Oeuvres complètes. Tome II. Correspondance 1657-1659

[p. 259]

N^o 538.
R.F. de Sluse à Christiaan Huygens.
19 octobre 1658.

La lettre se trouve à Leiden, coll. Huygens.
Elle a été publiée par C. le Paige dans le Bull. di Bibliogr. T. 17.

Nobilissime Domine

Dum occasionem expecto qua tuto redeat ad Te Vallisius¹⁾ tuus, plusculj dies abierunt, sed, spero benigne accipies hanc moram, et solicitudinj meae condonabis. Multa in libro reperj de quibus alias tecum, quando feriatum intellexero. Timeo enim, vt ait ille, ne in publica commoda peccem, si longo sermone morer tua tempora, quae studijs reipublicae litterariae vtilioribus impendis. Valde me permouit promissa Hyperbolae dimensio, et vereor vt vir acutus fidem suam liberet, saltem eâ methodo quae apud veteres Geometras recepta est. De Pappi textu aliquid legj, quod rursus apud vos editum²⁾ innuit. Ego non alium vidj quam illum Comandinj³⁾. Mone igitur num alius extet, sed id demum cum per occupationes licebit, et me perennj affectu credito

Tui obseruantissimum Renatum Franciscum Slusium.

Dabam Leodij 19 8bris 1658.

Nobilissimo et Clarissimo Domino Domino Christiano Hugenio de Zulichem.

1) De Sluse parle du Commercium Epistolicum, cité dans la Lettre N^o. 497, note 3.

2) De Sluse se trompe, car l'édition nouvelle parut à Bologne:
Pappi Alexandrini Mathematicae Collectiones a Federico Commandino Vrbinate in Latinum conuersae, & Commentarijs illustratae. In hac nostra editione ab innumeris, quibus scatebant mendis, & praecipuè in Graeco contextu diligenter vindicatae. Et Serenissimo Principi Leopoldo Gvlielmo Archidvci Avstriae &c. dicatae [a Carolo Manolessio]. Bononiae Ex Typographia H.H. de Duccijs. m.dc.lx. Svperiorvm Permissv. in-folio.

3) Pappi Alexandrini Mathematicae Collectiones à Federico Commandino Vrbinate in latinum conversae et Commentariis illvstratae. Pisavri. Apud Hieronymum Concordiam. m.d.lxxxviii. Svperiorum Concessu. in-folio.