Latijnse gedichten 1607-1620

120 25 05 1618 Ged., dl. 1 p. 115
Constantini Huygens in Angliam abituri ad patriam tumultuantem αποταξισaant.

Est aliquid patriis considere molliter arvis;

est aliquid patrios usque subire lares.

Patria, da veniam: non sunt tua gaudia tanti;

non facis ad mores seditiosa meos.

Anglia vicino celebris iacet insula ponto,

dives opum, dubites, an pietate magis,

sed pietate magis. Borean date, fata, secundum.

Huc iter, huc animum vertimus; Haga, vale.

Hic ego securo placidum pede litus et illa,

illa, sed armorum nescia, regna premam.

Hic ego de patria cupidam narrantibus aurem

nunc dabo, nunc faciet littera missa fidem.