Oeuvres complètes. Tome I. Correspondance 1638-1656

N^o 263.
Fr. van Schooten à Christiaan Huygens.
11 février 1656.

La lettre se trouve à Leiden, coll. Huygens.
Chr. Huygens y répondit par le No. 264.

Clarissimo Viro Domino Christiano Huijgenio, Fr. à Schooten S.D.

Detectionem Dioptricam¹⁾, de qua nuperrimè loquebaris, qualem heri à Kechelio accepi, nunc Tibi transmitto. Quicquid autem in ea continetur, sicut mihi retulit, id in totum ferè continetur in Selenographia Hevelij, quam te habere nullus dubito. Praesertim cum is liber ea omnia comprehendere videatur, quae ad exactam per tubum observationem coelestium corporum aliquomodo spectant. In praedicta Detectione vellem legas paginam 39, ubi de novo sidere in cingulo Andromedae loquitur Auctor, quod Tibi fortè occasionem Tuis Tubis aliquid accuratius eo observandi suppeditare poterit. Cartesij opera brevi de novo praelo subjecturus Ludovicus Elsevirius, à me efflagitavit ut ei illa omnia subministrare vellem, quaecunque lucis aliquid illis allatura judicarem, aut novis accessionibus ea locupletare possent. Quocirca si quid à Domino de Beaune ex Gallia circa illam rem tecum reportaveris, qui tractatum, qui Dioristice inscribitur, composuit, quem eo aegroto

1) Detectio dioptrica corporum planetarum verorum, dasz ist von den wundersamen doch wesentlichen wahren und natürlichen Bildnüsz und cörperlichen Form und Gestalt der sieben Planetsternen und ettlicher Fixsternen. Von Matthias Hirzgarter, Franckfurt am Mayn. Matthias Merian. 1643. in-4^o.

[p. 382]

Dominus Bartholinus in ordinem redegit²⁾: rogo ut mihi eum communicare digneris, quoniam illum apud Dominum Mylonem Te vidisse confido, et Tu fortè eundem jam diu descripseris. Caeterum quidquid suppeditaveris gratum erit, eoque magis si quàm primum ad haec respondeas. Vale.

Lugd. Bat. 11 Febr. 1656.

A Monsieur, Monsieur, Christianus Hugenius, ten huijse van de Heer, Men Heer van Zuijlechem.

op t'pleijn in S'Graven-Hage.

Cito met een boeck.

port.

2) Cet ouvrage parut plus tard dans le tome second de la seconde édition de la ‘Geometria à Renato Des Cartes’, publiée par van Schooten, 1659. Il porte le titre:
De Aequationum Natura, Constitutione, & Limitibus Opuscula Duo. Incoepta à Florimondo de Beavne, in Curia Blesensi Consiliario Regio; absoluta vero, & post mortem ejus edita ab Erasmo Bartholino, Medicinae & Mathematum in Regia Academia Hafniensi Professore publico. Amstelaedami, Apud Ludovicum & Danielem Elsevirios. cIƆIƆclix. in-4^o.