|
| |
De Winter is voorby, de Somer ghenaeckt,
Het onweer is ghestilt, en tot ruste gheraeckt,
De reghen is over, de Son is schynende:
Desperacy heeft my heel onrustich ghemaeckt,
5[regelnummer]
Tusschen hoop en vreese heb ick langh ghehaeckt,
Troostloos nae troost my selven pijnende:
Deur twyfelachtich mistrouwen by nae verdwynende,
Ghestadelijck quynende,, sonder confoort:
Nu is de Liefste dit pack ontbynende,
10[regelnummer]
En gunt my uyt ghenade haer accoort:
Dies verdwijn ick van vreuchde schier rechte voort,
En seg, nu sy my dus comt gherieven:
T'soet smaeckt wel nae't suer, t'verlanghen doet wel lieven.
| |
Soo menich mensch alsmen ter Werelt vint,
Soo menich isser verscheyden ghesint:
Een wijs en voorsichtich Man,
Hem nae veelderley seden schicken can.
| |
Een vry, ledich, gherust ghemoet,
Sult ghy buyten u niet verwerven:
Het quaet begeeren van u doet,
Soo moocht ghy vrede in't hert beerven.
| |
| |
Ghestadighen arbeyt cant al verwinnen,
T'volherden brenght alle dingh ten endt:
Deur de tijt, deur ernst, en ghestadich minnen,
Soo raeckt menich Vryer uyt zijn ellendt:
5[regelnummer]
Deur de tijt wortet hier al om ghewent,
Deur de tijdt verloopen stonden en Jaren,
Deur de tijdt heeft sy my haer troost ghesent,
Die my eertijts met ontroost gingh beswaren:
Dus neemt de tijt waer, wilt u niet vervaren,
10[regelnummer]
Al schijnt u deurt vertreck alle troost te ontsyghen,
Hout volstandich aen, wilt dit woort bewaren:
Men seyt ghemeenlijck dat aenstaen doet vercryghen.
| |
Des nakenden ouderdoms weest ghedachtich,, altijt,
Soo en laet ghy gheen stonde te vergheefs passeren,
Terwijl ghy tijt hebt niet slofachtich,, en zijt,
Maer leert en ghebruycktse in u jeuchts floreren:
5[regelnummer]
Want ghelijck des waters vloeden descenderen
Alsoo gaen de jaren snellijck voort aen:
En gelijck ghy gheen water moocht doen wederkeeren,
Soo en comt gheen uur weder die voor by is gegaen:
Dus hebt acht op u tijt, wiltse gade slaen:
10[regelnummer]
Want seer haestich verloopen u stonden en jaren,
En volghen nae soo goet niet, als d'eerste waren.
| |
Laet de Schippers en Bootsluy Neptunum eeren:
Laet de Crijchsluy Marti sacrificeren:
Laet de Waersegghers Phebo dienen playsant:
Laet de Jaghers Dyanaes eer vermeeren:
5[regelnummer]
Laet de Constenaers Minervam adoreren:
Laet de Boeren Cereri en Baccho doen offerhant:
Laet de Princen en Ridders int gantsche Lant,
Castors en Pollux eere betrachten:
Ick wil u Venus en Cupido nae mijn verstant
10[regelnummer]
Eeren en dienen met al mijn crachten:
Dus wondt oock mijn Liefken met uwe schachten.
| |
| |
Cupido voor de doodt onsacht,
Behoedt mijn, en gheeft my voorspoet:
Mijn voorspoet ghevende, neemt u schacht,
En schiet de ghene die't my doet:
5[regelnummer]
Haer schietende gheeft ghy my moet,
En ick sal vervolghen haer presentie.
By haer zijnde, sal u dienaer vroet,
Alsoo volbrenghen zijn intentie.
| |
| |
Door t'kint,, van minnen,, heel in turbatie:
En smert,, ghenaeckt,, met lamentatie:
Aen stucken,, ryen,, door inflammatie
Ick win,, onspoet,, en tribulatie:
10[regelnummer]
Bynaest,, dit ken ick,, in desperatie:
Ontbloot,, mijn schier,, tot deser spatie,
Ick swicht,, nu even,, gheen recreatie,
15[regelnummer]
Of eenighe gratie,, en mach ick verwerven:
Troost ghy my niet Lief, soo moet ick sterven.
| |
Nu heb ick tijt en stondt betraept,
Om mijn Heer te senden ter jachte,
Een ander by mijn Liefken raept
De vreucht die ick daer door verwachte.
5[regelnummer]
Alsoo ghy Ossen sterck van crachte,
En werckt ghy niet voor u alleyn:
Alsoo ghy Schaepkens vet en sachte
Draecht ghy de wol oock int ghemeyn.
Alsoo en hout ghy Voghelkens cleyn
10[regelnummer]
Voor u selfs noch ey noch kuycken:
Alsoo en moocht ghy byekens reyn,
U eyghen honich niet ghebruycken.
| |
Waerlijck ghy zijt schoon en wijs,
Comt u de gulden appel schoone,
Ende oock eer deuchden croone,
| |
Ghy jongh Schutterken wilt u wachten
Haer aen t'herte te gheraken:
Want u brant sou sy versaken,
| |
Onder haer vriendelijck ghelaet
Mocht wel wreetheyt zijn bedeckt:
Want dickwils by reyn rooskens steckt,
| |
Ghy ghelijckt dattet niet en scheelt,
Om dat ghy bey hebt twee bruyn ooghen,
Om dat ghy bey sonder meedooghen,
| |
Ghebruyckt jolijt,, terwijl ghy zijt,
Want d'ouderdom siet,, comt met verdriet
| |
Sp.[2.18]
Het lof van dansen.aant.
Verscheyden luy prysen verscheyden hanteringe,
Sommige wijsheyt, const, ofte goede leeringe,
Andere prysen vechten, stormen en schansen,
Het lof der sotheyt hoortmen oock verbreen,
5[regelnummer]
Eenighe prysen een kercker of een blaeuwe scheen:
Comt hier en hoort het lof van dansen.
Langh heb ick ghetwyfelt of ick't sou verswyghen,
Want men can haest deur spreken hinder cryghen:
Oock ist een sware last voor mijn swacke schoud'ren,
10[regelnummer]
Om nu te bewysen bey voor leeck en clerck,
Dattet dansen is een pryselijck werck,
En datmen eerlijck ghedanst heeft by den Oud'ren.
Menich acht nu het dansen voor quaet en voor sonde,
Dus sal haer vreemt duncken t'geen dat ick vermonde,
15[regelnummer]
Als poghende quaet oft sonde te prysen:
Waer sonde of quaet in haer opiny gheleghen,
Soo had ick hier gantsch niet te segghen teghen:
Nu meen ick met reden contrary te bewysen.
20[regelnummer]
Is goet of quaet, of gheen van beyden niet:
T'quaet canmen gheensins tot goet ghebruycken,
Maer blijft quaet: jae oock wie dattet doet,
Ende wort nemmermeer middelbaer of goet:
Want men can uyt gal gheen heunich suycken.
25[regelnummer]
Het middelbaer dat is goet of schadelijck,
Nae des gheens hert die daer werckt dadelijck,
Hier onder hoort het dansen en springhen:
Of onder't goet datmen oock tot quaet can keeren,
Hoe wel dat rechte goetheyt niet can varieren,
30[regelnummer]
Nochtans is t'meeste misbruyck in de beste dinghen.
Christus Gods ware goetheyt onghemeten,
Wort selfs een steen des aenstoots gheheten.
In't salich Paradijs creech Adam smert.
Judas heeft tot zijn bederf Christum ghegheten.
35[regelnummer]
Caims gheveynsde Godsdienst wort hem verweten:
Dus leyt het rechte quaet in s'menschen hert.
Ist dansen om't Calf der Israeliten kinderlijck?
Was Herodias dansen Joanni hinderlijck?
Salmen schadelijck houden hun beyder daet?
40[regelnummer]
Wijt dat het dansen niet menichvuldich,
Maer den quaetdoenders self die zijn schuldich:
Haer dansen had anders niemant gheschaet.
t'Dansen in hem selven dat is seer pryselijck:
Met dansen loofde David God jolyselijck,
45[regelnummer]
En ghebiedt ons met dansen Gods lof te verbreden.
Moses Suster heeft Gods lof gedanst en gesprongen.
Israel heeft haer victory dick ghedanst en ghesonghen:
Dat het dansen niet quaet is, volcht uyt dese reden.
50[regelnummer]
Met dansen loofdense God in hun verblyen:
t'Dansen heeft met de menschen begin ghenomen:
De dwalende Sterren in't Firmament,
Houden haer tret in't veranderen jent:
Dus seytmen ist dansen vanden Hemel ghecomen.
55[regelnummer]
Is het dansen dan een teecken van victory?
Maecktet heerlijck, en verbreytet Gods glory?
Ist ghebruyckt van den Ouden, Vromen en Wysen?
Heefter Israel Gods lof door verbreet?
Ghebietet ons de Schrift te doen met bescheet?
60[regelnummer]
Segt, waerom salmen't nu dan misprysen?
De Schrift ghebiedt onder andere saken,
U met gheen dansersse te maken,
Dit heeft men nu altoos inde mont met vlijt:
Maer ist gheen Dronckaert die zijn nootdruft drinckt?
65[regelnummer]
Ist gheen Musijcker die nae luste singt?
Soo ist oock gheen danser, die danst op bequame tijt.
Alle Const voorwaer gheen meerder vyandt heeft,
Als die, die van de selfde gheen verstandt heeft:
Dits een out spreeckwoort, en seker warachtich,
70[regelnummer]
Dattet dansen is een eerlijcke exercitie,
Diemen wel ghebruycken can sonder malitie:
Dat blijckt aen alle dese reden eendrachtich.
Het dansen had by onse Voorouders sulcke cracht,
Dat Cicero Roscium dapperder acht,
75[regelnummer]
Om t'volck te beweghen door zijn dansen aerdich,
Als hy door cloecke reden, zijnde een Oratoor:
Want het ghesicht is veel crachtigher als t'ghehoor:
Is dan het wel dansen niet seer eerwaerdich?
80[regelnummer]
Dattet oock den treurighen can maken bly:
In't dansen canmen veel brenghen te weech,
Door ghesicht, beweging, en handen douwen:
De vrome ghebruycktet op eer en trouwen:
En de quade doet gheen goet werck te deech.
85[regelnummer]
De Romeynen in haer feesten te dansen pleghen,
t'Ghebruyck haddense van de Hetruscis ghecreghen:
De voornaemste in Thessalonia dansten al om:
De Lacedemoniers hebben seer op't dansen ghepast,
Datse oock op't spel ten oorloch traden vast:
90[regelnummer]
Hier af comt noch inde krijgh pijp en trom.
In Delos gheen Godsdienst sonder dansen was:
Salii de Roomsche Priesters dansten op haer pas,
In hun Godsdienst religioos en prelatich:
Plato heeft self in't dansen wetten ghestelt:
95[regelnummer]
Dus ghy swijcht vry, die u hooft daer me quelt:
Want al dit volck heeft gedanst manierich en statich.
Merione was voor Troyen onder de Griecken befaemt,
En door zijn wel dansen hooch vernaemt.
Thymele schrijftmen heeftet dansen eerst opgebracht:
100[regelnummer]
Neptholemus wert door zijn dansen hooch geeert:
Socrates heeft in zijn ouder self dansen gheleert:
Van desen ist dansen een loflijck werck gheacht.
Het dansen scharpt de memory van binnen:
t'Maeckt voorsichtich verstant, en snelle sinnen:
105[regelnummer]
t'Leert elck vlytich op zijn doen acht,, hebben:
t'Maeckt het lichaem ghesont, en snel de leden:
t'Leert de voeten vast en seker treden:
Dus comt datter d'Ouders seer na getracht,, hebben.
110[regelnummer]
Achten dat de Goden sulcken hoochlijck vereerden:
Dien sy jonden de gave om wel te dansen.
Castor en Pollucx zijn constighe dansers gheweest:
Oock Orpheus en Museus, alsmen noch leest:
Dese zijn al ghecroont met Laure cransen.
115[regelnummer]
Want sy brochten de menschen daer door tot tuchticheyt,
Tot maticheyt, wackerheyt, en tot Godsvruchticheyt:
Instellende in haer Godsdienst dansen en springhen:
Want in't dansen moetmen zijn voorsichtich,
Op de passen achten vaerdich en lichtich:
120[regelnummer]
En men moet wel maet houden in alle dinghen.
Maet in alle dinghen wort immers hooch gepresen,
Maer bysonder hier in moet goe mate wesen,
Of spel en dans is moeyte verloren:
Conden ons teghensprekers sulcke mate houden
125[regelnummer]
In't berispen, als wy in't dansen, seker sy souden
Ons niet meer quellen, noch haer self verstooren.
t'Dansen dan is een verheuchlijck tijt-verdrijf,
En t'helpt menich jongman aen een wijf:
De ervarentheyt doetet mijn prysen eerlijck:
130[regelnummer]
Want wilmen de jongheluy hier van ontryven,
Segt, waer me sullense doch den tijt verdryven?
Dat soo goet sal zijn, soo tuchtich, soo eerlijck?
Sullense drincken dat haer de ooghen puylen?
Sullense elck in een hoeckgen sitten en pruylen?
135[regelnummer]
Sullen sy slordighe raetselen gheven uyt?
Sullen sy achterclap van anderluy spreken?
Sullen sy beschimpen malcanders ghebreken?
Of sullen sy altijt singhen even luyt?
140[regelnummer]
Op dat elck ander mach leeren kennen:
Wat ander tijdt verdrijf salmen haer stellen ter hant?
Onse Voorouders en zijn gheen kinderen gheweest,
Dese presen het dansen in een vrolijcke feest:
Nu wilment bykans achten voor schant.
145[regelnummer]
Dat eenighe Outvaders t'dansen verboden,
Dat was op die tijt hooch van nooden:
Want de Pantomimii als lichte guyten,
Brachten alle zedicheyt daer door te niet:
Nu machmen t'ghebreck helpen datter gheschiet,
150[regelnummer]
En daerom de speelluy de mont niet sluyten.
Wilmen de dansen nu niet toe laten al,
Den ronden dans moetmen ghedoogen in allen geval,
Daer een voor singht een Liedeken pryselijck:
Want dat is een manier van een ray:
155[regelnummer]
Diemen van outs ghebruyckt heeft eerlijck en fray,
Diese dan nu sou verachten, die deed' onwijslijck,
Want als Israel de Egyptenaers verdroncken sagen:
Als Goliath de Reus int velt was verslaghen:
Als Jephtha zijn vyanden met cracht bedwangh:
160[regelnummer]
Als Davidt de Philisteen d'Arck had benomen:
Als de verloren Soon was weder ghecomen,
Hebbense allegaer vrolijck ghedanst met sangh.
Machmen over t'misbruyck met reden claghen,
Worttet veel onrecht ghebruyckt in onsen daghen,
165[regelnummer]
Tot dertelheyt, ydelheyt en tot lichticheyt,
Wilt vry t'misbruyck met reden straffen,
Wilt helpen reformacy int dansen schaffen,
Datment mach eerlijck ghebruycken tot stichticheydt.
170[regelnummer]
Eenighe dansen verboden, en andre gheleert:
Oostwaerts wordense nu noch al niet toe ghelaten:
In alles comt misbruyck metter tijt,
Men sie toe datmen dat vermijt,
En daerom salmen niet alle de Dansers haten.
175[regelnummer]
Hier sou noch wel veel meer te segghen vallen,
Maer mijn mont is moe, ick can niet meer kallen,
Daer is ghenoech gheseyt, diet wil verstaen,
Het onmanierich dansen wil ick niet prysen:
Maer ick heb alleen hier willen bewysen,
180[regelnummer]
Datmen wel eerlijck te dans mach gaen.
Eynde van't Lof van dansen.
|
|
Auteursrechtelijk beschermd