Latijnse gedichten 1607-1620

121 ←17 09 1618 Ged., dl. 1 p. 122
Coram rege citharam pulsaturusaant.

Applicat augustam regum ter maximus aurem:

suggere non solitos, dextra Thalia, modos.

Quid pavido prodis gressu tremebunda? Quis iste

virgineo subitus funditur ore rubor?

Regius (agnosco) percellit lumina splendor;

torpida praesenti numine lingua riget.

Cui tamen ore loqui Batavo datur, ille Britannos

desperet faciles ad sua verba deos?

Constanter.