Oeuvres complètes. Tome I. Correspondance 1638-1656

N^o 298.
Christiaan Huygens à Fr. Van Schooten.
2 juin 1656.

La lettre, la minute et la copie se trouvent à Leiden, coll. Huygens.
Elle est la réponse au No. 293.

Clarissimo viro Domino Fr. Schotenio Chr. Hugenius S.

Quod de folio isthic edito scribis cum titulo Specilla Circularia¹⁾ miror quid sit. Meum certè non est, nam cur sine nomine proposuissem curve te inscio? Itaque te rogo atque obsecro ut si quod ejus exemplar nancisci possis confestim mihi mittas, si opus sit remissurus. Et scito non minus ad me pertinere quam ad Wallisium quae de specillis prodeunt, qui mihi nunc aemulus est telescopiorum causa et ob novi planetae repertum, quod suis si possit Anglis arrogare conatur. Ad ultimas meas nondum respondit neque de Quadratura libelli quos promiserat adhuc perlati sunt²⁾, quod utrumque mihi permolestum est. De aleae ratiocinijs quae misi aequum est ut non

1) Voir la Lettre N^o 286. Note 1.

2) On verra la raison de ce retard dans le N^o 307.

[p. 430]

ante aggrediaris quam tua absolveris. Quaestionem in ijs ultimam^a) quam non explicui, in Galliam ad Milonium miseram, qui nihil ad rem respondit. Ipse vero porro Fermatio proponendum curavit per Dominum de Carcavy. Hunc an aliter quam de nomine noveris ex te scire velim et an aliquid memoratu dignum ab ipso profectum videris. Hoc enim acceptior mihi futura est ipsius amicitia, quam humanissimis literis obtulit. Etsi vel eo nomine expetenda esset quod mihi cum Fermatio commercium nectere promittat. Vale.

Epistolam tuam heri meae inclusam ad Milonium misi.

2 Jun. 1656.

Aen Mijn Heer Mijn Heer Fr. van Schooten

Professor der Mathematycken inde Universiteyt

Tot Leiden.

Heeresteeg.

a) Carcavy quaestio [Ajouté par Chr. Huygens dans la minute].