Latijnse gedichten 1607-1620

128 25 07 1620 Ged., dl. 1 p. 187
Libellus lectoriaant.

Cum Batavis Venetas socialis dextera vires

iungeret et geminus mutua ferra leo,

tanta cui proceres voluere negotia curae,

transiit has peregre me comitante vias.

Hinc levis in modicam crevi cum faenore molem,

qualis in affixas massa voluta nives.

Qui totidem pernosse volet, non visere fines,

en teneat domini sedula scripta mei

et sine dente iocos, expertes criminis horas,

innocuas noctes et sine labe dies.

Vidit hic, ille sciet; tulit hic, fugit ille labores.

Quaero: cui cuius gaudia pluris erunt?

Fallor an ex trutina feret aequior arbiter aequa:

ille tulit mentem, quo tulit iste pedes.

Sed patrios posthac fugias praeposterus agros,

si pote quos noris non adiisse locos.

Constanter.
Basileae, 8^o Kal. Sextil. 1620.