Oeuvres complètes. Tome II. Correspondance 1657-1659

N^o 691.
Christiaan Huygens à Fr. van Schooten.
6 décembre 1659.

La lettre se trouve à Leiden, coll. Huygens.
Fr. van Schooten y répondit par le No. 709.

Clarissimo Viro Fr. Schotenio Chr. Hugenius S.P.

Heri duo exemplaria accepi hujusce quem vides libri¹⁾ ab autore missa, qui nos ut solet lucubrationum suarum participes facit. Itaque alterum eorum ad te proficiscitur, sicut à me petijt²⁾. Nondum mihi otium fuit ut perlegerem, videtur tamen subtiliora quaedam promittere, quam in prioribus libris, quos de hac materia edidit, contineantur.

1) L'ouvrage de Tacquet: ‘Cylindricorum et Annularium Liber Quintus’ (voir la Lettre N^o. 102, note 5). Consultez la Lettre N^o. 709.

2) Nous ne possédons pas cette lettre.

[p. 522]

Occupatum me habet novum inventum quod hisce diebus excogitavi ad horologium meum exactius etiamnum efficiendum quam fuit hactenus. Scis puto adhibuisse



me in automatis istis lamellas binas incurvatas ut AB, AC, inter quas pendulum suspensum movebatur; idque propterea factum ut omnes penduli vibrationes aequali tempore redirent, quae alioqui non omnino ἰσόχρονοι erant ut in libello meo³⁾ indicavi. Quod igitur nunquam me inventurum speraveram nunc denique reperi, veram nimirum figuram curvarum AB, AC, quae efficiat ut oscillationes omnes accuratissime exaequentur. Eam ratione geometrica determinavi, ipsosque artifices docebo ut nullo negotio curvam illam lineam describant. Subtilissimo Heuratio non displicebit opinor haec inventio; nam mihi quidem omnium felicissima videtur in quas unquam inciderim. Vale et me invicem certiorem fac si quid isthic est quod me lubenter sciturum existimes.

Hagae 6 Decembris 1659.

Si librum Paschalij⁴⁾ seu Dettonvilij Heuratius aut Huddenius inspexerunt, cuperem eorum intelligere judicium, ut habeam quod respondeam Domino de Carcavy⁵⁾, qui assiduè a me flagitat ut sententiam nostrorum geometrarum super opere illo ad ipsum perscribam.

Mijn Heer Myn Heer van Schooten Professor der Mathematycken Tot Leijden.

Inde Heeresteegh.

3) Son ‘Horologium’. Voir la Lettre N^o. 640, note 2.

4) Les Lettres de A. Dettonville. Voir la Lettre N^o. 560, note 32.

5) Voir les Lettres N^os. 594 et 650.