

+ p. 119 [= 219]

Anon.5aant.

Lammert noemen my al de luyden,
Voor een Lammert sietmen my over al aen,
De kinderen die roepen Lammert, wat moet het beduyden?
Jae wat Lammert, ten crayde noyt Haen:
Immers isser niet lams aent lijf, soo ick waen,
Hoe wel de naeste vrienden mijn soo de naem gheven,
Jae dat meer is, mijn eyghen wijf, al macht niet wel staen,
Seyt Lammert: Oock Vaer en Moeder seyt daer beneven,
Ghy zijt Lammert gheboren, en Lammert ten doop gheheven,
En Lammert suldy sterven, dies was ick beschickere,
Och, al heeft een Wyse toecomende dingen beschreven,
Is hy daerom een beschuldigher verclickere?
Hoo, neen: Men heet Dirck Duyvel ten is daerom gheen Nickere.

Anon.6aant.

Timmermans naghelen maecktmen mee vast,
Apteeckers naghelen eetmen dickwils daermen brast,
De Smit vercoopt zijn naghelen om gheldeken glat,
En Hans hout zijn naghelen en clout zijn gat.

Anon.7⁺aant.

Mieuwes ghy maeckt oock Veersen op zijn maet met voeten,
Des wilt ghy datmen u voor een Poeet sal groeten:
Maer die Ver doet al veel meer, Mieuwes, dat ghy't weet,
Die maeckt levendige Veersen, noch is hy geen Poeet.

Eynde des Boecks.

⁺

aant.

+ p. 220

+ p. [225]