Oeuvres complètes. Tome VI. Correspondance 1666-1669

N^o 1514.
N. Heinsius à Christiaan Huygens.
13 janvier 1666.

La lettre se trouve à Leiden, coll. Huygens.
Elle est la réponse an No. 1458.

Christiano Hugenio Viro Nobilissimo Nicolaus Heinsius S.P.D.

Plus permisi, fateor, mihi, quam aut tua in me merita aut necessitudinis nostrae lex sacrosancta exigebant ac patiebantur, Christiane nobilissime, qui ad tuas omni eruditionis & benignitatis nectare conditas tam serus nunc rescribam. Sed malui procrastinare officium, quam intempestive rerum mearum satagere: Interceptis per militem Monasteriensem plerisque harum epistolarum, quas cum ad proceres nostros publice tum privatim ad amicos trinis proxime elapsis mensibus exaravi. De Cometa tamen quicquid observationum litteris adieceras¹⁾ communicare cum Stanislao Lubienietz Equite Polono, non intermisi²⁾, uti ex ipso cognovisse jampridem potes, compellavit enim & ille te³⁾ per litteras, ni fallor, ex Hamburgensi, in qua larem fixit, civitate. Is congessit argumenti cometici haud pauca partim proprio Marte concinnata partim labore alieno, epistolis maiorem partem comprehensa, quae omnia typis Batavicis jam describuntur⁴⁾. Contulerunt huc operam

1) Consultez la pièce N^o. 1459.

2) Consultez la Lettre N^o. 1487.

3) Consultez la Lettre N^o. 1490.

4) Heinsius parle ici du ‘Theatrum Cometicum’, qui fut imprimé en 1668, à Amsterdam, par Franciscus Cuperus.

[p. 4]

suam Mathematici nostrorum temporum celebriores ex Italis, Gallis ac Germanis. Quare & tibi per me conciliari voluit, & lucubrationis tuae quae accepta mihi retulit collectaneis hisce suis inserere, quod te non nolente fieri existimo. Apparebit in eodem opere epistola eiusdem argumenti luculenta atque operosa, quam Olaus Rudbeckius ad me dedit⁵⁾, & lente admodum confecit, ut fieri ab his amat, qui solent πολυπραγμονεῖν. Nam & rei herbariae impense studet, & anatomicis, & alijs praeter haec negotijs is idem Rudbeckius. Ego, ne plane ἀσύμβολος ad hunc convictum accederem, Musas advocavi⁶⁾, sed claudicantes, ut appareret invitas propelli. & tamen audio, epistolas nescio quas ex meis huic operi inserendas⁷⁾ fore, quod non fieri equidem mallem.

Illustri Parenti tuo reditum⁸⁾ ad suos, & rem feliciter pro magni Principis exspectatione confectam⁹⁾ gratulari iam pridem debebam, sed differo scriptionem, dum tela poematum meorum detexatur. Quando & exemplar libelli ad te est perventurum. Nam de Claudiano quin mandati memor fuerit Elzevirius, iterum ex illo per me monitus, vix dubito. Qualiacumque illa sunt, quae frater tuus Ludovicus ex codice Metamorphoseon Ovidianarum Escuriacae bibliothecae annotavit, non ingrata mihi fuissent. Inde enim coniectura fieri potuisset, quid de ipso codice deberem mihi promittere: cum pervetusta Nasonis exemplaria in bibliothecis priscis, ut alias monui, raro admodum occurrant, cuius notae Escuriacum illud esse intelligo.

De Cartesij monumento sepulchrali egit mecum Eques Terlonius¹⁰⁾, Regis Christianissimi Orator, iam non semel. Auctor illi eram, ut ipsum cadaver τοῦ πάνυ hinc auferendum, & in Gallias mittendum curaret¹¹⁾ cui consilio manum a se dandam fore est pollicitus.

Vale, nobilissime Hugeni, & feliciter rem age.

Exarabam Holmiae Suecorum A^o. ciƆiƆclxvi ad diem iii Januarii Juliani.

5) Voir dans le Theatrum Cometicum, à la page 348, cette longue lettre de Ol. Rudbeck à N. Heinsius, datée du 11 août 1665.

6) Consultez, au commencement du Theatrum Cometicum, son poème:
Ad Nobilissimum eruditissimumque Virum Stanislaum Lubieniecium, Equitem Polonum, exactas observationes molientem Scazon.

7) La correspondance entre St. Lubienietzki et N. Heinsius occupe les pages 253-346 du Theatrum Cometicum; elle commence le 12/22 novembre 1664, finit le 6 avril 1666, et comprend 52 lettres de N. Heinsius et 65 de Lubienietzki.

8) Constantyn Huygens, père, revint de son long voyage à la fin de septembre 1665.

9) Il s'agit du rétablissement de la principauté d'Orange. Consultez l'ouvrage cité dans la Lettre N^o. 1191, note 11.

10) Sur H. de Terlon, voir la Lettre N^o. 1284, note 7.

11) Ce transport eut lieu, en effet, par les soins de de Terlon. Deux personnes accompagnèrent le cercueil, qui traversa le Danemark, l'Allemagne, la Hollande et les Pays-Bas espagnols, entra en France par Péronne, et fut déposé, au commencement de l'année 1667, dans une des chapelles de l'église paroissale de St. Paul à Paris. La translation s'en fit le 14 juin 1667 à l'église de l'abbaye Ste Géneviève où, le lendemain, les restes de Descartes furent inhumés dans un service solennel.