Oeuvres complètes. Tome III. Correspondance 1660-1661

N^o 739.
Christiaan Huygens à N. Heinsius.
7 avril 1660.

La lettre, la minute et la copie se trouvent à Leiden, coll. Huygens.

Nicolao Heinsio Viro Clarissimo Christianus Hugenius S.D.

Cujusmodi esset telescopium meum, quaeque in eo vitrorum forma et qui effectus in libello de Systemate Saturni satis exposuisse me putabum. Attamen quia Serenissimus Princeps alio insuper experimento illud cognoscere cupit¹⁾ en tibi tum characterum specimen²⁾, tum distantiae ex qua leguntur mensuram. Versus nimirum hi typis excusi non difficile leguntur telescopio meo (etiam ab eo qui prius illos non viderit) ex interuallo 360 pedum Rhenolandiae quorum haec linea semissem unius exhibet.

Sed sciendum est ad nocturnas observationes hoc telescopium comparatum esse, interdiu vero propemodum nullius esse usus eo quod veluti nebulam quandam rebus visis offundat. Memineris quaeso Illustrissimo Carolo Dato meis quoque verbis

1) Consultez la Lettre N^o. 730.

2) Cette pièce manque dans nos collections.

[p. 61]

gratias agere de Vincentii Viviani opere³⁾ ad nos misso. In quo, licet id raptim tantum adhuc, ut scis, perlegerim, egregias multas Conicarum Sectionum et Conoidum proprietates offendi. Ingeniosam quoque demonstrationem in appendice de lineis ex puncto uno ad plura data ducendis quarum summa sit minima. In libro autem 2^do propositione 20⁴⁾ animadverti ad constructionem problematis hyperbolam adhiberi, cum tantum circulo opus sit, quanquam existimo hunc errorem Viviano cum ipso Apollonio communem esse. Hujus enim ni fallor similis quaedam in codem problemate constructio à Pappo reprehenditur libro 4 propositione 30, his verbis⁵⁾.

Videtur autem quodammodo peccatum non parvum esse apud Geometras cum Problema planum per conica vel linearia ab aliquo invenitur, et ut summatim dicam cum ex improprio solvitur genere, quale est in 5^o libro Conicorum Apollonij Problema in Parabola.

Ut videat autem Clarissimus Vir circuli solius descriptione problema illud suum componi addo hîc ϰατασϰευὴν⁶⁾ jam olim a me repertam Golioque nostro et Schotenio⁷⁾ exhibitam, una cum demonstratione. Neque vero in parabola tantum sed et in hyperbola et ellipsi problema hoc planum esse si opus sit ostendere possim.

Vale

Datum Hagae Comitis 7 Aprilis 1660.

3) De Maximis et Minimis Geometrica Divinatio in Qvintvm Conicorvm Apollonii Pergaei adhvc desideratvm. Ad Serenissimvm Ferdinandvm II. Magnvm dvcem Etrvriae. Liber primvs Avctore Vincentio Viviani. Florentiae mdclx. Apud Joseph Cocchini, Typis nouis, sub Signo Stellae. Svperiorvm permissv.
Le ‘Liber secvndvs’, qui s'y trouve joint, est dédié ‘ad Principem Leopoldvm ab Etrvria’.

4) Ce problème est le suivant:
A dato puncto, ad datae Parabolae peripheriam, minimam rectam lineam ducere.

5) Ces mots ne se trouvent pas dans la lettre. On les trouve dans l'édition de Pappus de 1660 (voir la Lettre N^o. 538, note 1), page 95:
‘Fieri enim potest, vt nullo vtentes solido, problema ab ipso descriptum inueniamus.’

6) Cette pièce manque dans nos collections, à moins que ce ne soit la pièce N^o. 365, avec laquelle en tout cas elle aura eu beaucoup de ressemblance.

7) Comparez la Lettre N^o. 163. Dans la Geometria R. Cartesii Ed. van Schooten, 1659, page 322, van Schooten fait mention de cette construction et démonstration de Chr. Huygens.