Oeuvres complètes. Tome I. Correspondance 1638-1656

[p. 389]

N^o 269.
Christiaan Huygens à Fr. van Schooten.
10 mars 1656.

La lettre se trouve à Leiden, coll. Huygens.

Clarissimo Viro Domino Francisco Schotenio Chr. Hugenius S.D.

Cum ad te scribere constituissem Ducquius operam suam obtulit qui tibi epistolam perferret; itaque et folijs istis ipsum onerare visum est quae nuper mihi perlegenda concesseras. Omnia ingenium tuum juxta atque Analyticae utilitatem commendant. In ponderandi methodo¹⁾ animadverti, cum tria pondera investigas, pro primo unitatem poni, pro altero z, pro tertio y, atque inde à tertio seu majori y auferendo duos primos 1 et z, concludere te, reliquum y - z - 1 indicare debere librarum numerum omnium minimum qui à tribus ponderibus ponderari queat, eumque esse 5. Non video autem unde hoc deducas, nisi statuas primorum duorum ponderum summam efficere 4. adeoque secundum pondus esse 3, siquidem primum 1 esse posuisti. Quod si vero priora pondera 1 et 3 manere supponis, tertiumque requiris, pro eo y ponere licebit à quo prioribus 1 et 3 ablatis, concludes continuo residuum y - 1 - 3 esse debere 5: hoc est, y ∞ 9. Sed hic jam illa conditio non adimpleta est, omnem librarum numerum inter 5 et 13 expendi posse. Tuum itaque est considerare quatenus hic Algebrae locus sit, quam equidem in prioribus duobus 1 et 3 recte adhibitam nemo negabit. De lusu aleae brevi aliqua concinnavero quae tibi mittam. Domino Kechelio librum²⁾ suum si placet reddes, proque usu ipsius gratias ages meo nomine simul et chartulae³⁾ quam tibi mitto exemplar ipsi traditurus. Observationes inquam nostrae circa Saturnum quam viri quidam eximij⁴⁾, in Gallia commoranti⁵⁾, suasere ut publico non inviderem. Hujus item Clarissimo Golio exemplar³⁾ dabis, et si videtur Domino Heydano quoque, qui non invitus animadvertet novam Copernicani Systematis comprobationem, alteram Terram alteram lunam. Reliqua³⁾ ubi visum erit distribues. Hesterna die à Wallisio literas⁶⁾ accepi, quibus se libelli sui de quadratura editi bina exemplaria mittere significat, alterumque eorum tibi destinat, teque suis verbis salutari rogat. Caeterum praeter epistolam nihil ad me pervenit, quamvis diligentissimè inquisiverim. Quia autem in superscriptione nulla

1) Il s'agit ici du problème suivant: Invenire duos, tres, pluresve numeros, qui soli sumpti ut & modis omnibus additi ac subtracti, facient numeros ab unitate in serie naturali excrescentes.
On le trouve chez Fr. van Schooten, Exercitationvm mathematicorvm Libri quinque. 1657. in-4^o. à la page 412.

2) Voir la Lettre N^o. 263.

3) C'est l'ouvrage cité dans la Lettre N^o. 267, Note 1; il n'est que de 4 pages in-4^o.

4) Entre autres, Jean Chapelain voir la Lettre N^o. 270.

5) Lisez: Commorantes.

3) C'est l'ouvrage cité dans la Lettre N^o. 267, Note 1; il n'est que de 4 pages in-4^o.

3) C'est l'ouvrage cité dans la Lettre N^o. 267, Note 1; il n'est que de 4 pages in-4^o.

6) C'est la lettre N^o. 260.

[p. 390]

librorum facta est mentio, fortasse alia via deferentur. Si accepero continuo tuum tibi mittam. Vale.

10 Mart. 1656.

Mijn Heer, Mijn Heer Fr. van Schoten Professor der Matematycken inde Universiteyt

Tot Leyden.

met vriendt.