Oeuvres complètes. Tome II. Correspondance 1657-1659

[p. 503]

N^o 679.
Christiaan Huygens à G.A. Kinner a Löwenthurn.
[30 octobre 1659.]

La minute et la copie se trouvent à Leiden, coll. Huygens.
La lettre est la réponse au No. 579. Kinner à Löwenthurn y répondit par le No. 707.

Sommaire:
Brief ontfangen. wat daer in. excuse. van t horologe in Gallia et hic plurima. Marcus Marci. Non Ephemerides lunae Saturni et systema quo....de aleae ratiocinijs brevi. Dioptrica. Superficies Conoidis parabolici. Longitudo parabolae. Heuratius curvam rectae aequalem. De Parelijs an Marcus Marci.

Kinnero.

Litterae illae quas 1. Februarii ad me dedisti rectè curatae fuerunt Vir Nobilissime, quibus et amicitiae nostrae gratissimam memoriam renovabas, et de libello¹⁾ Horologij fabricam explicante gratias agebas, ac denique ad instaurandum literarum nostrum commercium perquam humaniter me invitabas. Quod equidem lubens fecissem, verum nihil magnopere dignum quod ad te perscriberem tanto praesertim terrarum intervallo remotum habebam ac proin expectandum potius credidi donec aliquid rursus elaborassem eorum quae adfecta habebam quod tibi offerre operae praetium esset. Ecce igitur Saturnium Systema de quo quaerebas editum mitto cujus curam ut ad Te perferatur Vir Optimus Pater Gregorius a Sto Vincentio in se recepit, qui et Serenissimo Archiduci Leopoldo, et ipsi forsitan Caesari, non ingratam fore novorum phaenomenôn inspectionem existimat. Mitto eadem opera et Theoremata²⁾ quaedam circa Conoïdum et Sphaeroidum superficies quae plurimum placuere Geometris quibuscum ea communicavi. qui et ad demonstrationes eorum edendas crebro adhortantur. Verum sicuti investigationi rerum novarum impense delector, ita editionis curam aversari soleo, cum tanta temporis impensa constet. Si quid tamen publici juris faciam, Dioptrica praecedere oportet, nec tam diu ea pressissem nisi Saturnium Systema incidisset quod ejusmodi erat ut moram ferre non posset. Interim Dominus Schotenius Leidensis mathematum professor una cum suis quibusdam Exercitationibus excudi curavit brevem commentatiunculam meam de Ratiocinijs in Ludo aleae³⁾ quam è vernacula lingua nostra⁴⁾, latinam utcunque fecit. In ea problemata hujusmodi tractantur, exempli gratia, è quot jactibus tessera una seu cubo contendere quis possit senarium casurum. Ubi invenitur si quarto jactu quis id sumat ejus conditionem meliorem esse conditione contra certantis secundum rationem numeri 671 ad 625. Quae quidem ludicra sunt

1) Le Horologium. Voir la Lettre N^o. 511, note 2.

2) Les théorèmes de la pièce N^o. 678.

3) Voir les Lettres N^o. 408, note 3 et N^o. 409, note 1.

4) Le traité ‘Van Rekeningh in Spelen van Geluck.’ Voir la Lettre N^o. 282, note 1.

[p. 504]

quodammodo, sed speculationem tamen habent jucundam neque insubtilem quaeque ad alia quoque multa praeter tesseras extenditur. Scribo autem haec Vir Nobilissime quoniam de studijs atque occupationibus meis percunctari voluisti. Caeterum quod in aulam Caesaream migrasti id tibi quam feliciter evenire cupio; nec vereor equidem ut multum inde detrimenti patiantur studia tua artesque optimae sentiant quibus antea te excoluisti, quando Caesar ipse quoque in praetio eas habere dicitur et plerarumque omnium haud vulgariter peritus esse. Oportunè etiam ibi adest Vir Clarissimus Marcus Marci cujus ex familiaritate cum sit in omni scientiarum genere versatissimus fieri non potest quin et voluptatem plurimam et utilitatem percipias. Certe ut cum musis divortium facias, neutiquam scio tibi permittet. Equidem cum suo merito tum quod mihi favere eum intelligo plurimum illum amo idque velim ut ex te resciscat, utque porro me illi commendes. Oro etiam ut quaeras ex eo an non pareliorum et halonum observationes aliquas penes se habeat, si quas enim mihi impertiri voluerit faciet rem longe gratissimam, et promittere illi audeo me veras ejusmodi phaenomenon causas exhibiturum. nam quas Gassendus Cartesiusque⁵⁾ dederunt, merae chimerae sunt. Vale Kinnere praestantissime, et me ama.

5) Consultez la Lettre N^o. 676, notes 5 et 6.