Latijnse gedichten 1607-1620

[p. 200]

(125 Epitaphium Iacobi Grusii (Vervolg))aant.

Vixi - ista summa est. Quantus aut quantum rogas?

Spes Grusiorum prima, patris corculum,
pupilla matris, utriusque mel merum,
forma, lepore, praeter annos indole
par paene nulli, plurimis provectior
ter quinque paucos messibus iunxi dies,
cum parca pronam Parca deduxit colum.

Quid evocantis increpas caeli manum?

Quid ampliores exigis, pater, moras?
Praemittor. Ecquid invides compendium?
Sequeris. Ecquid ingemis functo via?
Fletus malorum busta, non meum decet;
matura vitae nulla non finis bonae.

Constanter.
17^o Kal. Feb. 1620.