Oeuvres complètes. Tome V. Correspondance 1664-1665

N^o 1239.
R. Moray à Christiaan Huygens.
4 juillet 1664.

La lettre se trouve à Leiden, coll. Huygens.
Elle est la réponse au No. 1238.

A Whitehall ce 24 Juin 1664.

Monsieur,

Vostre arriuee en bonne santé chez vous m'a esté une nouuelle tresagreable quoy qu'a la verité Je naurois pas esté moins aise de vous auoir veu icy auec Monsieur Vostre pere. maintenant que vous reprennez les affaires qui faisoyent Vostre occupation, apres une si longue interruption, il me sera aussi permis de recommencer mes solicitations¹⁾ pour ces traittez que vos amis, et tous les sçauans ont

1) Consultez la Lettre N^o. 1102.

[p. 79]

si long temps attendus puis qu'il ne vous reste plus dexcuse pour les diferer d'auantage.

Quelque fasché que J'aye esté de la perte de Vostre pacquet Je m'en console a present, veuque le stile de Vostre derniere a Monsieur le Comte de Kincardin me plaist fort, et l'autre, pour vous dire franchement, ne m'auroit pas agreé. Je ne suis point du tout amy des débats qui sont entre mes amis, pour quelque suiect que ce puisse estre. Maintenant que cettuy cy est uuidé il est temps de voir ce que nous auons à faire, aussi tost que Jauray responce de Monsieur le Comte de Kincardin, nous prendrons nos mesures en toutes choses. Jay eu vostre pacquet²⁾ comme J'allois escrire en Escosse, et luy enuoyeay la vostre l'heure mesme que Je l'ay receuë.

Jl n'est pas necessaire de rien adiouster a ma derniere³⁾ touchant la Machine puisque nous pouuons auoir la patente quand nous voulons, et que ce seroit chose desraisonable que de la vouloir establir icy, si elle ne sestablit point en France; Cest a dire si lon trouue qu'il ne vaut pas la peine dy penser. il est vray que nonobstant qu'il ne m'a pas semblé impossible de rendre la chose encore plus utile qu'elle n'est, Je ny ay pas voulu penser deuant que de voir si linuention reussit en france, ou non.

Aussi tost que les fragmens Astronomiques de Monsieur Horox seront par les soins de Messieurs Wallis et Wren⁴⁾, mis en estat de voir le iour Je crois q'on les fera imprimer: mais comme qu'il en soit vous en aurez copie, sil est en mon pouuoir de la procurer.

Je vous envoyeray ce petit traitte⁵⁾ de ce Roy Persien⁶⁾ qu'a publié Monsieur Greuius il y a 6. ou 7. ans. Mais quant a cet autre⁷⁾ que nous faisons traduire, nous desirons plus tost que le tout soit imprime ensemble, que den imprimer seulement ce Chapitre qui regarde les estoiles fixes, comme nostre Secretaire a fait scauoir a Monsieur Heuelius. estant resolus de le faire imprimer tout entier icy l'original d'un costé et le latin de l'autre, si Monsieur Heuelius ne le veut point entreprendre, comme Je pense vous auoir cy deuant dit.

Monsieur Vostre pere m'a donné sa copie du voyage de Monsieur Sorbiere, mais le Roy me la prise, de sorte que Je ne lay point encore leue. neantmoins Jen ay assez appris d'ailleurs pour sçauoir que le iugement que vous faites de l'homme n'est point mal fondé: et quelque ciuilite qu'il y ait temoigné pour moy, Je

2) La Lettre N^o. 1238.

3) Consultez la Lettre N^o. 1236.

4) Il paraît que c'est Wallis qui s'est le plus occupé de cette affaire. Consultez aussi l'ouvrage cité dans la Lettre N^o. 1236, note 7.

5) Voir l'ouvrage cité dans la Lettre N^o. 1236, note 11.

6) Oulugh Beg.

7) Voir l'ouvrage cité dans la Lettre N^o. 1236, note 9.

[p. 80]

ne sçay que respondre à ceux qui le chargent d'une indiscretion assez estourdie.

Je vous rends graces neantmoins pour sou liure, comme aussi pour celuy de Monsieur Paschal¹⁰⁾. Nous auons fait la pluspart des experiences dont il parle. et vous scaurez aussi bien que nous, ce qui sy trouue de nouueau, et ce qu'il vaut. Je seray toute ma vie

Monsieur

Vostre treshumble tresobeissant et tresaffectionné seruiteur R. Moray.

A Monsieur Monsieur Christian Hugens de Zulichem à la Haye.

XII

1 β

10) Voir la Lettre N^o. 1234.