Latijnse gedichten 1607-1620
(2004)–Constantijn Huygens–
Auteursrechtelijk beschermd
[pagina 196]
| |
(122 Constantinus Huygens ex magna Britannia redux patriam salutat (Vervolg))aant.Nempe, ne laudem numeri superba
vindicet tellus potioris, harum,
caelites, binas retinente binas
orbe vocastis.
45[regelnummer]
Si tamen caelo (veniam dolori,
Parca, fraterno dabis) invidere
fas sit, o quidni, Catharina, caelo
invidearis!
Blanda Vestalis species pudoris,
50[regelnummer]
candidum pectus, pia virgo, sollers
artium custos, Catharina, cur te,
cur careamus?
Corculum matris, patriae senectae
dulce solamen, praeeunte nullo
55[regelnummer]
doctior doctis, Catharina, cur te,
cur careamus?
Mel meum, Sappho mea, Gratiarum
quarta, Musarum soror, obstupentis
plasma naturae, Catharina, cur te,
60[regelnummer]
cur careamus?
Sed recens cursum dolor institutum
rumpit. Excuset miseranda lapsum
culpa; maiores minor avocavit
causa poetas.
65[regelnummer]
Talis incautum memorata Flaccum
flexit Europe, tumidos parantem
Hadriae fluctus tumido puellae
tollere versu.
Terminum pono lacrimis et unde
70[regelnummer]
solverat puppis redeo: valete
plurimum, toto penitus remoti
orbe Britanni.
Plurimum salve, pater, atque mater,
plurimum; frater, geminae sorores,
75[regelnummer]
plurimum; salve, domus; Haga, salve;
patria, salve.
Constanter.
Lambethiae, Septemb. 1618.
In de linker bovenhoek van de eerste bladzijde: Patriae quis exul se quoque fugit? In de linker bovenhoek van blad 9r, dat begint met vs. 49: Heu qualis pietas, heu quam brevis excidit aetas! |
|